പ്രവാസി മലയാളി ന്യുമോണിയ ബാധിച്ച് മരിച്ചു

ജിദ്ദയിലെ ആശുപത്രിയിൽ കഴിഞ്ഞ മൂന്നാഴ്ചയായി ചികിത്സയിലായിരുന്നു. 

റിയാദ്: സൗദി അറേബ്യയിൽ ന്യൂമോണിയ ബാധിച്ചു മലയാളി മരിച്ചു. ജിദ്ദയിൽ മലപ്പുറം കൊണ്ടോട്ടി ബ്ലോക്ക് റോഡിൽ ആനക്കച്ചേരി മുജീബ് റഹ്മാൻ (42) ആണ് മരിച്ചത്. ജിദ്ദയിലെ ആശുപത്രിയിൽ കഴിഞ്ഞ മൂന്നാഴ്ചയായി ചികിത്സയിലായിരുന്നു. 

ഭാര്യ: വലിയപറമ്പ് മാണിശ്ശേരി ഏറിയാടൻ ജമീല. മക്കൾ: മുഹമ്മദ് സിനാൻ, ആയിശ ഫഹിയ, സൻസ. നടപടിക്രമങ്ങൾ പൂർത്തിയാക്കാനായി ജിദ്ദ കെ.എം.സി.സി വെൽഫയർ വിങ്ങ് കൺവീനർ  മുഹമ്മദ് കുട്ടി പാണ്ടിക്കാടിന്റെ നേതൃത്വത്തിൽ സാമൂഹിക പ്രവര്‍ത്തകര്‍ രംഗത്തുണ്ട്.