മലയാളി യുവതിയെ യുഎഇയില് മരിച്ച നിലയില് കണ്ടെത്തി; ഭര്ത്താവ് ഗുരുതരാവസ്ഥയില്, അന്വേഷണം തുടങ്ങി
Synopsis
കൈ ഞരമ്പ് മുറിഞ്ഞ് രക്തം വാര്ന്ന മരിച്ച നിലയിലാണ് യുവതിയെ കണ്ടെത്തിയത്.
അബുദാബി: മലയാളി യുവതിയെ അബുദാബിയില് മരിച്ച നിലയില് കണ്ടെത്തി. കണ്ണൂര് ചിറയ്ക്കല് മാടത്തുകണ്ടി പാറപ്പുറത്ത് സ്വദേശിനി മനോഗ്ന (31)യെയാണ് മരിച്ച നിലയില് കണ്ടെത്തിയത്.
കൈ ഞരമ്പ് മുറിഞ്ഞ് രക്തം വാര്ന്ന മരിച്ച നിലയിലാണ് യുവതിയെ കണ്ടെത്തിയത്. ഇവരുടെ ഭര്ത്താവിനെയും കൈ ഞരമ്പ് മുറിച്ച നിലയില് ഗുരുതരാവസ്ഥയില് കണ്ടെത്തിയിരുന്നു. ഇയാളെ അബുദാബിയിലെ ആശുപത്രിയില് പ്രവേശിപ്പിച്ചു. യുവതിയുടെ മൃതദേഹം ബനിയാസ് മോർച്ചറിയിലാണുള്ളത്. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.
Read Also - ബലിപെരുന്നാള്; ഈ മാസം നേരത്തെ ശമ്പളം നല്കും, സര്ക്കാര് ജീവനക്കാര്ക്ക് സന്തോഷ വാര്ത്തയുമായി ദുബൈ
പ്രവാസി മലയാളി താമസസ്ഥലത്ത് മരിച്ച നിലയിൽ
റിയാദ്: മലപ്പുറം സ്വദേശിയെ റിയാദിലെ താമസസ്ഥലത്ത് മരിച്ച നിലയിൽ കണ്ടെത്തി. അരീക്കോട് ഊർങ്ങാട്ടിരി കല്ലട്ടിക്കൽ സ്വദേശി കച്ചേരിപറമ്പിൽ ഷാജിയെയാണ് (40) റിയാദ് സുൽത്താനയിലെ താമസസ്ഥലത്ത് മരിച്ച നിലയിൽ കണ്ടെത്തിയത്.
പിതാവ്: അഹ്മദ്, മാതാവ്: നഫീസ, ഭാര്യ: ജഷീല, മക്കൾ: ഷെഹീം, ഷെഹസിൻ, ഇസ്ഹാൻ, ഫാത്തിമ ഹെൻസ, ഇനാറ ഹനിയ. മൃതദേഹം റിയാദിൽ ഖബറടക്കും. നടപടിക്രമങ്ങൾ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് ചെയർമാൻ റഫീഖ് പുല്ലൂർ, റഫീഖ് ചെറുമുക്ക്, റിയാസ് തിരൂർക്കാട് എന്നിവരുടെ നേതൃത്വം നൽകുന്നു.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam