രണ്ടാഴ്ച മുമ്പ് നാട്ടില് നിന്നെത്തിയ മലയാളി യുവതിയെ മരിച്ച നിലയില് കണ്ടെത്തി
Synopsis
രണ്ടാഴ്ച മുമ്പ് നാട്ടില് നിന്ന് ഒമാനിലെത്തിയ മലയാളി യുവതിയെ ഒമാനിലെ അസൈബയില് മരിച്ച നിലയില് കണ്ടെത്തി
മസ്കത്ത്: മലയാളി യുവതിയെ ഒമാനില് മരിച്ച നിലയില് കണ്ടെത്തി. കൊല്ലം കുളത്തൂപ്പുഴ നെല്ലിമൂട് തുണ്ടില് വീട്ടില് ബിജിലി ബേബി (29) ആണ് മരിച്ചത്. മസ്കത്ത് അസൈബയില് മരിച്ച നിലയില് കണ്ടെത്തുകയായിരുന്നു. ഭര്ത്താവ് ജോണ് കോശി ഒമാനിലെ പ്രമുഖ കമ്പനിയില് ഓട്ടോമോട്ടീവ് വിഭാഗം ജീവനക്കാരനാണ്. രണ്ടാഴ്ച മുമ്പാണ് ബിജിലി ബേബി നാട്ടില് നിന്ന് ഒമാനിലെത്തിയത്. നടപടിക്രമങ്ങള് പൂര്ത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര് അറിയിച്ചു.
ദോഹ: മലയാളി യുവാവ് ഖത്തറില് ഹൃദയാഘാതം മൂലം മരിച്ചു. തൃശൂര് വെങ്കിടങ്ങ് തൊയക്കാവ് അമ്പലത്ത് വീട്ടില് നിയാസ് (32) ആണ് മരിച്ചത്. വ്യാഴാഴ്ച വൈകുന്നേരം ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
ഭാര്യ ഷഫിയും ആറും മൂന്നും വയസുള്ള മക്കളും നിയാസിനൊപ്പം ഖത്തറിലുണ്ട്. 10 വര്ഷമായി പ്രവാസിയായ അദ്ദേഹം സ്വകാര്യ സ്ഥാപനത്തില് ജോലി ചെയ്തുവരികയായിരുന്നു. പിതാവ് - അബ്ദുല് അസീസ്. മാതാവ് - നൂര്ജഹാന്. സഹോദരങ്ങള് - നവാസ്, നസീമ. നടപടിക്രമങ്ങള് പൂര്ത്തിയാക്കിയ ശേഷം മൃതദേഹം നാട്ടിലെത്തിക്കുമെന്ന് സുഹൃത്തുക്കളും ബന്ധുക്കളും അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam