ഉച്ചവിശ്രമ നിയമം ലംഘിക്കപ്പെടുന്നു; കുവൈത്തില് പരിശോധന ശക്തമാക്കി അധികൃതര്
Synopsis
വിവിധ നിര്മ്മാണ സൈറ്റുകളില് നടത്തിയ പരിശോധനകളില് നിരവധി നിയമലംഘനങ്ങള് കണ്ടെത്തിയിട്ടുള്ളതായി അധികൃതര് വ്യക്തമാക്കി.
കുവൈത്ത് സിറ്റി: കുവൈത്തില് ഉച്ചവിശ്രമ നിയമം ലംഘിക്കപ്പെടുന്നതിനെ തുടര്ന്ന് തൊഴില് സ്ഥലങ്ങളിലെ പരിശോധന കര്ശനമാക്കി മാന്പവര് അതോറിറ്റി. നിരവധി കമ്പനികള്ക്കെതിരെ നടപടികള് സ്വീകരിച്ചതായി മാന്പവര് അതോറിറ്റി അറിയിച്ചു.
മാന്പവര് അതോറിറ്റിയിലെ തൊഴില് സുരക്ഷാ വിഭാഗം ഉദ്യോഗസ്ഥര് ഫീല്ഡ് പരിശോധന സജീവമാക്കിയിട്ടുണ്ട്. വിവിധ നിര്മ്മാണ സൈറ്റുകളില് നടത്തിയ പരിശോധനകളില് നിരവധി നിയമലംഘനങ്ങള് കണ്ടെത്തിയിട്ടുള്ളതായി അധികൃതര് വ്യക്തമാക്കി. ഈ മാസം ഒന്നു മുതലാണ് കുവൈത്തില് ഉച്ചവിശ്രമ നിയമം നടപ്പിലാക്കിയത്. പകല് 11 മണി മുതല് വൈകുന്നേരം നാല് മണി വരെ തുറസായ സ്ഥലങ്ങളില് നേരിട്ട് സൂര്യപ്രകാശം ഏല്ക്കുന്ന തരത്തിലുള്ള ജോലികള്ക്കാണ് വിലക്കേര്പ്പെടുത്തിയിരിക്കുന്നത്.
യുഎഇയില് ഉച്ചവിശ്രമ നിയമം ലംഘിച്ചാല് 10 ലക്ഷം ദിര്ഹം വരെ പിഴ
ഉച്ചവിശ്രമ നിയമം പാലിക്കപ്പെടുന്നുണ്ടോയെന്ന് കണ്ടെത്താൻ പരിശോധന; 100 നിയമലംഘനങ്ങള് കണ്ടെത്തി
കുവൈത്ത് സിറ്റി: കുവൈത്തിൽ ഉച്ചവിശ്രമ നിയമവുമായി ബന്ധപ്പെട്ട 100 നിയമലംഘനങ്ങൾ കണ്ടെത്തിയതായി അധികൃതർ അറിയിച്ചു. നിയമം പാലിക്കപ്പെടുന്നുണ്ടോയെന്ന് കണ്ടെത്താൻ 155 തൊഴിലിടങ്ങളിൽ പരിശോധന നടത്തി. നിയമലംഘനം റിപ്പോർട്ട് ചെയ്യാനായി നൽകിയിരുന്ന വാട്സ്ആപ് നമ്പറിലൂടെ ഒൻപത് പരാതികൾ ഇതുവരെ ലഭിച്ചു.
പരിശോധന നടത്തിയ സ്ഥാപനങ്ങളിൽ 51 ഇടങ്ങളിൽ ഉച്ചവിശ്രമ നിയമം പാലിക്കപ്പെടുന്നുണ്ടെന്ന് കണ്ടെത്തിയിട്ടുണ്ട്. കഴിഞ്ഞയാഴ്ച മുബാറക് അല് കബീര് ഗവര്ണറേറ്റിലെ അല് മസായീല് ഏരിയയിലെ 12 കണ്ട്രക്ഷന് സൈറ്റുകളില് ഉദ്യോഗസ്ഥരെത്തി പരിശോധിച്ചിരുന്നു. നിയമം ലംഘിച്ച് ജോലി ചെയ്ത അന്പതിലധികം തൊഴിലാളികളെ അറസ്റ്റ് ചെയ്തതായാണ് അന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തത്. രാജ്യത്ത് ചൂട് കൂടിയ സാഹചര്യത്തില് പകല് 11 മണി മുതല് വൈകുന്നേരം നാല് മണി വരെ തുറസായ സ്ഥലങ്ങളില് നേരിട്ട് സൂര്യപ്രകാശം ഏല്ക്കുന്ന തരത്തിലുള്ള ജോലികള്ക്കാണ് വിലക്കേര്പ്പെടുത്തിയിരിക്കുന്നത്.
സൗദിയില് മധ്യാഹ്ന ജോലിക്ക് കര്ശന നിയന്ത്രണം
തൊഴിലാളികളുടെ അവകാശങ്ങള് സംരക്ഷിക്കാന് പ്രതിജ്ഞാബദ്ധമാണെന്ന് പബ്ലിക് അതോരിറ്റി ഓഫ് മാന്പവര് അറിയിച്ചിട്ടുണ്ട്. രാജ്യത്തെ 535/2015 നിയമം അനുശാസിക്കുന്നത് പ്രകാരമാണ് ഉച്ചവിശ്രമം അനുവദിക്കുന്നത്. നിയമ ലംഘനം കണ്ടെത്തിയാല് മുന്നറിയിപ്പ് നല്കുന്നതിന് പുറമെ നടപടികളും സ്വീകരിക്കും, കമ്പനിയുടെ ഫയലുകള് ക്ലോസ് ചെയ്യുകയും ഓരോ തൊഴിലാളിക്കും 100 ദിനാര് എന്ന നിരക്കില് പിഴ ഈടാക്കുകയും ചെയ്യും. നിയമ ലംഘനം ആവര്ത്തിച്ചാല് പിഴത്തുകയും ഇരട്ടിയാവും.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ