ന​​ഗ്ന​നേ​ത്രം കൊ​ണ്ട് ചൊ​വ്വ​യെ ദർശിക്കാം, ഖത്തറിൽ അത്യപൂർവ ഗ്രഹ വിന്യാസം

ഖത്തർ നിവാസികൾക്ക് വൈ​കു​ന്നേ​ര​ങ്ങ​ളി​ൽ ആ​കാ​ശ​ത്ത് ന​​ഗ്ന​നേ​ത്രം കൊ​ണ്ട് ചൊ​വ്വ​യെ ദർശിക്കാൻ സാ​ധി​ക്കും.

ദോഹ: ഖത്തറിന്റെ ആകാശത്ത് ഏ​പ്രി​ൽ മാസത്തിൽ അപൂർവ ആ​കാ​ശ വി​സ്മ​യം ദർശിക്കാൻ അ​വ​സ​രം. നാ​ല് ഗ്ര​ഹ​ങ്ങ​ൾ ച​ന്ദ്ര​നു​മാ​യി നേ​ർരേ​ഖ​യി​ൽ വരുന്ന അ​പൂ​ർ​വ ആ​കാ​ശ കാഴ്ച്ച ഖ​ത്ത​റി​ൽ ദൃശ്യമാകുമെന്ന് ഖ​ത്ത​ർ ക​ല​ണ്ട​ർ ഹൗ​സ് അ​റി​യി​ച്ചു. ഖത്തർ നിവാസികൾക്ക് വൈ​കു​ന്നേ​ര​ങ്ങ​ളി​ൽ ആ​കാ​ശ​ത്ത് ന​​ഗ്ന​നേ​ത്രം കൊ​ണ്ട് ചൊ​വ്വ​യെ ദർശിക്കാൻ സാ​ധി​ക്കും. ഈ കാലയളവിൽ ശുക്രൻ, ശനി, ബുധൻ എന്നിവയെ പുലർച്ചെ ആകാശത്ത് കാണാം. 

ഏ​പ്രി​ൽ അ​ഞ്ച് ശ​നി​യാ​ഴ്ച വൈ​കീ​ട്ട് ചൊ​വ്വ ​ഗ്ര​ഹം ച​ന്ദ്ര​നോ​ട് ഏ​റ്റ​വും അ​ടു​ത്താ​യി​രി​ക്കും. തെ​ക്ക​ൻ ച​ക്ര​വാ​ള​ത്തി​ലേ​ക്ക് നോ​ക്കി​യാ​ൽ ന​ഗ്ന​നേ​ത്ര​ങ്ങ​ൾ​കൊ​ണ്ട് ചൊ​വ്വ​യെ​യും ച​ന്ദ്ര​നെ​യും ഒ​രു​മി​ച്ച് കാ​ണാ​ൻ ക​ഴി​യും. സൂ​ര്യാ​സ്ത​മ​യ​ത്തി​നു​ശേ​ഷം വൈ​കീ​ട്ട് 5.53ന് ​മു​ത​ൽ അ​ടു​ത്ത ദി​വ​സം പു​ല​ർ​ച്ചെ 1.18 ​വ​രെ ഈ ​കാഴ്ച കാണാം. ഏ​പ്രി​ൽ 25 വെ​ള്ളി​യാ​ഴ്ച പു​ല​ർ​ച്ചെ ശു​ക്ര​നും ശ​നി​യും ച​ന്ദ്ര​ന് സ​മീ​പമെത്തും. ഈ ​സ​മ​യം ശു​ക്ര​ന്റെ​യും ശ​നി​യു​ടെ​യും ഇ​ട​യി​ലാ​യി​രി​ക്കും ച​ന്ദ്ര​ൻ. കി​ഴ​ക്ക​ൻ ച​ക്ര​വാ​ള​ത്തി​ലേ​ക്ക് നോ​ക്കി​യാ​ൽ ഈ ​വി​ന്യാ​സം നി​രീ​ക്ഷി​ക്കാ​ൻ ക​ഴി​യും. പു​ല​ർ​ച്ചെ 3.17 മു​ത​ൽ സു​ര്യോ​ദ​യ​ത്തി​ന് തൊ​ട്ടു​മു​മ്പ് വ​രെ ഈ ദൃശ്യം സാ​ധ്യ​മാകും.

ഏ​പ്രി​ൽ 26 ശ​നി​യാ​ഴ്ച രാ​വി​ലെ ബു​ധ​ൻ ച​ന്ദ്ര​നുമായി നേ​ർ​രേ​ഖ​യി​ലെ​ത്തും. കി​ഴ​ക്ക​ൻ ച​ക്ര​വാ​ള​ത്തി​ൽ ന​ഗ്ന​നേ​ത്ര​ങ്ങ​ൾ കൊ​ണ്ട് ബു​ധ​നെ​യും ച​ന്ദ്ര​നെ​യും കാ​ണാ​ൻ ക​ഴി​യും. പ്ര​കാ​ശം കു​റ​ഞ്ഞ​തും അ​ന്ത​രീ​ക്ഷ​ മലിനീകരണം ഇ​ല്ലാ​ത്ത​തു​മാ​യ സ്ഥ​ല​ങ്ങ​ളി​ലായിരി​ക്കും ഇ​വ ന​ന്നാ​യി ദൃ​ശ്യ​മാ​വു​ക. ഈ ​​ഗ്ര​ഹ വി​ന്യാ​സം ഒ​രു സ്വാഭാവിക പ്ര​തി​ഭാ​സം മാ​ത്ര​മാ​ണെ​ന്നും ഭൂ​മി​യെ ബാ​ധി​ക്കി​ല്ലെ​ന്നും ഖ​ത്ത​ർ ക​ല​ണ്ട​ർ ഹൗ​സ് അറിയിച്ചു.