കുവൈത്തിൽ ദേശീയദിനാഘോഷങ്ങൾക്ക് ഫെബ്രുവരി രണ്ടോടെ തുടക്കമാകും

ഫെബ്രുവരി രണ്ടിന് ബയാൻ പാലസിൽ പതാക ഉയർത്തൽ ചടങ്ങുകളോടെ  64ാമത് ദേശീയ ദിനാഘോഷങ്ങൾക്ക് തുടക്കമാകും. ഇത്തവണത്തെ ദേശീയ ദിനാഘോഷങ്ങളുടെ പ്രധാന ആകർഷണം ജനുവരി 21ന് ആരംഭിച്ച `യാ ഹലാ' ഷോപ്പിങ് ഫെസ്റ്റിവലാണ്.

കുവൈത്ത് സിറ്റി: രാജ്യത്തെ 64ാമത് ദേശീയ ദിനാഘോഷങ്ങൾക്ക് തുടക്കമാകുന്നു. ഫെബ്രുവരി രണ്ടിന് ബയാൻ പാലസിൽ പതാക ഉയർത്തൽ ചടങ്ങുകളോടെയാണ് ആഘോഷങ്ങൾ ആരംഭിക്കുന്നത്. തുടർന്ന് എല്ലാ ​ഗവർണറേറ്റുകളിലും പരാമ്പരാ​ഗത രീതിയിലുള്ള ആഘോഷ പരിപാടികൾ സംഘടിപ്പിക്കും. പതാക ഉയർത്തൽ ചടങ്ങിൽ പങ്കെടുക്കാൻ പൊതു ജനങ്ങൾക്കും അവസരമുണ്ടായിരിക്കും. പ്രധാന മന്ത്രി ശൈഖ് അഹമ്മദ് അബ്ദുല്ല അൽ അഹമ്മദ് അൽ സബാഹിന്റെ നേതൃത്വത്തിൽ ബയാൻ പാലസിൽ നടന്ന മന്ത്രിസഭാ യോ​ഗത്തിലാണ് ഇതുസംബന്ധിച്ച തീരുമാനമുണ്ടായത്.  

ഫെബ്രുവരി 25ന് കുവൈത്തിൽ ദേശീയ ദിനവും 26ന് വിമോചന ദിനവും ആഘോഷിക്കും. ഇത്തവണത്തെ ദേശീയ ദിനാഘോഷങ്ങളുടെ പ്രധാന ആകർഷണം ജനുവരി 21ന് ആരംഭിച്ച `യാ ഹലാ' ഷോപ്പിങ് ഫെസ്റ്റിവലാണ്. 70 ദിസം നീണ്ടുനിൽക്കുന്ന ഈ പരിപാടി മാർച്ച് 31നാണ് സമാപിക്കുക. ഫെബ്രുവരി ഒന്നിനാണ് പരിപാടികളുടെ നറുക്കെടുപ്പ് ആരംഭിക്കുന്നത്. 120 ആഡംബര കാറുകൾ ഉൾപ്പടെ 8 മില്ല്യൺ ഡോളറിലധികം സമ്മാനങ്ങളാണ് ഫെസ്റ്റിവലിൽ ഉൾപ്പെടുത്തിയിരിക്കുന്നത്. സെലിബ്രേഷൻ ഓഫ് നാഷനൽ ഹോളിഡേഴ്സ് ആൻഡ് ഒക്കേഷണൽ സ്റ്റാൻഡിങ് കമ്മിറ്റി സംഘടിപ്പിക്കുന്ന യാ ഹലാ ഷോപ്പിങ് ഫെസ്റ്റിവലിൽ ഡ്രോൺ ഷോകൾ, വെടിക്കെട്ട് തുടങ്ങിയ പരിപാടികളും ക്രമീകരിച്ചിട്ടുണ്ട്.