ഖത്തര്‍ ദേശീയ ദിനം; ആഘോഷങ്ങൾക്ക് തുടക്കമായി, ഡി​സം​ബ​ർ 18 വ​രെ വൈവിധ്യമാർന്ന പരിപാടികൾ

വ്യത്യസ്തമായ പരിപാടികളാണ് ദേശീയ ദിനത്തോട് അനുബന്ധിച്ച് സംഘടിപ്പിക്കുന്നത്. 

ദോഹ: ദേശീയ ദിനമാഘോഷിക്കാനൊരുങ്ങി ഖത്തര്‍. ദേശീയ ദിന പരിപാടികളുടെ വിളംബരമായി ദര്‍ബ് അല്‍ സാഇയില്‍ ഇന്നാണ് ആഘോഷങ്ങള്‍ കൊടിയേറുന്നത്. ഡിസംബര്‍ 18നാണ് ഖത്തര്‍ ദേശീയ ദിനം.

ഡിസംബര്‍ 18 വരെ ഉം​സ​ലാ​ലി​ലെ ദ​ർ​ബ് അ​ൽ സാ​ഇ വേ​ദി​യി​ൽ ആഘോഷ പരിപാടികൾ സംഘടിപ്പിക്കും. ചൊവ്വാഴ്ച വൈകുന്നേരം മൂന്ന് മണി മുതല്‍ രാത്രി 11 മണി വരെ വിപുലമായ ആഘോഷ പരിപാടികളാണ് അരങ്ങേറുക. സാം​സ്കാ​രി​ക ത​നി​മ​യും പൈ​തൃ​ക​വും വെളിപ്പെടുത്തുന്ന ക​ലാ​പ​രി​പാ​ടി​ക​ളും പ്ര​ദ​ർ​ശ​ന​ങ്ങ​ളും ഉണ്ടാകും.

ഇതിന് പുറമെ വി​വി​ധ ഷോ​ക​ൾ, ശി​ൽ​പ​ശാ​ല​ക​ൾ, വി​ദ്യാ​ഭ്യാ​സ പ​രി​പാ​ടി​ക​ൾ, മ​ത്സ​ര​ങ്ങ​ൾ എന്നിവയും ദ​ർ​ബ് അ​ൽ സാ​ഇയിൽ ഒ​രു​ങ്ങും. 15​ പ്ര​ധാ​ന ആ​ഘോ​ഷ​ങ്ങ​ൾ ഉ​ൾ​പ്പെ​ടെ 9 ദി​വ​സ​ങ്ങ​ളി​ൽ 104ലേ​റെ പ​രി​പാ​ടി​ക​ൾ ഉണ്ടാകും. 15,000 ച​തു​ര​ശ്ര മീ​റ്റ​ർ വി​സ്തൃ​തി​യി​ലു​ള്ള മേ​ഖ​ല​യി​ലാ​ണ് പൊ​തു​ജ​ന​ങ്ങ​ൾ​ക്കാ​യി പരിപാടികള്‍ സംഘടിപ്പിക്കുന്നത്.  80ലേ​റെ ഷോ​പ്പു​ക​ൾ, 30 റ​സ്റ്റോ​റ​ന്റ്, അ​ഞ്ചോ​ളം നാ​ട​ൻ കാ​യി​ക പ​രി​പാ​ടി​ക​ൾ എ​ന്നി​വ ആഘോഷങ്ങളുടെ ഭാഗമായുണ്ട്. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം