സുല്ത്താന്റെ നിര്ദേശം; ഒമാനില് വിസ നിരക്കുകള് കുറച്ചു, പുതിയ നിരക്കുകള് ഇങ്ങനെ
Synopsis
വിസ ഇഷ്യൂ ചെയ്യുന്നതിനും പുതുക്കുന്നതിനുമുള്ള നിരക്കുകള് കുറച്ചിട്ടുണ്ട്. പുതിയ വിസാ നിരക്കുകള് ഒമാന് മാനവ വിഭവശേഷി മന്ത്രാലയം പുറത്തിറക്കുകയും ചെയ്തു. ഈ വര്ഷം ജൂണ് ആദ്യം മുതലായിരിക്കും ഈ നിരക്കുകള് പ്രാബല്യത്തില് വരിക.
മസ്കത്ത്: ഒമാന് ഭരണാധികാരി സുല്ത്താന് ഹൈതം ബിന് താരിഖിന്റെ നിര്ദേശപ്രകാരം പ്രവാസികളുടെ വിസാ നിരക്കുകള് കുറച്ചു. മസ്കത്ത്, തെക്കന് അല് ബാത്തിന, മുസന്ദം എന്നീ ഗവര്ണറേറ്റുകളിലെ ശൈഖുമാരുമായി ഞായറാഴ്ച നടത്തിയ കൂടിക്കാഴ്ചയ്ക്കിടെയായിരുന്നു വിസാ നിരക്കുകള് കുറയ്ക്കാന് ഭരണാധികാരി നിര്ദേശം നല്കിയത്.
വിസ ഇഷ്യൂ ചെയ്യുന്നതിനും പുതുക്കുന്നതിനുമുള്ള നിരക്കുകള് കുറച്ചിട്ടുണ്ട്. സുല്ത്താന്റെ നിര്ദേശത്തിന് പിന്നാലെ പുതിയ വിസാ നിരക്കുകള് ഒമാന് മാനവ വിഭവശേഷി മന്ത്രാലയം പുറത്തിറക്കുകയും ചെയ്തു. ഈ വര്ഷം ജൂണ് ആദ്യം മുതലായിരിക്കും ഈ നിരക്കുകള് പ്രാബല്യത്തില് വരിക. നേരത്തെ 2001 റിയാല് ഈടാക്കിയിരുന്ന ഏറ്റവും ഉയര്ന്ന വിഭാഗത്തില് 301 റിയാലാക്കി ഫീസ് കുറച്ചു. സ്വദേശിവത്കരണ നിബന്ധനകള് പാലിക്കുന്ന സ്ഥാപനങ്ങള്ക്ക് ഈ ഫീസില് 85 ശതമാനം വരെ ഇളവും നല്കും.
Read also: മകളെ സ്കൂളില് കൊണ്ടുപോകുന്നതിനിടെ പ്രവാസി മലയാളി കുഴഞ്ഞുവീണ് മരിച്ചു
നേരത്തെ 601 റിയാല് മുതല് 1001 റിയാല് വരെ ഈടാക്കിയിരുന്ന തസ്തികകളിലേക്ക് ഇനി മുതല് 251 റിയാലായിരിക്കും വിസാ ഫീസ്. സ്പെഷ്യലൈസ്ഡ്, സാങ്കേതിക വിഭാഗങ്ങളില് ജോലി ചെയ്യുന്നവരാണ് ഇതില് ഉള്പ്പെടുന്നവരില് അധികവും. ഈ വിഭാഗത്തിലെ സ്വദേശിവത്കരണം നടപ്പാക്കിയ സ്ഥാപനങ്ങള്ക്ക് 176 റിയാല് ആയിരിക്കും ഫീസ്.
നിലവില് 301റിയാല് മുതല് 361 റിയാല് വരെ ഈടാക്കുന്ന വിഭാഗത്തില് ഇനി മുതല് വിസ ഇഷ്യൂ ചെയ്യാനും പുതുക്കാനും 201 റിയാല് ആയിരിക്കും പുതിയ ഫീസ്. ഇതും സ്വദേശിവത്കരണം പൂര്ത്തിയാക്കിയവര്ക്ക് 141 റിയാല് ആയിരിക്കും ഇത്. വീട്ടുജോലിക്കാരുടെ ഫീസ് 141ല് നിന്ന് 101 റിയാലായും കുറച്ചിട്ടുണ്ട്.
റിയാദ്: അഞ്ച് വയസിന് താഴെയുള്ള കുട്ടികൾക്ക് (Children below five years) രക്ഷിതാക്കളോടൊപ്പം മക്ക, മദീന ഹറമുകളിൽ പ്രവേശിക്കാം. സൗദി ഹജ്ജ് ഉംറ മന്ത്രാലയം (Ministry of Hajj and Umrah, Saudi Arabia) അസിസ്റ്റന്റ് അണ്ടർ സെക്രട്ടറിയും മന്ത്രാലയ വക്താവുമായ എൻജി. ഹിഷാം ബിൻ അബ്ദുൽ മുനീമാണ് ഇക്കാര്യം അറിയിച്ചത്.
എന്നാൽ ഉംറക്കും മദീനയിലെ റൗദയിലുള്ള നമസ്കാരത്തിനും ഈ പ്രായക്കാരായ കുട്ടികൾക്ക് അനുമതിയില്ല. മക്കയിലെ മസ്ജിദുല് ഹറാം പള്ളിയിലും മദീനയിലെ മസ്ജിദുന്നബവി പള്ളിയിലും പ്രവേശിക്കുന്നതിന് മുൻകൂട്ടി അനുമതി ആവശ്യമില്ലെന്ന നിയമം പ്രാബല്യത്തിൽ വന്നതിന് ശേഷം പള്ളികളിൽ നമസ്ക്കാരത്തിനായി പ്രവേശിക്കുമ്പോൾ രക്ഷിതാക്കൾക്ക് തങ്ങളുടെ അഞ്ച് വയസിന് താഴെയുള്ള കുട്ടികളെയും കൂടെ കൂട്ടാം.
സൗദിക്കകത്തുള്ള സ്വദേശികള്ക്കും വിദേശികള്ക്കും ഇരുഹറം പള്ളികളില് പ്രവേശിക്കുന്നതിന് വാക്സിന് കുത്തിവെപ്പ് എടുക്കല് നിര്ബന്ധമില്ല. എന്നാല് നിലവിൽ കൊവിഡ് ബാധിതര്ക്കും കോവിഡ് ബാധിതരുമായി അടുത്ത് ഇടപഴകിയവര്ക്കും പ്രവേശനത്തിന് അനുമതി നല്കില്ല.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam