വ്യോമപാത അടച്ചിടൽ; യാത്രക്കാരുടെ ക്ഷമയ്ക്ക് നന്ദി പറഞ്ഞ് ഖത്തർ എയർവേസ്

വഴിതിരിച്ചുവിട്ട 90ഓളം വിമാനങ്ങളിലെ ഇരുപതിനായിരത്തിലേറെ യാത്രക്കാരെ 24 മണിക്കൂർ കൊണ്ട് ലക്ഷ്യസ്ഥാനത്ത് എത്തിച്ചെന്ന് ഖത്തർ എയർവേസ്

ദോഹ: അ​ൽ ഉ​ദൈ​ദിലെ അമേരിക്കൻ വ്യോ​മ​താ​വ​ള​ത്തി​നു​നേ​രെയുള്ള ഇ​റാ​ൻ മി​സൈ​ൽ ആ​ക്ര​മ​ണ​ത്തെ തുടർന്ന് വി​മാ​നങ്ങൾ റ​ദ്ദാ​ക്കുകയും വഴിതിരിച്ചുവിടുകയും ചെയ്ത സാ​ഹ​ച​ര്യ​ത്തി​ൽ, യാത്രക്കാരുടെ ക്ഷമയ്ക്ക് നന്ദി പറഞ്ഞ് ഖത്തർ എയർവേസ്. ഖ​ത്ത​ർ എ​യ​ർ​വേ​സ് സി.​ഇ.​ഒ എ​ൻ​ജി​നീ​യ​ർ മു​ഹ​മ്മ​ദ് അ​ൽ മീ​ർ തു​റ​ന്ന ക​ത്തി​ലൂടെയാണ് എയർലൈനിലു​ള്ള വി​ശ്വാ​സം നി​ല​നി​ർ​ത്തു​ക​യും ക്ഷ​മ​യും കാ​ണി​ച്ച യാ​ത്ര​ക്കാ​രോ​ട് കഴിഞ്ഞ ദിവസം ന​ന്ദി പ​റ​ഞ്ഞത്. വ്യോമപാത അടച്ച സമയത്തെ വിശദാംശങ്ങളും തുറന്ന കത്തിലൂടെ അദ്ദേഹം ഖത്തർ എയർവേസ് യാത്രക്കാരോട് പങ്കുവെച്ചു.

ഖത്തറിന്റെ വ്യോമപാത അടച്ച സമയത്ത് ലോകത്തിന്റെ വിവിധഭാഗങ്ങളിൽ നിന്നായി ദോഹയിലേക്ക് പുറപ്പെട്ട 90 വിമാനങ്ങൾ ഖത്തർ എയർവേസ് വഴി തിരിച്ചുവിട്ടതായി അദ്ദേഹം കത്തിലൂടെ അറിയിച്ചു. ഈ വിമാനങ്ങളിൽ ഉണ്ടായിരുന്ന ഇരുപതിനായിരത്തിലേറെ യാത്രക്കാരെ 24 മണിക്കൂർ കൊണ്ട് ലക്ഷ്യസ്ഥാനത്ത് എത്തിച്ചെന്നും ഇതിനായി 390 വിമാനങ്ങളും പ്രവർത്തന സജ്ജമാക്കിയെന്നും ഖത്തർ എയർവേസ് സി.​ഇ.​ഒ വ്യക്തമാക്കി. 25 വി​മാ​ന​ങ്ങ​ൾ സൗ​ദി അ​റേ​ബ്യ​യി​ലെ വി​വി​ധ എ​യ​ർ​പോ​ർ​ട്ടു​ക​ളി​ലേ​ക്കും, 18 തു​ർ​ക്കി​യ, 15 ഇ​ന്ത്യ, 13 ഒ​മാ​ൻ, 5 യു.​എ.​ഇ​യി​ലേ​ക്കും തി​രി​ച്ചു​വി​ട്ടു. ബാ​ക്കി​യു​ള്ള വി​മാ​ന​ങ്ങ​ൾ ല​ണ്ട​ൻ, ബാ​ഴ്‌​സ​ലോ​ണ ഉ​ൾ​പ്പെ​ടെ​യു​ള്ള യൂ​റോ​പ്പ്, ഏ​ഷ്യ, മി​ഡ​സ്‍ലീ​സ്റ്റ് എ​ന്നീ മേ​ഖ​ല​ക​ളി​ലെ പ്ര​ധാ​ന എ​യ​ർ​പോ​ർ​ട്ടു​ക​ളി​ലേ​ക്ക് റൂ​ട്ട് മാ​റ്റി.

വ്യോമപാത അടയ്ക്കുന്ന സമയത്ത് പതിനായിരത്തിലേറെ യാത്രക്കാരാണ് ട്രാൻസിറ്റിനായി ഹമദ് വിമാനത്താവളത്തിൽ ഉണ്ടായിരുന്നത്. ഇതിൽ മുൻഗണന അനുസരിച്ച് 4,600 ഓളം യാത്രക്കാർക്ക് ദോ​ഹ​യി​ലെ 3,200 ഓ​ളം ഹോ​ട്ട​ൽ മു​റി​ക​ൾ ഉ​പ​യോ​ഗി​ച്ച് താമസ സൗകര്യം ഒരുക്കി. എ​യ​ർ​ലൈ​ൻ ഗ്രൂ​പ്പി​ന്റെ വി​വി​ധ ടീ​മു​ക​ൾ ട്രാ​ൻ​സി​റ്റ് ഏ​രി​യ​യി​ൽ നേ​രി​ട്ടെ​ത്തി യാ​ത്ര​ക്കാ​ർ​ക്ക് സ​ഹാ​യം ന​ൽ​കി. മെ​ഡി​ക്ക​ൽ കേ​സു​ക​ൾ, കു​ടും​ബ​ങ്ങ​ൾ, മു​തി​ർ​ന്ന യാ​ത്ര​ക്കാ​ർ​ എന്നിവർക്ക് മു​ൻ​ഗ​ണ​ന ന​ൽ​കി യാ​ത്ര​ക​ൾ റീ​ഷെ​ഡ്യൂ​ൾ ചെ​യ്തു.

ഭ​ക്ഷ​ണം, കു​ടി​വെ​ള്ളം, കം​ഫ​ർ​ട്ട് കി​റ്റു​ക​ൾ തുടങ്ങിയവയുമായി ഓ​രോ ഫ്ലൈറ്റിലും നേ​രി​ട്ടെ​ത്തി യാത്രക്കാർക്ക് ന​ൽ​കി. യാ​ത്ര തു​ട​ങ്ങി​യി​ട്ടി​ല്ലാ​ത്ത​വ​ർ​ക്ക് റീ​ഷെ​ഡ്യൂ​ൾ ചെ​യ്യാ​നും ഫീ​സ് ഇ​ല്ലാ​തെ റീ​ഫ​ണ്ടി​ന് അ​ർ​ഹ​രാ​കാ​നും ക​ഴി​യു​ന്ന ട്രാ​വ​ൽ പോ​ളി​സിയും ഉ​ട​നെ അനുവദിക്കുകയും ചെയ്തതായി തുറന്ന കത്തിലൂടെ വ്യക്തമാക്കി. സങ്കീർണമായ സാഹചര്യത്തെ യാത്രക്കാർ പക്വതയോടെ നേരിട്ടെന്നും യാത്രക്കാർക്ക് നന്ദി അറിയിക്കുന്നതായും ഖത്തർ എയർവേസ് സിഇഒ ബദർ മുഹമ്മദ് അൽ മീർ അറിയിച്ചു. നി​ർ​ണാ​യ​ക സ​മ​യ​ത്ത് മി​ക​ച്ച രീ​തി​യി​ൽ പ്ര​വ​ർ​ത്തി​ച്ച എ​യ​ർ​വേ​സ് ഗ്രൂ​പ് ടീം ​അം​ഗ​ങ്ങ​ൾ​ക്കും അ​ദ്ദേ​ഹം ന​ന്ദി രേ​ഖ​പ്പെ​ടു​ത്തി.