പലിശനിരക്ക് കുറച്ച് ഖത്തർ സെൻട്രൽ ബാങ്ക്, ഡെപ്പോസിറ്റ് നിരക്ക് 4.10 ശതമാനമായി

നിക്ഷേപം, വായ്പ, റീപർച്ചേസ് പ്രവർത്തനങ്ങൾക്കുള്ള നിലവിലെ പലിശ നിരക്കുകൾ കുറച്ച്‌ ഖത്തർ സെൻട്രൽ ബാങ്ക്. വായ്പാ നിരക്കിൽ(ക്യു.സി.ബി.എൽ.ആർ) 25 ബേസിസ് പോയിന്റ് കുറച്ച് 4.60 ശതമാനമായി. 

ദോഹ: രാജ്യത്തിന്‍റെ നിലവിലെ മോണിറ്ററി പോളിസി വിലയിരുത്തി, നിക്ഷേപം, വായ്പ, റീപർച്ചേസ് പ്രവർത്തനങ്ങൾക്കുള്ള നിലവിലെ പലിശ നിരക്കുകൾ കുറച്ച്‌ ഖത്തർ സെൻട്രൽ ബാങ്ക് (ക്യു.സി.ബി). ഡെപ്പോസിറ്റ് നിരക്കിൽ (ക്യു.സി.ബി.ഡി.ആർ) 25 ബേസിസ് പോയിന്റ് കുറവ് പ്രഖ്യാപിക്കുന്നതായി ക്യു.സി.ബി ഔദ്യോഗിക എക്സ് അക്കൗണ്ടിലൂടെ അറിയിച്ചു. ഡെപ്പോസിറ്റ് നിരക്ക് 4.10 ശതമാനമായാണ് കുറച്ചത്. 

വായ്പാ നിരക്കിൽ(ക്യു.സി.ബി.എൽ.ആർ) 25 ബേസിസ് പോയിന്റ് കുറച്ച് 4.60 ശതമാനവുമായി. ക്യു.സി.ബി റീപർച്ചേസ് നിരക്ക്(ക്യു.സി.ബി റിപ്പോ നിരക്ക്) 25 ബേസിസ് പോയിന്റ് കുറച്ച് 4.35 ശതമാനത്തിലുമെത്തി.