യുക്രെയിൻ അഭയാർഥികൾക്ക് സൗദി അറേബ്യ ഒരു കോടി ഡോളറിന്റെ സഹായം നൽകും

യുക്രെയിനിൽ നിന്ന് അയൽ രാജ്യങ്ങളിൽ, പ്രത്യേകിച്ച് പോളണ്ടിൽ അഭയം പ്രാപിച്ചവർക്ക് കിങ് സൽമാൻ റിലീഫ് കേന്ദ്രം വഴി വൈദ്യ സഹായമുൾപ്പെടെയുള്ള മാനുഷിക സഹായങ്ങൾക്കാണ് ഇത്രയും സംഖ്യ നൽകുക. 

റിയാദ്: യുക്രെയിനിൽ നിന്നുള്ള അഭയാർഥികൾക്ക് അടിയന്തര സഹായമായി ഒരു കോടി ഡോളറിന്റെ സഹായം നൽകാൻ സൗദി ഭരണാധികാരി സൽമാൻ രാജാവ് നിർദേശം നൽകി. യുക്രെയിനിൽ നിന്ന് അയൽ രാജ്യങ്ങളിൽ, പ്രത്യേകിച്ച് പോളണ്ടിൽ അഭയം പ്രാപിച്ചവർക്ക് കിങ് സൽമാൻ റിലീഫ് കേന്ദ്രം വഴി വൈദ്യ സഹായമുൾപ്പെടെയുള്ള മാനുഷിക സഹായങ്ങൾക്കാണ് ഇത്രയും സംഖ്യ നൽകാനുള്ള നിർദേശം. പോളണ്ട് സർക്കാറും യു.എൻ സംഘടനങ്ങളുമായും ഏകോപിച്ചായിരിക്കും സഹായം വിതരണം ചെയ്യുക.