സൗദി അറേബ്യയിലെ ‘സൂപ്പർ ഡോം’ ഇന്റർനാഷണൽ കോൺഫറൻസ് ഹാളിന് ഗിന്നസ് റെക്കോർഡ്

അന്താരാഷ്‌ട്ര പരിപാടികൾക്കും കോൺഫറൻസുകൾക്കും വേദിയാകുന്ന ലോകത്തിലെ ഏറ്റവും വലിയ ‘ഡോം’ എന്ന നിലയിലാണ് എൻസൈക്ലോപീഡിയ ബുക്ക്‌ലെറ്റിൽ ഇടം പിടിച്ചിരിക്കുന്നത് എന്ന് ജിദ്ദ മുനിസിപ്പാലിറ്റി അറിയിച്ചു. 

റിയാദ്: ജിദ്ദയിലെ ‘സൂപ്പർ ഡോം’ ഇന്റർനാഷണൽ കോൺഫറൻസ് ഹാളിന് ഗിന്നസ് റെക്കോർഡ്. അന്താരാഷ്‌ട്രീയ യോഗങ്ങൾക്കും സമ്മേളനങ്ങൾക്കും വേണ്ടി സർക്കാർ ഉടമസ്ഥതയിലുള്ള താഴികക്കുട സൗധത്തിനെയാണ് ഗിന്നസ് ബുക്ക് 2023 പതിപ്പിലേക്ക് തെരഞ്ഞെടുത്തത്. 

അന്താരാഷ്‌ട്ര പരിപാടികൾക്കും കോൺഫറൻസുകൾക്കും വേദിയാകുന്ന ലോകത്തിലെ ഏറ്റവും വലിയ ‘ഡോം’ എന്ന നിലയിലാണ് എൻസൈക്ലോപീഡിയ ബുക്ക്‌ലെറ്റിൽ ഇടം പിടിച്ചിരിക്കുന്നത് എന്ന് ജിദ്ദ മുനിസിപ്പാലിറ്റി അറിയിച്ചു. തൂണുകളൊന്നുമില്ലാത്ത 2,10,107 മീറ്റർ വ്യാസമുള്ള വലിയ നടുത്തളമാണ് താഴികക്കുട മേൽക്കൂരക്ക് കീഴെയുള്ളത്. വലുപ്പമുള്ള ഇരുമ്പ് മേൽക്കൂരയിലാണ് താഴികക്കുടം. ഓരോ പരിപാടിയുടെയും പ്രത്യേകതകൾക്ക് അനുസരിച്ച് ഡോമിന്റെ രൂപത്തിൽ മാറ്റം വരുത്താൻ കഴിയും.

'പ്രത്യേകതകളേറെ' ജലത്തിന് മുകളിലൂടെയുള്ള സൗദിയിലെ ഏറ്റവും വലിയ വിനോദസഞ്ചാര കടൽപാലം തുറന്നു
​​​​​​​റിയാദ്: സൗദി അറേബ്യയിലെ വിനോദസഞ്ചാരത്തിനുള്ള ഏറ്റവും വലിയ കടൽപാലം നിർമാണം പൂത്തിയായി ഗതാഗതത്തിനായി തുറന്നു. റെഡ്സീ ടൂറിസം പദ്ധതിയുടെ ഭാഗമാണ് ‘ശൂറ’ എന്ന പാലം. ചെങ്കടൽ വിനോദസഞ്ചാര മേഖലയിലെ സുപ്രധാനമായ ഒരു ദ്വീപുമായി കരയെ ബന്ധിപ്പിക്കുന്നതാണ് ഈ പാലം. റെഡ്സീ ഡെവലപ്മെൻറ് കമ്പനിയാണ് നിർമാണം നടത്തിയത്. 

ദ്വീപിലെ 11 റിസോർട്ടുകളുടെയും അവിടെയുള്ള നിരവധി ഇതര താമസ കേന്ദ്രങ്ങളുടെയും നിർമാണ പ്രവർത്തനങ്ങൾ വേഗത്തിലാക്കാൻ പാലം പ്രധാന പങ്കുവഹിക്കും. 3.3 ചതുരശ്ര കിലോമീറ്റർ ദൈർഘ്യമുള്ള പാലം വിവിധതരം സസ്യജാലങ്ങളാൽ സമ്പന്നവും മനോഹരവുമായ ഭൂപ്രകൃതിയിലൂടെ വിനോദ സഞ്ചാരകേന്ദ്രത്തിലേക്ക് ടൂറിസ്റ്റുകളെ നയിക്കുന്ന പാതയാണ് ഈ പാലം. ആ സവിശേഷത സന്ദർശകരുടെ അനുഭവം സമ്പന്നമാക്കുമെന്ന് റെഡ്സീ കമ്പനി സി ഇ ഒ ജോൺ പഗാനോ വിശദീകരിച്ചു.