സൗദി രാജകുടുംബാംഗം ഹന ബിന്ത് അബ്ദുല്ല രാജകുമാരി നിര്യാതയായി
Synopsis
ഫൈസല് ബിന് മുഖ്രിന് ബിന് അബ്ദുല് അസീസ് രാജകുമാരന്റെ ഭാര്യയാണ് അന്തരിച്ച ഹന രാജകുമാരി.
റിയാദ്: സൗദി രാജകുടുംബാംഗം ഹന ബിന്ത് അബ്ദുല്ല ബിന് ഖാലിദ് ബിന് അബ്ദുല് അസീസ് അല് സൗദ് രാജകുമാരി അന്തരിച്ചു. സൗദി റോയല് കോര്ട്ടാണ് മരണ വാര്ത്ത ഔദ്യോഗികമായി പുറത്തുവിട്ടത്. ജിദ്ദയിലുള്ള അമീര് സഊദ് ബിന് സഅദ് ബിന് അബ്ദുറഹ്മാന് മസ്ജിദില് വ്യാഴാഴ്ച വൈകുന്നേരം മയ്യിത്ത് നമസ്കാരം നടക്കുമെന്നും ഔദ്യോഗിക അറിയിപ്പില് പറയുന്നു. ഫൈസല് ബിന് മുഖ്രിന് ബിന് അബ്ദുല് അസീസ് രാജകുമാരന്റെ ഭാര്യയാണ് അന്തരിച്ച ഹന രാജകുമാരി. രാജകുടുംബാംഗത്തിന്റെ നിര്യാണത്തില് വിവിധ ഗള്ഫ് രാജ്യങ്ങളിലെ രാഷ്ട്രത്തലവന്മാര് ഉള്പ്പെടെയുള്ളവര് സൗദി ഭരണാധികാരി സല്മാന് ബിന് അബ്ദുല് അസീസ് അല് സൗദിനെ അനുശോചനം അറിയിച്ചു.
Read also: പ്രവാസി സമൂഹത്തെ വേദനയിലാഴ്ത്തി ചൊവ്വാഴ്ച രാത്രി നടന്നത് ഒരു കൊലപാതകവും രണ്ട് അപകട മരണങ്ങളും
പ്രവാസി മലയാളി ഹൃദയാഘാതം മൂലം മരിച്ചു
സലാല: കോഴിക്കോട് സ്വദേശിയായ പ്രവാസി ഒമാനിലെ സലാലയില് മരിച്ചു. കോഴിക്കോട് നമ്മണ്ട ചീക്കിലോട്ടെ കിഴക്കേലത്തോട്ട് അബ്ദുല് ജമാല് (52) ആണ് മരിച്ചത്. ഞായറാഴ്ച രാത്രി സലാല സെന്ററിലെ താമസ സ്ഥലത്ത് ഉറങ്ങാന് കിടന്ന അദ്ദേഹത്തെ രാവിലെ മരിച്ച നിലയില് കണ്ടെത്തുകയായിരുന്നു. വിവരം അറിയിച്ചതിനെ തുടര്ന്ന് റേയല് ഒമാന് പൊലീസ് സ്ഥലത്തെത്തി തുടര് നടപടികള് സ്വീകരിച്ചു.
നേരത്തെ മറ്റ് ഗള്ഫ് രാജ്യങ്ങളില് ജോലി ചെയ്തിരുന്ന അബ്ദുല് ജമാല് അഞ്ച് മാസം മുമ്പാണ് ഒമാനിലെത്തിയത്. മറ്റൊരാളുമായി ചേര്ന്ന് സലാല അല് മഷൂറിന് സമീപം ഒരു ഹോട്ടല് തുടങ്ങാനുള്ള പദ്ധതിയിലായിരുന്നു. ഇതിനിടെയാണ് അപ്രതീക്ഷിത വിയോഗം. ഭാര്യ - ഷൈമ. മക്കള് - ബാദുഷ, ഷബീഹ, ഫാത്തിമ. മൃതദേഹം സുല്ത്താന് ഖാബൂസ് ആശുപത്രിയില് സൂക്ഷിച്ചിരിക്കുകയാണ്. തുടര് നിയമ നടപടികള് ഐസിഎഫ് ഭാരവാഹികളുടെ നേതൃത്വത്തില് പുരോഗമിക്കുന്നു.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam