പ്രതികൂല കാലാവസ്ഥയെ തരണം ചെയ്ത് അഭിമാന നേട്ടം; നംഗ കൊടുമുടി കീഴടക്കി ശൈഖ അസ്മ

നിലവില്‍ പാകിസ്ഥാനിലുള്ള ശൈഖ അസ്മ ഗ​ഷ​ർ​ബ്രം 1, ഗ​ഷ​ർ​ബ്രം 2, ബ്രോ​ഡ് പീ​ക്ക് എ​ന്നീ കൊ​ടു​മു​ടി​ക​ൾ കീ​ഴ​ട​ക്കാ​നു​ള്ള തയ്യാറെടുപ്പിലാണ്.

ദോഹ: പാകിസ്ഥാനിലെ നംഗ കൊടുമുടി കീഴടക്കി ഖത്തറിന്‍റെ പര്‍വ്വതാരോഹക ശൈഖ അസ്മ ബിന്‍ത് താനി ആല്‍ഥാനി. 8,126 മീറ്റര്‍ ഉയരമുള്ള നംഗ കൊടുമുടി ലോകത്തിലെ ഏറ്റവും ഉയരം കൂടിയ ഒമ്പതാമത്തെ കൊടുമുടിയാണ്. ഇതോടെ 8,000 മീ​റ്റ​റി​ല​ധി​കം ഉ​യ​ര​മു​ള്ള 14 പ​ർ​വ​ത​ങ്ങ​ളി​ൽ ഒ​മ്പ​ത് എ​ണ്ണ​വും ശൈ​ഖ അ​സ്മ വി​ജ​യ​ക​ര​മാ​യി കീ​ഴ​ട​ക്കിയിരിക്കുകയാണ്.

നിലവില്‍ പാകിസ്ഥാനിലുള്ള ശൈഖ അസ്മ ഗ​ഷ​ർ​ബ്രം 1, ഗ​ഷ​ർ​ബ്രം 2, ബ്രോ​ഡ് പീ​ക്ക് എ​ന്നീ കൊ​ടു​മു​ടി​ക​ൾ കീ​ഴ​ട​ക്കാ​നു​ള്ള തയ്യാറെടുപ്പിലാണ്. ഇ​വ പൂ​ർ​ത്തി​യാ​കു​ന്ന​തോ​ടെ ഷി​ഷാ​പാം​ഗ്മാ, ചോ ​ഒ​യു എ​ന്നീ കൊ​ടു​മു​ടി​ക​ൾ മാ​ത്ര​മാ​ണ് അ​വ​ശേ​ഷി​ക്കു​ക. 8,000 മീ​റ്റ​റി​ലേറെ ഉ​യ​ര​മു​ള്ള 14 കൊ​ടു​മു​ടി​ക​ളും കീ​ഴ​ട​ക്കി ‘എ​ക്സ്പ്ലോ​ഴ്സ് ഗ്രാ​ൻ​ഡ് സ്ലാം’ ​നേ​ടു​ന്ന ആ​ദ്യ വ​നി​ത​യാ​കാ​നു​ള്ള ഒ​രു​ക്ക​ത്തി​ലാ​ണ് ശൈഖ അസ്മ. പ്രതികൂല കാലാവസ്ഥ, മഞ്ഞ്, ബ്ലാക്ക് ഐസ് എന്നിങ്ങനെ നിരവധി പ്രതിസന്ധികളെ തരണം ചെയ്താണ് ശൈഖ അസ്മ കൊടുമുടി കയറിയത്. തന്‍റെ ജീവിതത്തിലെ ഏറ്റവും പ്രയാസമേറിയ വെല്ലുവിളികളിലൊന്നാണ് നംഗ കൊടുമുടി കയറ്റമെന്ന് ശൈഖ അസ്മ പറഞ്ഞു. കൊടുമുടിയില്‍ ഖത്തര്‍ ദേശീയ പതാകയും സ്ഥാപിച്ചാണ് ശൈഖ അസ്മ അഭിമാന നേട്ടത്തില്‍ സന്തോഷം പ്രകടിപ്പിച്ചത്. എവറസ്റ്റ്, കെ2, മകാലു എന്നിവ കയറി ആഗോള പ്രസിദ്ധി നേടിയ പര്‍വ്വതാരോഹകയാണ് ശൈഖ അസ്മ.