Saudi Covid Report: സൗദി അറേബ്യയിൽ കൊവിഡ് ബാധിച്ച് മൂന്ന് മരണം കൂടി

രാജ്യത്താകെ ചികിത്സയിൽ കഴിയുന്നത് 31,842 പേരാണ്. ഇതിൽ 1,054 പേരാണ് ഗുരുതരനിലയിൽ. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

റിയാദ്: സൗദി അറേബ്യയിൽ കൊവിഡ് ബാധിച്ച് 24 മണിക്കൂറിനിടെ മൂന്ന് മരണം കൂടി റിപ്പോർട്ട് ചെയ്തു. പുതുതായി 3,162 പേർക്ക് കൂടി കൊവിഡ് സ്ഥിരീകരിച്ചു. നിലവിലെ രോഗികളിൽ 4,088 പേർ സുഖം പ്രാപിച്ചെന്ന് ആരോഗ്യ മന്ത്രാലയം അറിയിച്ചു. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,19,136 ആയി. ആകെ രോഗമുക്തരുടെ എണ്ണം 6,78,332 ആയി ഉയർന്നു. ആകെ മരണസംഖ്യ 8,962 ആയി. 

രാജ്യത്താകെ ചികിത്സയിൽ കഴിയുന്നത് 31,842 പേരാണ്. ഇതിൽ 1,054 പേരാണ് ഗുരുതരനിലയിൽ. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 94.32 ശതമാനവും മരണനിരക്ക് 1.24 ശതമാനവുമായി. 24 മണിക്കൂറിനിടെ 127,892 ആർ.ടി-പി.സി.ആർ പരിശോധനകൾ നടത്തി. റിയാദ് - 985, ജിദ്ദ - 211, ദമ്മാം - 201, ഹുഫൂഫ് - 120, മദീന - 101, അബഹ - 87, മക്ക - 78 എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 5,89,07,910 ഡോസ് വാക്സിൻ കുത്തിവെച്ചു. ഇതിൽ 2,57,05,437 ആദ്യ ഡോസും 2,38,56,707 രണ്ടാം ഡോസും 93,45,766 ബൂസ്റ്റർ ഡോസുമാണ്.