ഒമാനില് രണ്ട് പ്രവാസികള് മുങ്ങി മരിച്ചു
Synopsis
ഒമാന്റെ വിവിധ ഭാഗങ്ങളില് കനത്ത മഴ പെയ്യുന്നതു മൂലം വാദികള് നിറഞ്ഞു കവിയുകയും ചിലയിടത്ത് റോഡുകളില് വെള്ളം കയറുകയും ചെയ്തിരുന്നു.
മസ്കറ്റ്: ഒമാനില് രണ്ട് പ്രവാസികള് മുങ്ങി മരിച്ചു. മസ്കറ്റ് ഗവര്ണറേറ്റിലാണ് സംഭവം. മസ്കത്ത് ഗവര്ണറേറ്റിലെ വിലായത്ത് വാദി അല് അറബിയിന് പ്രദേശത്തുള്ള തോട്ടില് രൂപപ്പെട്ട വെള്ളപ്പാച്ചിലില് അകപ്പെട്ട് രണ്ട് പ്രവാസികള് മരണപ്പെട്ടതായി റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു. ഒമാന്റെ വിവിധ ഭാഗങ്ങളില് കനത്ത മഴ പെയ്യുന്നതു മൂലം വാദികള് നിറഞ്ഞു കവിയുകയും ചിലയിടത്ത് റോഡുകളില് വെള്ളം കയറുകയും ചെയ്തിരുന്നു. ജനങ്ങള് ജാഗ്രത പുലര്ത്തുവാന് റോയല് ഒമാന് പൊലീസ് ആവശ്യപ്പെടുന്നു.
ഒമാനില് കൊടിമരത്തില് കയറിയ മൂന്ന് പ്രവാസികള് അറസ്റ്റില്
കനത്ത മഴ; ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചു
മസ്കറ്റ്: കനത്ത മഴയുടെ പശ്ചാത്തലത്തില് ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചിടാന് സിവില് ഡിഫന്സ് ആന്ഡ് ആംബുലന്സ് അതോറിറ്റിയുടെ തീരുമാനം. അപകടങ്ങള് തുടര്ച്ചയായി റിപ്പോര്ട്ട് ചെയ്യപ്പെടുന്നതും മുന്നറിയിപ്പുകളോടും നിര്ദ്ദേശങ്ങളോടും ജനങ്ങള് കാണിക്കുന്ന അനാസ്ഥയും കണക്കിലെടുത്താണ് പുതിയ തീരുമാനം.
കഴിഞ്ഞ ദിവസവും ഒമാന്റെ വിവിധ ഭാഗങ്ങളില് കനത്ത മഴ പെയ്തിരുന്നു. വാദികള് നിറഞ്ഞു കവിയുകയും ചെയ്തിരുന്നു. ചിലയിടത്ത് റോഡുകളില് വെള്ളം കയറുകയും ചെയ്തു. ദാഖിലിയ, ദാഹിറ, തെക്കന് ബാത്തിന എന്നീ ഗവര്ണറേറ്റുകളിലാണ് ഞായറാഴ്ച ശക്തമായ മഴ ലഭിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam