അല് ദഖിലിയ ഗവര്ണറേറ്റിലെ നിസ്വ ഫോര്ട്ടില് മൂന്ന് പ്രവാസികള് ജീവന് അപകടപ്പെടുത്തുന്ന രീതിയില് കൊടിമരത്തില് കയറിയതായിരുന്നു സംഭവം.
മസ്കറ്റ്: കൊടിമരത്തില് കയറിയതിന് മൂന്ന് പ്രവാസികളെ റോയല് ഒമാന് പൊലീസ് അറസ്റ്റ് ചെയ്തു. അല് ദഖിലിയ ഗവര്ണറേറ്റിലെ നിസ്വ ഫോര്ട്ടില് മൂന്ന് പ്രവാസികള് ജീവന് അപകടപ്പെടുത്തുന്ന രീതിയില് കൊടിമരത്തില് കയറിയതായിരുന്നു സംഭവം. ഇവര്ക്കെതിരായ നിയമനടപടികള് സ്വീകരിച്ചുകഴിഞ്ഞതായും റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു.
സലാലയില് കടലില് വീണ് കുട്ടികള് ഉള്പ്പെടെ അഞ്ചുപേരെ കാണാതായി
കനത്ത മഴ; ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചു
മസ്കറ്റ്: കനത്ത മഴയുടെ പശ്ചാത്തലത്തില് ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചിടാന് സിവില് ഡിഫന്സ് ആന്ഡ് ആംബുലന്സ് അതോറിറ്റിയുടെ തീരുമാനം. അപകടങ്ങള് തുടര്ച്ചയായി റിപ്പോര്ട്ട് ചെയ്യപ്പെടുന്നതും മുന്നറിയിപ്പുകളോടും നിര്ദ്ദേശങ്ങളോടും ജനങ്ങള് കാണിക്കുന്ന അനാസ്ഥയും കണക്കിലെടുത്താണ് പുതിയ തീരുമാനം.
കഴിഞ്ഞ ദിവസവും ഒമാന്റെ വിവിധ ഭാഗങ്ങളില് കനത്ത മഴ പെയ്തിരുന്നു. വാദികള് നിറഞ്ഞു കവിയുകയും ചെയ്തിരുന്നു. ചിലയിടത്ത് റോഡുകളില് വെള്ളം കയറുകയും ചെയ്തു. ദാഖിലിയ, ദാഹിറ, തെക്കന് ബാത്തിന എന്നീ ഗവര്ണറേറ്റുകളിലാണ് ഞായറാഴ്ച ശക്തമായ മഴ ലഭിച്ചത്.
ഒമാനില് വാദികളില് അപകടത്തില്പ്പെട്ട് മൂന്ന് കുട്ടികള് മുങ്ങി മരിച്ചു
ഒമാനില് വെള്ളക്കെട്ടില് കാറിനുള്ളില് കുടുങ്ങിയ നാല് പേരെ രക്ഷിച്ചു
മസ്കത്ത്: ഒമാന്റെ വിവിധ ഭാഗങ്ങളില് ശക്തമായ മഴ തുടരുന്നതിനിടെ വെള്ളക്കെട്ടില് അകപ്പെട്ട നാല് പേരെ സിവില് ഡിഫന്സ് രക്ഷപ്പെടുത്തി. അല് ഹംറ വിലായത്തിലായിരന്നു സംഭവം. ഇവിടെയുള്ള ഒരു വാദിയിലെ വെള്ളക്കെട്ടില് ഇവര് സഞ്ചരിച്ചിരുന്ന വാഹനം കുടുങ്ങിപ്പോവുകയായിരുന്നു.
വിവരം ലഭിച്ചതനുസരിച്ച് സിവില് ഡിഫന്സ് ആന്റ് ആംബുലന്സ് ഡിപ്പാര്ട്ട്മെന്റില് നിന്നുള്ള രക്ഷാപ്രവര്ത്തകര് സ്ഥലത്തെത്തി, നാല് പേരെയും വാഹനത്തില് നിന്ന് പുറത്തിറക്കി രക്ഷപ്പെടുത്തുകയായിരുന്നു. ഇവരുടെ ആരോഗ്യനില തൃപ്തികരമാണെന്ന് സിവില് ഡിഫന്സ് പുറത്തിറക്കിയ പ്രസ്താവനയില് പറയുന്നു. സുരക്ഷ ഉറപ്പുവരുത്തുന്നതിനായി വാദികള് മുറിച്ചുകടക്കരുതെന്ന് സിവില് ഡിഫന്സ് അധികൃതര് പൊതുജനങ്ങളോട് അഭ്യര്ത്ഥിച്ചു.
