അല്ഖിദിയ റോഡില് അപകടം; അഞ്ചു പേര്ക്ക് പരിക്കേറ്റു
Synopsis
അപകടത്തില് ഏതാനും കാറുകള്ക്ക് സാരമായ കേടുപാടുകള് സംഭവിച്ചു. അപകടത്തില്പ്പെട്ട വാഹനങ്ങളുടെ ദൃശ്യങ്ങള് അടങ്ങിയ വീഡിയോ സോഷ്യല് മീഡിയയില് പ്രചരിക്കുന്നുണ്ട്.
റിയാദ്: സൗദി അറേബ്യയിലെ ജിദ്ദ (അല്ഖിദിയ) റോഡില് വാഹനാപകടം. നിരവധി വാഹനങ്ങള് കൂട്ടിയിടിച്ചുണ്ടായ അപകടത്തില് അഞ്ചുപേര്ക്ക് പരിക്കേറ്റു. കാറുകളും ലോറിയും വാനും ഉള്പ്പെടെയുള്ളവ കൂട്ടിയിടിച്ചതോടെ റോഡില് ഏറെ നേരം ഗതാഗതം തടസ്സപ്പെട്ടു.
അപകടത്തില് ഏതാനും കാറുകള്ക്ക് സാരമായ കേടുപാടുകള് സംഭവിച്ചു. അപകടത്തില്പ്പെട്ട വാഹനങ്ങളുടെ ദൃശ്യങ്ങള് അടങ്ങിയ വീഡിയോ സോഷ്യല് മീഡിയയില് പ്രചരിക്കുന്നുണ്ട്. അപകടത്തെ തുടര്ന്ന് സ്ഥലത്തെത്തിയ ട്രാഫിക് പൊലീസ് സുരക്ഷാ വകുപ്പുകള് തുടര് നടപടികള് സ്വീകരിച്ച് വാഹനങ്ങള് നീക്കം ചെയ്ത് റോഡ് ഗതാഗത യോഗ്യമാക്കി.
ഒമാനില് വാഹനാപകടം; ഒരു കുടുംബത്തിലെ നാലുപേര് മരിച്ചു, മൂന്നു പേര്ക്ക് പരിക്ക്
മസ്കറ്റ്: ഒമാനിലെ ആദം-ഹൈമ റോഡിലുണ്ടായ വാഹനാപകടത്തില് നാല് സ്വദേശികള് മരിച്ചു. മൂന്നുപേര്ക്ക് പരിക്കേറ്റു. ഒരു കുടുംബത്തില്പ്പെട്ടവരാണ് മരിച്ചതെന്ന് റോയല് ഒമാന് പൊലീസ് അറിയിച്ചു.
ദോഫാര് ഗവര്ണറേറ്റിലേക്ക് പോകുകയായിരുന്നു കാര്. ഞായറാഴ്ച രാവിലെയയാിരുന്നു അപകടം ഉണ്ടായത്. അപകടത്തെ തുടര്ന്ന് പ്രദേശത്ത് കുറച്ച് സമയം ഗതാഗതം തടസ്സപ്പെട്ടു. പരിക്കേറ്റവരെ നിസ്വ റഫെറല് ആശുപത്രിയലേക്ക് എയര്ലിഫ്റ്റ് ചെയ്തുവെന്ന് അധികൃതര് അറിയിച്ചു. റോയല് ഒമാന് പൊലീസിന്റെ നേതൃത്വത്തില് രക്ഷാപ്രവര്ത്തനങ്ങള്ക്ക് നേതൃത്വം നല്കി.
കൊച്ചി വിമാനത്താവളത്തിലെ സുരക്ഷാ പരിശോധനയില് അസ്വസ്ഥത; 'കൈയില് ബോംബൊന്നുമില്ലെന്ന' തമാശ കാര്യമായി
ഒമാനില് മരുഭൂമിയില് കുടുങ്ങിയ രണ്ട് തമിഴ്നാട് സ്വദേശികള് മരിച്ചു
മസ്കറ്റ്: ഒമാനില് മരൂഭൂമിയില് കുടുങ്ങിയ രണ്ട് തമിഴ്നാട് സ്വദേശികള്ക്ക് ദാരുണാന്ത്യം. തിരുനെല്വേലി സ്വദേശി സയ്യിദ് മുഹമ്മദ് അമീസ് സിക്കന്ദര് (30), ട്രിച്ചി രാധനെല്ലൂര് സ്വദേശി ഗണേഷ് വര്ധാന് (33) എന്നിവരെയാണ് നാലാം ദിവസം ഒബാറിന് സമീപമുള്ള ഫസദില് നിന്ന് മരിച്ച നിലയില് കണ്ടെത്തിയത്.
മരുഭൂമിയില് തൊഴില് ആവശ്യങ്ങള്ക്കായി പോയവരാണ് മരിച്ചത്. ഇവര് സഞ്ചരിച്ച വാഹനത്തിന്റെ ടയര് മണലില് താഴ്ന്നാണ് അപകടം ഉണ്ടായത്. മരുഭൂമിയില് കുടുങ്ങിയ ഇവര് കനത്ത ചൂടില് ഭക്ഷണവും വെള്ളവും കിട്ടാതെ മരണപ്പെടുകയായിരുന്നെന്നാണ് കരുതുന്നത്. ജൂണ് 28നായിരുന്നു തുംറൈത്തിന് പടിഞ്ഞാറ് ഒമാന്റെ ബോര്ഡര് ഭാഗമായ ഒബാറിലേക്ക് സര്വ്വേ ജോലിക്കായി ഇവര് പോയത്. പിന്നീട് ഇവരെ കുറിച്ച് വിവരമൊന്നും ലഭിച്ചിരുന്നില്ല. ഇവര് സഞ്ചരിച്ച നിസാന് പട്രോള് വാഹനത്തിന്റെ ടയര് മണലില് താഴ്ന്നുപോകുകയായിരുന്നു. വാഹനത്തിന് കുറച്ച് അകലെ മാറിയാണ് മൃതദേഹങ്ങള് കണ്ടെത്തിയത്.
വെഹിക്കിള് മോണിറ്ററിങ് സിസ്റ്റം (ഐവിഎംഎസ്) സിഗ്നല് കാണിക്കാതിരുന്നത് കൊണ്ട് ഇവരുടെ ലൊക്കേഷന് കണ്ടെത്താന് കമ്പനി അധികൃതര്ക്ക് കഴിഞ്ഞിരുന്നില്ല. പൊലീസില് പരാതി നല്കിയ ഉടന് തന്നെ തെരച്ചില് ആരംഭിച്ചിരുന്നു. എയര്ലിഫ്റ്റ് ചെയ്ത മൃതദേഹങ്ങള് സലാല സുല്്ത്താന് ഖാബൂസ് ആശുപത്രിയിലേക്ക് മാറ്റി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ