എത്തുന്നത് ലോകോത്തര താരങ്ങൾ, മോ​​ട്ടോ ജി.​പി ഖ​ത്ത​ർ ഗ്രാ​ൻ​ഡ്​ പ്രീ, ഇന്ന് മുതൽ ലുസൈലിൽ

ഇന്ന് മു​ത​ൽ 13 വ​രെ​യാ​ണ്​ ​മ​ത്സ​രം. 16 കോണുകളുള്ള 5.38 കിലോമീറ്റർ ട്രാക്കിലാണ് പോരാട്ടം അരങ്ങേറുക.

ദോഹ: മോ​​ട്ടോ​ർ സൈ​ക്കി​ൽ റേ​സി​ങ്ങി​ലെ ലോ​കോ​ത്ത​ര താ​ര​ങ്ങ​ൾ മാ​റ്റു​ര​ക്കു​ന്ന മോ​​ട്ടോ ജി.​പി ഖ​ത്ത​ർ ഗ്രാ​ൻ​ഡ്​​പ്രി​ക്ക്​ ഇന്ന് തുടക്കമാകും. ലോ​ക​മെ​ങ്ങു​മു​ള്ള റേ​സി​ങ്​ പ്രേ​മി​ക​ൾക്ക് ആവേശം പകർന്ന് മോ​​ട്ടോ ജി.പി​യു​ടെ സീ​സ​ണി​ലെ നാ​ലാം റൗ​ണ്ട്​ മ​ത്സ​ര​ങ്ങ​ൾ​ക്കാണ് ലുസൈൽ ഇന്റർനാഷണൽ സർക്യൂട്ട് (എൽഐസി) വേ​ദി​യൊ​രു​ക്കുന്നത്. താ​യ്​​ല​ൻ​ഡ്, അ​ർ​ജ​ന്റീ​ന, അ​മേ​രി​ക്ക ഗ്രാ​ൻ​ഡ്​​പ്രി​ക​ൾ​ക്ക് ശേ​ഷ​മാ​ണ്​ മോ​​ട്ടോ​ർ റേ​സി​ങ്ങി​ലെ വേ​ഗ​പ്പോ​രാ​ളി​ക​ൾ ഖ​ത്ത​റി​ലേ​ക്ക്​ പോരാട്ടത്തിനെത്തുന്നത്.

ഇന്ന് മു​ത​ൽ 13 വ​രെ​യാ​ണ്​ ​മ​ത്സ​രം. 16 കോണുകളുള്ള 5.38 കിലോമീറ്റർ ട്രാക്കിലാണ് പോരാട്ടം അരങ്ങേറുക. രാ​ത്രി​യി​ലാ​ണ്​ മ​ത്സ​ര​മെ​ന്ന സ​വി​ശേ​ഷ​ത​യും ഇ​ത്ത​വ​ണ മോ​​ട്ടോ ജി.​പി ഗ്രാ​ൻ​ഡ്​​പ്രി​ക്കു​ണ്ട്. സ്​​പ്രി​ന്റ് റേ​സ്, ബി.​എം.​ഡ​ബ്ല്യ എം ​ലാ​പ്​​സ്, ഹീ​റോ വാ​ക്​​സ്, ഏ​ഷ്യ ടാ​ല​ന്റ്​ ക​പ്പ്​ എ​ന്നി​വ​യും അ​നു​ബ​ന്ധ​മാ​യി അ​ര​ങ്ങേ​റും. പരിശീലന, യോ​ഗ്യ​താ റേ​സു​ക​ൾ ആ​ദ്യ ദി​വ​സ​ങ്ങ​ളി​ൽ ന​ട​ക്കും. ഞാ​യ​റാ​ഴ്​​ച​യാ​ണ്​ മോ​​ട്ടോ ജി.​പി മ​ത്സ​ര​ങ്ങ​ളു​ടെ ഫൈ​ന​ൽ. ഇന്ന്  ഉ​ച്ച​ക്ക് 12.30ന്​ ​​ലു​സൈ​ൽ സ​ർ​ക്യൂ​ട്ടി​ലേ​ക്ക്​ ആ​രാ​ധ​ക​ർ​ക്ക്​ പ്ര​വേ​ശ​നം അ​നു​വ​ദി​ച്ചുതുടങ്ങും. രാ​ത്രി 10 വ​രെ​യാ​ണ്​ മ​ത്സ​ര​ങ്ങ​ളും അ​നു​ബ​ന്ധ പ​രി​പാ​ടി​ക​ളും. സ​മാ​പ​ന ദി​ന​മാ​യ 13 ന് ​ഉ​ച്ച 1.30 മു​ത​ൽ രാ​ത്രി 10 വ​രെ​യാ​ണ്​ പ​രി​പാ​ടി​ക​ൾ. മൂ​ന്നു ദി​ന​ങ്ങ​ളി​ൽ ആ​രാ​ധ​ക​ർ​ക്ക്​ ആ​സ്വ​ദി​ക്കാ​ൻ മ​ത്സ​ര​ങ്ങ​ൾ​ക്ക്​ പു​റ​മെ, വി​വി​ധ വി​നോ​ദ പ​രി​പാ​ടി​ക​ളും സം​ഘാ​ട​ക​ർ സ​ജ്ജ​മാ​ക്കി​യി​ട്ടു​ണ്ട്.

ഡി.​ജെ, മ്യൂ​സി​ക്ക​ൽ പ​രേ​ഡ്, പ​ര​മ്പ​രാ​ഗ​ത കലകൾ,സാം​സ്​​കാ​രി​ക വേ​ദി​ക​ൾ എ​ന്നി​വ​യു​മാ​യി ഫാ​ൻ​സോ​ൺ സ​ജീ​വ​മാ​കും. കു​ട്ടി​ക​ൾ​ക്ക്​ സ​യ​ൻ​സ്​ ഷോ, ​മാ​ജി​ക്​ ഉ​ൾ​പ്പെ​ടെ വി​നോ​ദ പ​രി​പാ​ടി​ക​ളും ഗ്രാ​ൻ​ഡ്​​പ്രീ റേ​സി​നോ​ട്​ അ​നു​ബ​ന്ധി​ച്ച്​ ഒ​രു​ക്കി​യി​ട്ടു​ണ്ട്. ആ​രാ​ധ​ക​ർക്ക് താ​ര​ങ്ങ​ളു​മാ​യി സം​വ​ദി​ക്കാ​നും ചി​ത്ര​ങ്ങ​ൾ പ​ക​ർ​ത്താ​നും അ​വ​സ​രം ന​ൽ​കു​ന്ന ഹീ​റോ വാ​ക്​ ശ​നി​യാ​ഴ്​​ച ന​ട​ക്കും. വേ​ദി​യി​ൽ ആ​ദ്യം പ്ര​വേ​ശി​ക്കു​ന്ന 400 പേ​ർ​ക്കാ​യി​രി​ക്കും അ​വ​സ​രം. ഉ​ദ്​​ഘാ​ട​ന, സ​മാ​പ​ന ച​ട​ങ്ങു​ക​ൾക്കൊപ്പം വെ​ടി​ക്കെ​ട്ടും ഇ​ത്ത​വ​ണ ഖ​ത്ത​ർ ആ​രാ​ധ​ക​ർ​ക്കാ​യി ചാമ്പ്യൻഷിപ്പിൽ ഒ​രു​ക്കിയിട്ടുണ്ട്. 

നി​ല​വി​ലെ മോ​​ട്ടോ ജി.​പി ലോ​ക​ചാ​മ്പ്യ​ൻ ജോ​ർ​ജ്​ മാ​ർ​ട്ടി​ൻ പ​രി​ക്ക് മാറി ഖ​ത്ത​ർ ഗ്രാ​ൻ​ഡ്​​പ്രി​യി​ൽ മാ​റ്റു​ര​ക്കാ​നെ​ത്തും. പ​രി​ക്കു​കാ​ര​ണം സീ​സ​ണി​ലെ ആ​ദ്യ മൂ​ന്ന്​ റേ​സു​ക​ളും ന​ഷ്​​ട​മാ​യ താ​രം ഫി​റ്റ്​​ന​സ്​ വീ​ണ്ടെ​ടു​ത്ത്​ മ​ത്സ​ര സ​ജ്ജ​മാ​യ​താ​യി അ​ദ്ദേ​ഹ​ത്തി​ന്റെ ടീം ഏ​പ്രി​ലി​യ അ​റി​യി​ച്ചു. സീ​സ​ണി​ലെ ആ​ദ്യ ര​ണ്ട്​ റേ​സു​ക​ളി​ൽ ജേ​താ​ക്ക​ളാ​യ സ​​ഹോ​ദ​ര​ങ്ങ​ളും ഡു​കാ​ടി​യു​ടെ റേസർമാരുമായ അ​ല​ക്​​സ്​ മാ​ർ​ക്വ​സും മാ​ർ​ക്​ മാ​ർ​ക്വ​സു​മാ​ണ്​ പോ​യ​ന്റ് നി​ര​യി​ൽ മു​ന്നി​ലു​ള്ള​ത്.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം