ഡ്രൈവർക്ക് കാണാൻ കഴിഞ്ഞില്ല, വാഹനം നേരെ കിണറ്റിലേക്ക്, ആറ് കുട്ടികളടക്കം കുടുംബത്തിലെ ഒമ്പത് പേർ മരിച്ചു

മഹാരാഷ്ട്രയിലെ നാസിക്കിന് സമീപം ദിൻഡോറിയിൽ വാഹനം കിണറ്റിലേക്ക് മറിഞ്ഞ് ഒരു കുടുംബത്തിലെ ഒമ്പത് പേർ മരിച്ചു. ആറ് കുട്ടികൾ ഉൾപ്പെടെയുള്ളവർ കോച്ചിംഗ് ക്ലാസ് പരിപാടി കഴിഞ്ഞ് മടങ്ങുമ്പോഴാണ് അപകടത്തിൽപ്പെട്ടത്. രാത്രിയിൽ ഡ്രൈവർക്ക് കിണർ കാണാൻ കഴിയാതിരുന്നതാണ് അപകടത്തിന് കാരണമായത്.

നാസിക്: മഹാരാഷ്ട്രയിലെ നാസിക്കിൽ നിന്ന് 25 കിലോമീറ്റർ അകലെയുള്ള ദിൻഡോറിയിൽ രാത്രി വാഹനം കിണറ്റിൽ മറിഞ്ഞ് ആറ് കുട്ടികൾ ഉൾപ്പെടെ ഒരു കുടുംബത്തിലെ ഒമ്പത് പേർ മരിച്ചു. രാത്രി പത്ത് മണിയോടെ ശിവാജി നഗർ പ്രദേശത്താണ് അപകടം നടന്നത്.

ന​ഗരത്തിലെ കോച്ചിംഗ് ക്ലാസ് ​ഗെറ്റ് ​ഗു ​ഗെദർ പരിപാടിയിൽ പങ്കെടുത്ത് വീട്ടിലേക്ക് മടങ്ങുമ്പോഴാണ് അപകടം. ഡ്രൈവർക്ക് കിണർ കാണാൻ കഴിഞ്ഞില്ലെന്നും വാഹനം പാതയിൽ നിന്ന് തെന്നിമാറി ആഴമുള്ള കിണറ്റിലേക്ക് വീഴുകയായിരുന്നുവെന്നും പൊലീസ് അറിയിച്ചു. വിവരം ലഭിച്ചയുടൻ രക്ഷാസംഘം സ്ഥലത്തേക്ക് കുതിച്ചെത്തിയതായി ഡിൻഡോരി പൊലീസ് ഇൻസ്പെക്ടർ ഭഗവാൻ മാഥുരെ പറഞ്ഞു. വേഗത്തിലുള്ള രക്ഷാപ്രവർത്തനങ്ങൾ നടത്തിയിട്ടും ആരും രക്ഷപ്പെട്ടില്ലെന്നും അദ്ദേഹം വ്യക്തമാക്കി.

രക്ഷാപ്രവർത്തനം രണ്ട് മണിക്കൂറിലധികം നീണ്ടുനിന്നു. ശനിയാഴ്ച പുലർച്ചെ 12.15 ഓടെ വാഹനവും മൃതദേഹങ്ങളും കിണറ്റിൽ നിന്ന് പുറത്തെടുത്തു. മൃതദേഹങ്ങൾ ഉടൻ തന്നെ ഡിൻഡോറിയിലെ സർക്കാർ ആശുപത്രിയിലേക്ക് മാറ്റി. സുനിൽ ദത്തു ദർഗുഡെ (32), രേഷ്മ സുനിൽ ദർഗുഡെ (27), ആശ അനിൽ ദർഗുഡെ (32), ഖുഷി അനിൽ ദർഗുഡെ (14), മാധുരി അനിൽ ദർഗുഡെ (13), ശ്രേയസ് അനിൽ ദർഗുഡെ (11), രാഖി (ഗുൻവന്തി) സുനിൽ ദർഗുഡേ (11), ശ്രാരുഡേവനി അൻഗുഡെ (11), ദാർഗുഡെ (11), ദാർഗുഡേവനി (11), എന്നിവരാണ് മരിച്ചത്. ദർഗുഡെ (7).