വിവാഹ വാര്‍ഷികവുമായി ബന്ധപ്പെട്ട പോസ്റ്റ് ആണ് മിത്ര ഏറ്റവും ഒടുവില്‍ പങ്കുവച്ചിരിയ്ക്കുന്നത്.
വിസ്മയ തുമ്പത്ത് എന്ന ചിത്രത്തിലൂടെ അഭിനയ ലോകത്തേക്ക് വന്നതാണ് മിത്ര കുര്യന്‍. ബോഡി ഗാര്‍ഡ് എന്ന ചിത്രത്തിലൂടെ മലയാളത്തിലും തമിഴിലും ശ്രദ്ധ നേടി. വിവാഹത്തോടെ അഭിനയത്തില്‍ നിന്നും വിട്ടു നിന്ന താരം അമ്മ മകള്‍ എന്ന സീരിയലില്‍ അഭിനയിച്ചുകൊണ്ടാണ് തിരിച്ചു വന്നത്. നിലവില്‍ ഇന്റസ്ട്രിയില്‍ നിന്നും മാറി നില്‍ക്കുകയാണ് എങ്കിലും സോഷ്യല്‍ മീഡിയയില്‍ സജീവമാണ് താരം. വിവാഹ വാര്‍ഷികവുമായി ബന്ധപ്പെട്ട പോസ്റ്റ് ആണ് മിത്ര ഏറ്റവും ഒടുവില്‍ പങ്കുവച്ചിരിയ്ക്കുന്നത്.
ഭര്‍ത്താവിനൊപ്പമുള്ള ചിത്രത്തിനൊപ്പമാണ് പോസ്റ്റ്. 'എന്റെ ഭര്‍ത്താവായി, കാമുകനായി, നല്ല സുഹൃത്തായി എനിക്കൊപ്പം നില്‍ക്കുന്നതിന് നന്ദി. ലവ് യു സോ മച്ച്. ഹാപ്പി വെഡ്ഡിങ് ആനിവേഴ്‌സറി ഹബ്ബി' എന്ന് പറഞ്ഞുകൊണ്ടാണ് മിത്രയുടെ പോസ്റ്റ്. മിത്രയുടെ പോസ്റ്റിനെക്കാൾ ശ്രദ്ധിക്കപ്പെട്ടത് അതിന് താഴെ വന്ന ഭർത്താവ് വില്ല്യമിൻരെ കമന്റാണ്. 'ഓ ആയിക്കോട്ടെ ആയിക്കോട്ടെ' എന്നായിരുന്നു വില്ല്യമിന്റെ പ്രതികരണം.
വിവാഹ വാര്‍ഷികത്തിന്റെ ഭാഗമായി വില്ല്യമും മിത്രയ്‌ക്കൊപ്പമുള്ള ഫോട്ടോ ഇന്‍സ്റ്റഗ്രാമില്‍ പങ്കുവച്ചു. 'യഥാര്‍ത്ഥ പ്രണയം എന്താണ് എന്ന് കാണിച്ചു തന്ന എന്റെ ഭാര്യയോട്, അവളാണ് എന്റെ സന്തോഷങ്ങള്‍ക്കും എന്റെ വിഷമഘട്ടങ്ങളിലെ ആശ്വാസത്തിനും കാരണക്കാരി. എന്റെ വിജയത്തില്‍ സന്തോഷിക്കുകയും പരാജയപ്പെടുമ്പോള്‍ എന്നെ പ്രോത്സാഹിപ്പിയ്ക്കുകയും ചെയ്യുന്നവള്‍. നിന്റെ ഭര്‍ത്താവ് ആയതില്‍ ഞാന്‍ അഭിമാനിക്കുന്നു' എന്ന് പറഞ്ഞുകൊണ്ടാണ് വില്യമിന്റെ പോസ്റ്റ്. നിരവധിപേരാണ് ദമ്പതികൾക്ക് ആശംസകളറിയിച്ച് എത്തുന്നത്.
ഒരു യുഎസ് ട്രിപ്പില്‍ പരിചയപ്പെട്ട് സൗഹൃദത്തില്‍ ആയവരാണ് മിത്ര കുര്യനും സംഗീത സംവിധായകനായ വില്യം ഫ്രാന്‍സിസും. അത് പിന്നെ പ്രണയമായി. 2015 ജനുവരി 26ന് ആണ് വീട്ടുകാരുടെ സമ്മതത്തോടെ രണ്ട് പേരും വിവാഹിതരായത്.
മകൾക്കൊപ്പം കറങ്ങാൻ ഇറങ്ങി രഞ്ജിത്ത്; സ്റ്റൈലൻ ചിത്രങ്ങൾ ശ്രദ്ധനേടുന്നു