ബുദ്ധിമുട്ടുള്ള കാര്യങ്ങൾ നീട്ടിവെക്കുന്നത് മാനസിക സമ്മർദം കൂട്ടും; എത്രയും പെട്ടെന്ന് അവയെ നേരിടുന്നത് ആശ്വസം നൽകുമെന്ന് എഴുത്തുകാരൻ

ബുദ്ധിമുട്ടുള്ള കാര്യങ്ങളും സംഭാഷണങ്ങളും നീട്ടിവെക്കുന്നത് കൂടുതൽ മാനസിക സമ്മർദത്തിന് കാരണമാകുമെന്ന് എഴുത്തുകാരനായ സാഹിൽ ബ്ലൂം വ്യക്തമാക്കുന്നു. പ്രശ്നങ്ങൾ തുടക്കത്തിൽ തന്നെ നേരിടുന്നത് അവ സങ്കീർണമാകുന്നത് തടയാനും മനസ്സമാധാനം കണ്ടെത്താനും സഹായിക്കും.

ബുദ്ധിമുട്ടുള്ള ഒരു സംഭാഷണം ഒഴിവാക്കുകയോ ഒരു പ്രശ്നം പരിഹരിക്കുന്നത് നീട്ടിവെക്കുകയോ ചെയ്യുന്നത് തൽക്കാലത്തേക്ക് ആശ്വാസം നൽകുമെന്ന് തോന്നാം. എന്നാൽ, ഇത്തരം വൈകിപ്പിക്കലുകൾ പിന്നീട് കൂടുതൽ മാനസിക സമ്മർദത്തിന് കാരണമാകാം. ബുദ്ധിമുട്ടുള്ള കാര്യങ്ങൾ യഥാസമയം നേരിടുന്നതിലൂടെ മനസ്സമാധാനം കണ്ടെത്താനാകുമെന്ന നിരീക്ഷണം പങ്കുവെച്ചിരിക്കുകയാണ് എഴുത്തുകാരനും സംരംഭകനുമായ സാഹിൽ ബ്ലൂം. "നിങ്ങൾ ചെയ്യുന്ന ബുദ്ധിമുട്ടുള്ള കാര്യങ്ങളല്ല, മറിച്ച് ചെയ്യാതെ ഒഴിവാക്കിക്കൊണ്ടിരിക്കുന്ന ബുദ്ധിമുട്ടുള്ള കാര്യങ്ങളാണ് മിക്കപ്പോഴും നിങ്ങളുടെ മാനസിക സമ്മർദത്തിന് കാരണമാകുന്നതെന്നാണ് എന്‍റെ ഉറച്ച വിശ്വാസം." എന്നാണ് തന്‍റെ സോഷ്യൽ മീഡിയ പോസ്റ്റിൽ ബ്ലൂം കുറിച്ചത്.

മാറ്റിവയ്ക്കുമ്പോൾ ബുദ്ധിമുട്ട് വർദ്ധിപ്പിക്കും

അസൗകര്യകരമെന്ന് തോന്നുന്ന കാര്യങ്ങൾ നീട്ടിവെക്കാതെ നേരത്തെ ചെയ്തുതീർക്കുന്നതിലൂടെയാണ് നല്ലൊരു ജീവിതം കെട്ടിപ്പടുക്കാനാകുന്നതെന്നും അദ്ദേഹം കൂട്ടിച്ചേർക്കുന്നു. പ്രശ്നങ്ങൾ തുടക്കത്തിൽ തന്നെ നേരിടുന്നത് അവ കൂടുതൽ സങ്കീർണമാകുന്നത് തടയാൻ സഹായിക്കും.

I’m convinced that most stress isn’t from the hard things you’re doing, but from the hard things you’re avoiding. A good life is built by simply doing uncomfortable things sooner. The delayed conversation gets harder. The ignored problem gets bigger. The small repair gets more expensive. Peace is found through direct early action.

— Sahil Bloom (@SahilBloom) October 29, 2026

കാര്യങ്ങൾ വൈകിപ്പിക്കുന്നത് നിത്യജീവിതത്തിലെ ചെറിയ പ്രശ്നങ്ങളെപ്പോലും എങ്ങനെ വലുതാക്കുന്നുവെന്നും ബ്ലൂം ചൂണ്ടിക്കാട്ടി. മാറ്റിവെക്കുന്ന സംഭാഷണങ്ങൾ പിന്നീട് കൂടുതൽ ബുദ്ധിമുട്ടേറിയതാകും. അവഗണിക്കുന്ന പ്രശ്നങ്ങൾ വലുതാകും. ചെറിയൊരു അറ്റകുറ്റപ്പണി പോലും കൃത്യസമയത്ത് ചെയ്യാതിരുന്നാൽ പിന്നീട് കൂടുതൽ ചെലവേറിയതായി മാറാം. "നേരത്തെയുള്ളതും കൃത്യവുമായ ഇടപെടലുകളിലൂടെയാണ് മനസ്സമാധാനം കണ്ടെത്താനാകുന്നത്", എന്നും ബ്ലൂം കുറിച്ചു.

അനുകൂലിച്ച് നെറ്റിസെൺസ്

ബ്ലൂമിന്‍റെ കുറിപ്പിന് സമൂഹ മാധ്യമങ്ങളിൽ നിരവധി പ്രതികരണങ്ങളാണ് ലഭിച്ചത്. "ഇതേ കാര്യം തന്നെയാണ് ഞാൻ എന്‍റെ മകനോട് ഇപ്പോൾ പറഞ്ഞത്", എന്നായിരുന്നു ഒരാളുടെ പ്രതികരണം. "വളരെ ശരിയാണ്. നീട്ടിവെക്കുന്ന സംഭാഷണങ്ങളാണ് എപ്പോഴും മനസ്സിൽ ഏറ്റവും വലിയ ഭാരമായി അവശേഷിക്കുന്നത്", മറ്റൊരാൾ കുറിച്ചു. "നന്നായി പറഞ്ഞു. ബുദ്ധിമുട്ടുള്ള കാര്യങ്ങൾ നേരത്തെ ചെയ്തുതീർക്കുന്നത് കൂടുതൽ സമാധാനത്തോടെ ഉറങ്ങാൻ സഹായിക്കും", എന്നായിരുന്നു മറ്റൊരു പ്രതികരണം.