
കുട്ടികളെ കാണാതാകുന്നത് ഏതൊരു മാതാപിതാക്കളെയും സംബന്ധിച്ച് വലിയ ആശങ്കയുണ്ടാക്കുന്ന കാര്യമാണ്. എന്നാൽ, ഗുരുഗ്രാമിൽ കുട്ടികളെ കാണാതായ രണ്ട് വ്യത്യസ്ത സംഭവങ്ങളിൽ സമയോചിതമായി ഇടപെട്ട് അവരെ സുരക്ഷിതമായി കണ്ടെത്തി കുടുംബങ്ങളുമായി വീണ്ടും ഒന്നിപ്പിച്ചിരിക്കുകയാണ് പൊലീസ്. പൊലീസിന്റെ വേഗത്തിലുള്ള ഇടപെടലാണ് രണ്ട് കുടുംബങ്ങളുടെയും ആശങ്കകൾക്ക് വിരാമമിട്ടത്. സംഭവങ്ങളുടെ വിശദാംശങ്ങൾ ഗുരുഗ്രാം പൊലീസ് തങ്ങളുടെ ഔദ്യോഗിക എക്സ് അക്കൗണ്ടിലൂടെയാണ് പങ്കുവെച്ചത്. 'ഗുരുഗ്രാം പൊലീസിന്റെ സമയോചിതമായ ഇടപെടലിലൂടെ രണ്ട് കുട്ടികളെയും അവരുടെ കുടുംബങ്ങളുമായി വീണ്ടും ഒന്നിപ്പിച്ചു' എന്നായിരുന്നു ഗുരുഗ്രാം പൊലീസ് സോഷ്യൽ മീഡിയയിൽ പങ്കുവെച്ച പോസ്റ്റ്.
ആദ്യത്തെ സംഭവത്തിൽ, കാണാതായ എട്ട് വയസ്സുകാരനെ വെറും നാല് മണിക്കൂറിനുള്ളിൽ തന്നെ പൊലീസ് കണ്ടെത്തി സുരക്ഷിതമായി കുടുംബത്തിന് കൈമാറുകയായിരുന്നു. മറ്റൊരു സംഭവത്തിൽ, ഏകദേശം രണ്ടര വയസ്സുള്ള പെൺകുട്ടിയെ ആരുമില്ലാതെ അലഞ്ഞുതിരിയുന്ന നിലയിൽ കണ്ടെത്തുകയായിരുന്നു. തുടർന്ന് സെക്ടർ 37 പൊലീസ് സ്റ്റേഷനിലെ ഉദ്യോഗസ്ഥർ നടത്തിയ അന്വേഷണത്തിൽ കുട്ടിയുടെ കുടുംബത്തെ കണ്ടെത്തുകയും, പെൺകുട്ടിയെ സുരക്ഷിതമായി കുടുംബാംഗങ്ങൾക്ക് കൈമാറുകയും ചെയ്തു. രണ്ട് കുട്ടികളെയും കുടുംബങ്ങളുമായി വീണ്ടും ഒന്നിപ്പിച്ച ശേഷമുള്ള ചിത്രങ്ങൾ ഉൾപ്പെടുത്തിയ വീഡിയോയും പൊലീസ് എക്സിൽ പങ്കുവെച്ചിട്ടുണ്ട്.
👮♂️ **गुरुग्राम पुलिस की तत्परता से दो मासूम बच्चों को मिला परिवार का साथ!** ❤️
🔹 पुलिस चौकी धनकोट की टीम ने 08 वर्षीय गुमशुदा बच्चे को मात्र **04 घंटे में तलाश कर** सकुशल परिजनों से मिलवाया।
🔹 थाना सेक्टर-37 की पुलिस टीम ने लावारिस अवस्था में मिली करीब 2.5 वर्षीय बच्ची के परिजनों को तलाश कर बच्ची को सुरक्षित उनके सुपुर्द किया।
🙏 **गुरुग्राम पुलिस की अपील:** अभिभावक छोटे बच्चों पर विशेष निगरानी रखें और उन्हें अकेला न छोड़ें। बच्चा गुम होने या भटका हुआ मिलने पर तुरंत डायल-112 पर सूचना दें।
**गुरुग्राम पुलिस – आपकी सेवा, सुरक्षा एवं सहयोग के लिए 24×7 तत्पर!**
#GurugramPolice #MissionSafety #ChildSafety #MissingChild #Dial112
— Gurugram Police (@gurgaonpolice) November 21, 2026
സന്തോഷകരമായ ഈ വാർത്ത പങ്കുവെച്ചതിനൊപ്പം, തിരക്കേറിയ സ്ഥലങ്ങളിൽ കുട്ടികളെ പ്രത്യേകം ശ്രദ്ധിക്കേണ്ടതിന്റെ ആവശ്യകതയെക്കുറിച്ചും പൊലീസ് പൊതുജനങ്ങളെ ഓർമിപ്പിച്ചു. കുട്ടികളെ കാണാതാകുന്ന സാഹചര്യത്തിൽ ഉടൻ സ്വീകരിക്കേണ്ട നടപടികളെക്കുറിച്ചും പൊലീസ് നിർദേശം നൽകിയിട്ടുണ്ട്. അടിയന്തര സഹായത്തിനുള്ള 112 എന്ന നമ്പറിന് പുറമെ, കുട്ടികൾക്ക് സഹായം ലഭ്യമാക്കുന്നതിനായി വനിതാ-ശിശു വികസന വകുപ്പ് 1098 എന്ന ദേശീയ ടോൾ ഫ്രീ നമ്പറിന്റെ പ്രവർത്തനത്തിനായി ചൈൽഡ് ഹെൽപ്ലൈൻ കൺട്രോൾ റൂമും സജ്ജീകരിച്ചിട്ടുണ്ട്. പ്രതിസന്ധി നിറഞ്ഞ സാഹചര്യങ്ങളിൽ അകപ്പെടുന്ന കുട്ടികൾക്ക് സഹായം നൽകുന്നതിനുള്ള സംവിധാനമാണിത്. 1098 എന്ന ചൈൽഡ് ഹെൽപ്ലൈൻ നമ്പർ 112 എന്ന എമർജൻസി റെസ്പോൺസ് സപ്പോർട്ട് സിസ്റ്റവുമായി യോജിപ്പിച്ചിട്ടുണ്ടെന്നും വകുപ്പ് വ്യക്തമാക്കുന്നു.