ഒളിവിലായിരുന്ന പോക്‌സോ പ്രതി കള്ളുഷാപ്പില്‍ പൊങ്ങി; മാസ്ക് ഊരിയപ്പോള്‍ പിടിവീണു

ലോക്ക് ഡൗണ്‍ ഇളവ് വന്നതോടെ ഷാപ്പിൽ കള്ള് കുടിക്കാൻ വന്നപ്പോഴാണ് പിടികൂടിയത്

തൃശൂര്‍: പ്രായപൂർത്തിയാവാത്ത സ്‌കൂൾ കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ കേസിൽ ഒളിവിലായിരുന്ന പ്രതി പിടിയിൽ. തിരുവത്ര സ്വദേശി റഷീദ് ആണ് ചാവക്കാട് പൊലീസിന്റെ പിടിയിൽ ആയത്.

ലോക്ക് ഡൗണ്‍ ഇളവ് വന്നതോടെ ഷാപ്പിൽ കള്ള് കുടിക്കാൻ വന്നപ്പോഴാണ് പിടികൂടിയത്. കള്ളുഷാപ്പിൽ വച്ച് മാസ്ക് ഊരിയപ്പോൾ തിരിച്ചറിഞ്ഞ ആളുകൾ നൽകിയ വിവരത്തെ തുടർന്ന് പൊലീസ് എത്തി അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.