കരൾ കോശങ്ങളിൽ അമിതമായി കൊഴുപ്പ് അടിഞ്ഞുകൂടുന്ന അവസ്ഥയാണ് ഫാറ്റി ലിവർ. അമിതവണ്ണം, മോശം ഭക്ഷണശീലങ്ങൾ, അമിതമായ മദ്യപാനം എന്നിവയുൾപ്പെടെ വിവിധ കാരണങ്ങളാൽ ഇത് സംഭവിക്കാം. ഭക്ഷണക്രമത്തിൽ ഈ മാറ്റങ്ങൾ വരുത്തൂ.
സോഫ്റ്റ് ഡ്രിങ്കുകളിലും സംസ്കരിച്ച ഭക്ഷണങ്ങളിലും കാണപ്പെടുന്ന ഫ്രക്ടോസ് പോലുള്ള പഞ്ചസാരയുടെ അമിത ഉപയോഗം ഫാറ്റി ലിവറിലേക്ക് നയിക്കുന്ന പ്രധാന കാരണങ്ങളിലൊന്നാണ്. അതിനാൽ മധുരം ചേർത്ത ഭക്ഷണങ്ങൾ ഒഴിവാക്കുക.
25
ധാന്യങ്ങൾ ഡയറ്റിൽ ഉൾപ്പെടുത്താം
തവിടുള്ള അരി, ഓട്സ്, തുടങ്ങിയ മുഴുവൻ ധാന്യങ്ങളിലും ഫൈബറും പോഷകങ്ങളും ധാരാളമായി അടങ്ങിയിട്ടുണ്ട്. ഇവ രക്തത്തിലെ പഞ്ചസാരയുടെ അളവ് നിയന്ത്രിക്കാനും ഫാറ്റി ലിവർ കുറയ്ക്കാൻ ആവശ്യമായ ആരോഗ്യകരമായ ശരീരഭാരം നിലനിർത്താനും സഹായിക്കുന്നു.
35
നല്ല കൊഴുപ്പുള്ള ഭക്ഷണങ്ങൾ
അവോക്കാഡോ, അണ്ടിപ്പരിപ്പ്, വിത്തുകൾ, ഒലിവ് ഓയിൽ എന്നിവ പോലുള്ള ആരോഗ്യകരമായ കൊഴുപ്പുകൾ ഭക്ഷണത്തിൽ ഉൾപ്പെടുത്താൻ ശ്രദ്ധിക്കുക. മൽസ്യങ്ങളിൽ കാണപ്പെടുന്ന ഒമേഗ-3 ഫാറ്റി ആസിഡുകൾ കരളിലെ കൊഴുപ്പ് കുറയ്ക്കാൻ സഹായിക്കും.
കോഴിയിറച്ചി, മീൻ, പയറുവർഗ്ഗങ്ങൾ തുടങ്ങിയ കൊഴുപ്പ് കുറഞ്ഞ പ്രോട്ടീൻ ഭക്ഷണങ്ങൾ കഴിക്കാം. ഇവ പേശികളുടെ ആരോഗ്യം നിലനിർത്തുന്നതിനൊപ്പം ശരീരഭാരം കുറയ്ക്കാനും കരളിലെ കൊഴുപ്പ് ഇല്ലാതാക്കാനും സഹായിക്കുന്നു.
55
പഴങ്ങളും പച്ചക്കറികളും കഴിക്കാം
കരളിലെ പ്രവർത്തനങ്ങളെ സഹായിക്കുന്ന ആന്റിഓക്സിഡന്റുകളും അവശ്യ വിറ്റാമിനുകളും ഇവയിൽ ധാരാളമുണ്ട്. പല നിറങ്ങളിലുള്ള പച്ചക്കറികളും പഴങ്ങളും ഭക്ഷണത്തിൽ ഉൾപ്പെടുത്താൻ ശ്രമിക്കുക.
