വലിപ്പത്തിൽ ചെറുതാണെങ്കിലും പോഷകസമൃദ്ധമായ ഫ്ലാക്സ്സീഡുകൾ ദഹനം, ഹൃദയാരോഗ്യം, ശരീരഭാരം നിയന്ത്രിക്കൽ എന്നിവയ്ക്ക് സഹായകമായേക്കാം. പതിവായി ഫ്ലാക്സ് സീഡ് കഴിച്ചാൽ ലഭിക്കുന്ന ആരോഗ്യഗുണങ്ങളെ കുറിച്ചാണ് ഇനി പറയുന്നത്.
പതിവായി ഫ്ലാക്സ് സീഡ് കഴിച്ചാൽ ലഭിക്കുന്ന എട്ട് ഗുണങ്ങൾ
വലിപ്പത്തിൽ ചെറുതാണെങ്കിലും പോഷകസമൃദ്ധമായ ഫ്ലാക്സ്സീഡുകൾ ദഹനം, ഹൃദയാരോഗ്യം, ശരീരഭാരം നിയന്ത്രിക്കൽ എന്നിവയ്ക്ക് സഹായകമായേക്കാം. പതിവായി ഫ്ലാക്സ് സീഡ് കഴിച്ചാൽ ലഭിക്കുന്ന ആരോഗ്യഗുണങ്ങളെ കുറിച്ചാണ് ഇനി പറയുന്നത്.
28
വയറുവീർക്കൽ, മലബന്ധം, ഗ്യാസ് സംബന്ധമായ പ്രശ്നങ്ങൾ എന്നിവ കുറയ്ക്കും
ഭക്ഷണത്തിലൂടെ ലഭിക്കുന്ന നാരുകളുടെ മികച്ച ഉറവിടമാണ് ഫ്ലാക്സ് സീഡുകൾ. ദഹനവ്യവസ്ഥയുടെ സുഗമമായ പ്രവർത്തനത്തിന് നാരുകൾ അത്യന്താപേക്ഷിതമാണ്. വയറുവീർക്കൽ, മലബന്ധം, ഗ്യാസ് സംബന്ധമായ പ്രശ്നങ്ങൾ എന്നിവ നേരിടുന്നവർക്ക് ഫ്ലാക്സ് സീഡുകൾ ഒരു മികച്ച പരിഹാരമായിരിക്കും.
38
ദഹനവ്യവസ്ഥയെ ആരോഗ്യകരമായി നിലനിർത്താൻ സഹായിക്കുന്നു
ദിവസവും ഏതാനും ടേബിൾസ്പൂൺ ഫ്ലാക്സ് സീഡുകൾ കഴിക്കുന്നത് ശരീരത്തിന് ആവശ്യമായ പ്രതിദിന നാരുകളുടെ അളവിന്റെ ഏകദേശം 30 ശതമാനവും നൽകുന്നു. നാരുകൾ അടങ്ങിയിട്ടുള്ളതിനാൽ ദഹനവ്യവസ്ഥയെ ആരോഗ്യകരമായി നിലനിർത്താൻ സഹായിക്കുക മാത്രമല്ല, മലവിസർജ്ജനം ക്രമപ്പെടുത്തുകയും ചെയ്യുന്നു.
ഫ്ളാക്സ് സീഡുകൾ ഹൃദ്രോഗ സാധ്യത കുറയ്ക്കാൻ സഹായിക്കും
ഫ്ളാക്സ് സീഡുകൾ ഹൃദയാരോഗ്യത്തിന് വളരെ നല്ലതാണ്. ഇവ നിത്യജീവിതത്തിലെ ഭക്ഷണക്രമത്തിൽ ഉൾപ്പെടുത്തുന്നത് ഹൃദ്രോഗ സാധ്യത കുറയ്ക്കാൻ സഹായിക്കും. ശരീരത്തിലെ വീക്കം കുറയ്ക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും സഹായകമായ ഒമേഗ-3 ഫാറ്റി ആസിഡുകളാൽ സമ്പന്നമാണ് ഈ ചെറിയ വിത്തുകൾ. ഇതിൽ അടങ്ങിയിരിക്കുന്ന ഒമേഗ-3 ഫാറ്റി ആസിഡുകൾ ഹൃദ്രോഗത്തിനുള്ള വിവിധ അപകടസാധ്യതകൾ കുറയ്ക്കാൻ സഹായിക്കുമെന്ന് നാഷണൽ ഇൻസ്റ്റിറ്റ്യൂട്ട്സ് ഓഫ് ഹെൽത്ത് (NIH) നടത്തിയ പഠനം വ്യക്തമാക്കുന്നു.
58
ഫ്ലാക്സ് സീഡുകൾ ഭക്ഷണത്തിൽ ഉൾപ്പെടുത്തുന്നത് ശരീരത്തിലെ അധിക കൊഴുപ്പ് കുറയ്ക്കും
ഉയർന്ന അളവിൽ നാരുകൾ അടങ്ങിയിട്ടുള്ളതിനാൽ ഫ്ളാക്സ് സീഡ് കഴിക്കുന്നത് വയർ നിറഞ്ഞതായി ദീർഘനേരം തോന്നിപ്പിക്കാൻ സഹായിക്കുന്നു. തൽഫലമായി, അനാരോഗ്യകരമായ ലഘുഭക്ഷണങ്ങൾ കഴിക്കാനോ അമിതമായി ഭക്ഷണം കഴിക്കാനോ ഉള്ള സാധ്യത കുറയുന്നു. ഫ്ലാക്സ് സീഡുകൾ പോലുള്ള നാരുകൾ ധാരാളമടങ്ങിയ ഭക്ഷണങ്ങൾ ശരീരഭാരം കുറയ്ക്കാനും നിയന്ത്രിക്കാനും സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. ദിവസവും ഫ്ലാക്സ് സീഡുകൾ ഭക്ഷണത്തിൽ ഉൾപ്പെടുത്തുന്നത് ശരീരത്തിലെ അധിക കൊഴുപ്പ് കുറയ്ക്കും.
68
ശരീരത്തിലെ എൽഡിഎൽ അളവ് കുറയ്ക്കാൻ സഹായിക്കുമെന്ന് പഠനങ്ങൾ സൂചിപ്പിക്കുന്നു
ഫ്ലാക്സ് സീഡ് അടങ്ങിയ ഭക്ഷണങ്ങൾ കഴിക്കുന്നത് ശരീരത്തിലെ എൽഡിഎൽ അളവ് കുറയ്ക്കാൻ സഹായിക്കുമെന്ന് പഠനങ്ങൾ സൂചിപ്പിക്കുന്നു. കൊളസ്ട്രോൾ നില കുറയ്ക്കാൻ സഹായിച്ചേക്കാവുന്ന 'ലിഗ്നാനുകൾ' (lignans) എന്ന സംയുക്തങ്ങളും ഫ്ലാക്സ് സീഡുകളിൽ ധാരാളമായി അടങ്ങിയിട്ടുണ്ട്. ഭക്ഷണക്രമത്തിൽ ഫ്ലാക്സ് സീഡുകൾ ഉൾപ്പെടുത്തുന്നതിലൂടെ കൊളസ്ട്രോൾ നില കുറയുകയും, അതുവഴി ഹൃദ്രോഗ സാധ്യത കുറയ്ക്കാൻ സഹായിക്കുകയും ചെയ്തേക്കാം.
78
പതിവായി കഴിക്കുന്നതിലൂടെ ചർമ്മം കൂടുതൽ മൃദുവാകുന്നതും മുടി തിളക്കമുള്ളതും ബലമുള്ളതുമായി നിലനിർത്തുന്നു.
ഫ്ളാക്സ് സീഡിൽ അടങ്ങിയിരിക്കുന്ന ഒമേഗ-3 ഫാറ്റി ആസിഡുകളും ആന്റിഓക്സിഡന്റുകളും ചർമ്മത്തിനും മുടിക്കും മികച്ച പോഷണം നൽകുന്നു. ചർമ്മത്തിലെ ഈർപ്പം നിലനിർത്താൻ സഹായിക്കുന്നതിലൂടെ, ചർമ്മം മൃദുവായതും ആരോഗ്യകരവുമായി മാറുന്നു. 'ഓക്സിഡേറ്റീവ് സ്ട്രെസ്സിൽ' നിന്ന് ചർമ്മത്തെ സംരക്ഷിക്കാനും ഇതിലെ ആന്റിഓക്സിഡന്റുകൾ സഹായിക്കുന്നു. കൂടാതെ, ഫ്ളാക്സ് സീഡുകളിലെ ആരോഗ്യകരമായ കൊഴുപ്പുകൾ മുടിയുടെ ഗുണനിലവാരം മെച്ചപ്പെടുത്തുകയും ചെയ്യുന്നു. ഇവ പതിവായി കഴിക്കുന്നതിലൂടെ ചർമ്മം കൂടുതൽ മൃദുവാകുന്നതും മുടി തിളക്കമുള്ളതും ബലമുള്ളതുമായി നിലനിർത്തുന്നു.
88
വറുത്തോ അല്ലാതെയോ ജ്യൂസ്, സ്മൂത്തി, സലാഡ്, ഓട്സ് എന്നിവയിൽ ചേർത്തോ ഉപയോഗിക്കാം
മുഴുവനായി കഴിക്കുന്നതിനേക്കാൾ പൊടിച്ചുപയോഗിക്കുന്നതാണ് ശരീരം പെട്ടെന്ന് ആഗിരണം ചെയ്യാൻ നല്ലത്.ഇവ വറുത്തോ അല്ലാതെയോ ജ്യൂസ്, സ്മൂത്തി, സലാഡ്, ഓട്സ് എന്നിവയിൽ ചേർത്തോ ഉപയോഗിക്കാം.
