ശ്വാസകോശ അർബുദത്തിന്റെ അവഗണിക്കാൻ പാടില്ലാത്ത 5 ലക്ഷണങ്ങൾ

ലോകമെമ്പാടുമുള്ള ക്യാൻസർ മരണങ്ങളിൽ പ്രധാന വില്ലനാണ് ശ്വാസകോശാർബുദം. രോഗം ആദ്യഘട്ടത്തിൽ തന്നെ തിരിച്ചറിഞ്ഞാൽ പൂർണ്ണമായും ഭേദമാക്കാൻ സാധിക്കും. അതിനാൽ ഈ പ്രാരംഭ ലക്ഷണങ്ങളെ അവഗണിക്കരുത്.

ആഴ്ചകളോളം നീണ്ടുനിൽക്കുന്ന ചുമ

മൂന്നാഴ്ച്ചയിൽ കൂടുതൽ നീണ്ടു നിൽക്കുന്ന ചുമയെ നിസ്സാരമായി കാണരുത്. വിട്ടുമാറാത്ത ചുമ ശ്വാസകോശ അർബുദത്തിന്റെ ലക്ഷണമാകാം.

ചുമയ്ക്കുമ്പോൾ ബ്ലഡ് വരുന്നത്

ചുമയ്ക്കുമ്പോൾ ബ്ലഡ് വരുന്നത് നിസ്സാരമല്ല. ചെറിയ അളവിൽ പോലും ബ്ലഡ് കണ്ടാൽ ഉടൻ തന്നെ ഡോക്ടറെ സമീപിക്കേണ്ടതുണ്ട്. ഇത് ശ്വാസകോശ അർബുദത്തിന്റെ ലക്ഷണമാകാം.

ശ്വാസം മുട്ടൽ അനുഭവപ്പെടുക

പടിക്കെട്ടുകൾ കയറുമ്പോഴും, കുറച്ച് ദൂരം നടക്കുമ്പോഴുമൊക്കെ ശ്വാസം മുട്ടൽ അനുഭവപ്പെടുന്നുണ്ടെങ്കിൽ ശ്രദ്ധിക്കണം. ഇത് ശ്വാസകോശ അർബുദത്തിന്റെ ലക്ഷണമാകാം.

വിട്ടുമാറാത്ത നെഞ്ച് വേദന

ആഴ്ചകളോളം നീണ്ടു നിൽക്കുന്ന നെഞ്ച് വേദനയെ നിസ്സാരമായി കാണരുത്. ഇത് ശ്വാസകോശ അർബുദത്തിന്റെ ലക്ഷണമാണ്.

ക്ഷീണം, പെട്ടെന്ന് ശരീരഭാരം കുറയുക

ഭക്ഷണരീതികളിൽ മാറ്റം വരുത്താതെ തന്നെ പെട്ടെന്ന് ശരീരഭാരം കുറയുന്നതും കടുത്ത ക്ഷീണം അനുഭവപ്പെടുന്നതും ശ്വാസകോശ അർബുദത്തിന്റെ ലക്ഷണമാകാം.