മൂത്രത്തിലെ ധാതുക്കളും ലവണങ്ങളും കൊണ്ട് നിർമ്മിച്ച കഠിനമായ വസ്തുക്കളാണ് വൃക്കയിലെ കല്ലുകൾ. അവ വൃക്കയ്ക്കുള്ളിൽ രൂപം കൊള്ളുന്നു. ചില കേസുകളിൽ ശസ്ത്രക്രിയ ആവശ്യമാണ്.
കിഡ്നി സ്റ്റോൺ പിടിപെടാതിരിക്കാൻ ശ്രദ്ധിക്കേണ്ട എട്ട് കാര്യങ്ങൾ
മൂത്രത്തിലെ ധാതുക്കളും ലവണങ്ങളും കൊണ്ട് നിർമ്മിച്ച കഠിനമായ വസ്തുക്കളാണ് വൃക്കയിലെ കല്ലുകൾ. അവ വൃക്കയ്ക്കുള്ളിൽ രൂപം കൊള്ളുന്നു. ചില കേസുകളിൽ ശസ്ത്രക്രിയ ആവശ്യമാണ്. ചികിത്സിച്ചില്ലെങ്കിൽ, വൃക്കയിലെ കല്ലുകൾ വൃക്കയ്ക്ക് കേടുപാടുകൾ വരുത്തുകയും, മൂത്രനാളിയിൽ ഗുരുതരമായ അണുബാധ ഉണ്ടാക്കുകയും. കാലക്രമേണ വൃക്കയുടെ പ്രവർത്തനത്തെ തകരാറിലാക്കുകയും ചെയ്യും. വൃക്കയിലെ കല്ലുകൾ വരാതിരിക്കാൻ ശ്രദ്ധിക്കേണ്ട എട്ട് കാര്യങ്ങളെ കുറിച്ചാണ് ഇനി പറയുന്നത്.
27
ദിവസവും അഞ്ച് ഗ്രാമിൽ കുറവ് ഉപ്പ് കഴിക്കുന്നത് ശീലമാക്കുക
ഉപ്പിട്ട ഭക്ഷണങ്ങൾ കഴിക്കുന്നത് കുറയ്ക്കുക: ദിവസവും അഞ്ച് ഗ്രാമിൽ കുറവ് ഉപ്പ് കഴിക്കുന്നത് മൂത്രത്തിലെ കാൽസ്യത്തിന്റെ അളവ് കുറയ്ക്കുമെന്ന് പഠനങ്ങൾ പറയുന്നു. ഉപ്പിൽ സോഡിയം അടങ്ങിയിട്ടുണ്ട്. ഇത് ശരീരത്തിൽ കാൽസ്യം അടിഞ്ഞുകൂടാൻ കാരണമാകുന്നു. ഇത് കാൽസ്യം ഓക്സലേറ്റ് വൃക്കയിലെ കല്ലുകൾ രൂപപ്പെടുന്നതിന് കാരണമാകുന്നു.
37
സിട്രസ് അടങ്ങിയ പഴങ്ങളും പച്ചക്കറികളും കൂടുതൽ കഴിക്കുക.
ഭക്ഷണത്തിൽ സിട്രേറ്റിന്റെ അളവ് വർധിപ്പിക്കുന്നതിലൂടെ മൂത്രത്തിലെ കാൽസ്യത്തിന്റെ അളവ് കുറയ്ക്കാം. അതായത്, നാരങ്ങ, ഓറഞ്ച്, മുസമ്പി, കിവി പോലുള്ള സിട്രസ് അടങ്ങിയ പഴങ്ങളും പച്ചക്കറികളും കൂടുതൽ കഴിക്കുക.
പ്യൂരിൻ അടങ്ങിയ ഭക്ഷണങ്ങൾ യൂറിക് ആസിഡ് കല്ലുകൾ ഉണ്ടാകാനുള്ള സാധ്യത കൂട്ടാം.
പ്യൂരിൻ അടങ്ങിയ ഭക്ഷണങ്ങൾ കുറയ്ക്കുക: പ്യൂരിൻ അടങ്ങിയ ഭക്ഷണക്രമം വൃക്കയിലെ യൂറിക് ആസിഡ് കല്ലുകൾ ഉണ്ടാകാനുള്ള സാധ്യത വർദ്ധിപ്പിക്കുന്നു. അതിനാൽ ചുവന്ന മാംസം, കക്കയിറച്ചി തുടങ്ങിയ ഭക്ഷണങ്ങൾ കഴിക്കുന്നത് കുറയ്ക്കുക.
57
പഞ്ചസാര ചേർത്ത മധുരമുള്ള ഭക്ഷണപാനീയങ്ങൾ കുറയ്ക്കുക
ഉയർന്ന അളവിൽ പഞ്ചസാര അടങ്ങിയിട്ടുള്ള ചില ഭക്ഷണപാനീയങ്ങൾ, ഫ്രക്ടോസ് കോൺ സിറപ്പ് പോലുള്ളവ ശരീരത്തിൽ കാൽസ്യം, ഓക്സലേറ്റ്, യൂറിക് ആസിഡ് എന്നിവ അടിഞ്ഞുകൂടാൻ കാരണമാകും, ഇത് വൃക്കയിലെ കല്ലുകൾക്ക് കാരണമാകും.
67
അമിതമായ മദ്യപാനം വൃക്കയിലെ കല്ലുകൾ ഉണ്ടാകാനുള്ള സാധ്യത കൂട്ടാം
അമിതമായ മദ്യപാനം കരളിനെ മാത്രമല്ല ദോഷകരമായി ബാധിക്കുക, ശരീരത്തിലെ യൂറിക് ആസിഡിന്റെ അളവ് വർദ്ധിപ്പിക്കുകയും വൃക്കയിലെ കല്ലുകൾ ഉണ്ടാകാനുള്ള സാധ്യത വർദ്ധിപ്പിക്കുകയും ചെയ്യുന്നു.
77
ക്രാഷ് ഡയറ്റുകൾ ഒഴിവാക്കുക, ഇത് വൃക്കയിലെ കല്ലുകൾ ഉണ്ടാകാനുള്ള സാധ്യത വർദ്ധിപ്പിക്കുന്നു.
കുറഞ്ഞ സമയത്തിനുള്ളിൽ വലിയ അളവിൽ ഭാരം കുറയ്ക്കാൻ സഹായിക്കുന്ന ശരീരഭാരം കുറയ്ക്കാനുള്ള ഡയറ്റുകൾ ഒന്നിലധികം വഴികളിൽ ദോഷകരമാണ്. ഒന്നാമതായി, അവ ശരീരത്തിൽ യൂറിക് ആസിഡ് അടിഞ്ഞുകൂടുന്നതിലേക്ക് നയിക്കുന്നു. ഇത് വൃക്കയിലെ കല്ലുകൾ ഉണ്ടാകാനുള്ള സാധ്യത വർദ്ധിപ്പിക്കുന്നു.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
