കരള്‍ അപകടത്തിലാണെന്നതിന്‍റെ സൂചനകളെ അവഗണിക്കരുത്

പല കാരണങ്ങള്‍ കൊണ്ടും കരളിന്‍റെ ആരോഗ്യം മോശമാകാം. കരളിന്‍റെ ആരോഗ്യം അപകടത്തിലാകുന്നതിന്‍റെ ചില ലക്ഷണങ്ങളെ തിരിച്ചറിയാം.

കരള്‍ അപകടത്തിലാണെന്നതിന്‍റെ സൂചനകളെ അവഗണിക്കരുത്

കരളിന്‍റെ ആരോഗ്യം അപകടത്തിലാകുന്നതിന്‍റെ ചില ലക്ഷണങ്ങളെ തിരിച്ചറിയാം.

നീര്‍ക്കെട്ട്

ശരീരത്തിലെ നീര്‍ക്കെട്ടും തടിപ്പും കരള്‍രോഗത്തിന്റെ ലക്ഷണമാകാം. വയര്‍, കാല്‍ എന്നിവിടങ്ങളില്‍ വെള്ളംകെട്ടി നില്‍ക്കുന്നതുകൊണ്ടാണ് നീര്‍ക്കെട്ട് ഉണ്ടാകുന്നത്.

മഞ്ഞനിറം

ചര്‍മ്മം, കണ്ണിലെ വെള്ളഭാഗം എന്നിവയൊക്കെ മഞ്ഞനിറമാകുന്നതും കരളിന്‍റെ ആരോഗ്യം മോശമാകുന്നതിന്‍റെ ലക്ഷണമാണ്.

വയറുവേദന

വയറുവേദന, വയര്‍ വീര്‍ത്തിരിക്കുക തുടങ്ങിയവയൊക്കെ കരളിന്‍റെ അനാരോഗ്യത്തിന്‍റെ സൂചനകളാകാം.

ചൊറിച്ചില്‍

ശരീരത്ത് ഉടനീളം ചൊറിച്ചില്‍ അനുഭവപ്പെടുന്നതും കരള്‍ രോഗവുമായി ബന്ധപ്പെട്ടിരിക്കുന്നു.

മൂത്രത്തിലെ നിറവ്യത്യാസം

മൂത്രത്തിലെ നിറവ്യത്യാസം ആണ് മറ്റൊരു സൂചന.

ശരീരഭാരം കുറയുക

പെട്ടെന്ന് ശരീരഭാരം കുറയുന്നതും ചിലപ്പോള്‍ കരളിന്‍റെ അനാരോഗ്യത്തിന്‍റെ സൂചനയാകാം.

ക്ഷീണം

അമിത ക്ഷീണം പല രോഗങ്ങളുടെയും ലക്ഷണം ആണെങ്കിലും കരളിന്‍റെ ആരോഗ്യം മോശമാകുമ്പോഴും ക്ഷീണം ഉണ്ടാകാം.

ശ്രദ്ധിക്കുക:

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.