ശരീരത്തിൽ പ്രോട്ടീന്റെ അളവ് കൂടിയാൽ ഉണ്ടാകുന്ന രോഗങ്ങൾ

ശരീരത്തെ ആരോഗ്യത്തോടെ നിലനിർത്തുന്നതിൽ പ്രധാന പങ്കുവഹിക്കുന്ന പോഷകമാണ് പ്രോട്ടീൻ. എന്നാൽ ശരീരത്തിൽ പ്രോട്ടീന്റെ അളവ് കൂടുന്നത് ആരോഗ്യം വഷളാവാനും പലതരം രോഗങ്ങൾ ഉണ്ടാവാനും കാരണമാകുന്നു. ഇക്കാര്യങ്ങൾ ശ്രദ്ധിക്കാം.

ഹൃദ്രോഗം ഉണ്ടാകുന്നു

അമിതമായി പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് ശരീരത്തിൽ കൊളസ്റ്ററോളിന്റെ അളവ് കൂട്ടാനും ഹൃദ്രോഗങ്ങൾ ഉണ്ടാവാനും കാരണമാകുന്നു.

മലബന്ധം

പ്രോട്ടീന്റെ അളവ് കൂടുമ്പോൾ ശരീരത്തിന് ആവശ്യമായ ഫൈബർ കിട്ടാതെ വരും. ഇത് ദഹന പ്രശ്നങ്ങൾക്കും മലബന്ധത്തിനും കാരണമാകുന്നു.

ശരീരഭാരം കൂടുക

പ്രോട്ടീന്റെ അളവ് കൂടുന്നത് ശരീരഭാരം കൂടാനും കാരണമാകുന്നു. പ്രോട്ടീൻ അമിതമാകുമ്പോൾ ശരീരത്തിൽ കൊഴുപ്പായി ഇത് അടിഞ്ഞുകൂടും. ഇതുമൂലം ശരീരഭാരം കൂടുന്നു.

കരൾ പ്രശ്നങ്ങൾ

ശരീരത്തിൽ പ്രോട്ടീന്റെ അളവ് കൂടുന്നത് കരളിന്റെ ആരോഗ്യം തകരാറിലാവാൻ കാരണമാകുന്നു. പ്രത്യേകിച്ചും കരൾ രോഗങ്ങൾ ഉള്ളവർ അമിതമായി പ്രോട്ടീൻ അടങ്ങിയ ഭക്ഷണങ്ങൾ കഴിക്കരുത്.

വൃക്കകൾ തകരാറിലാകുന്നു

ശരീരത്തിൽ പ്രോട്ടീന്റെ അളവ് കൂടുന്നത് വൃക്കകൾ തകരാറിലാവാൻ കാരണമാകുന്നു. ക്ഷീണം, വിശപ്പില്ലായ്മ, ഇടയ്ക്കിടെ മൂത്രമൊഴിക്കാൻ തോന്നുക തുടങ്ങിയ ലക്ഷണങ്ങളെ അവഗണിക്കരുത്.

ക്യാൻസർ സാധ്യത കൂട്ടുന്നു

അമിതമായി പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് ക്യാൻസർ സാധ്യത കൂട്ടുന്നു. അതിനാൽ തന്നെ ശരീരത്തിൽ പ്രോട്ടീന്റെ അളവ് നിയന്ത്രിക്കാൻ ശ്രദ്ധിക്കണം.