ക്യാൻസർ സാധ്യത കുറയ്ക്കുന്ന 10 കാര്യങ്ങൾ

അസാധാരണമായ കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യുന്ന രോ​ഗമാണ് ക്യാൻസർ. കോശങ്ങളിലെ ഡിഎൻഎയിലുണ്ടാകുന്ന മാറ്റങ്ങളാണ് ഇതിന് കാരണം.

ക്യാൻസർ സാധ്യത കുറയ്ക്കുന്നതിന് ശീലമാക്കേണ്ട 10 കാര്യങ്ങൾ

അസാധാരണമായ കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യുന്ന രോ​ഗമാണ് ക്യാൻസർ. കോശങ്ങളിലെ ഡിഎൻഎയിലുണ്ടാകുന്ന മാറ്റങ്ങളാണ് ഇതിന് കാരണം. സ്തനാർബുദം, ശ്വാസകോശാർബുദം, വൻകുടൽ ക്യാൻസർ എന്നിവ ഇതിൽ സാധാരണയായി കണ്ടുവരുന്നവയാണ്. ക്യാൻസർ സാധ്യത കുറയ്ക്കുന്നതിന് ശീലമാക്കേണ്ട എട്ട് കാര്യങ്ങളെ കുറിച്ചാണ് ഇനി പറയുന്നത്.

പുകവലി ശീലം ശ്വാസകോശം, വായ, തൊണ്ട, പാൻക്രിയാസ് എന്നിവിടയങ്ങളിൽ ക്യാൻസർ സാധ്യത കൂട്ടുന്നു

പുകവലി പലതരം ക്യാൻസറുകളുമായി ബന്ധപ്പെട്ടിരിക്കുന്നു. ശ്വാസകോശം, വായ, തൊണ്ട, പാൻക്രിയാസ്, മൂത്രസഞ്ചി, ഗർഭാശയമുഖം, വൃക്ക എന്നിവയെ ബാധിക്കുന്ന ക്യാൻസറുകൾ ഇതിൽ ഉൾപ്പെടുന്നു. പുകവലിക്കുന്നവരുടെ സാമീപ്യത്തിലൂടെ ശ്വസിക്കുന്ന പുക (സെക്കൻഡ് ഹാൻഡ് സ്മോക്ക്) പോലും ശ്വാസകോശ ക്യാൻസർ സാധ്യത വർദ്ധിപ്പിച്ചേക്കാം. എന്നാൽ പുകവലി മാത്രമല്ല പുകയില ചവയ്ക്കുന്നത് വായ, തൊണ്ട, പാൻക്രിയാസ് എന്നിവയിലുണ്ടാകുന്ന ക്യാൻസറുമായി ബന്ധപ്പെട്ടിരിക്കുന്നു.

ആരോഗ്യകരമായ ഭക്ഷണം കഴിക്കുന്നത് ക്യാൻസർ തടയാൻ സഹായകമാണ്

ആരോഗ്യകരമായ ഭക്ഷണം കഴിക്കുന്നത് ക്യാൻസർ തടയാൻ സഹായകമാണ്. ധാരാളം പഴങ്ങളും പച്ചക്കറികളും കഴിക്കുക. പഴങ്ങൾ, പച്ചക്കറികൾ, ധാന്യങ്ങൾ (മുഴുവൻ ധാന്യങ്ങൾ), പയർവർഗ്ഗങ്ങൾ തുടങ്ങിയ ഭക്ഷണങ്ങൾക്ക് മുൻഗണന നൽകുക. കലോറി, കൊഴുപ്പ്, അധികമായി ചേർത്ത പഞ്ചസാര എന്നിവ കൂടുതലുള്ള ഭക്ഷണങ്ങൾ പരിമിതപ്പെടുത്തുക. ചുവന്ന മാംസം (red meat), സംസ്കരിച്ച മാംസം, സംസ്കരിച്ച ധാന്യങ്ങൾ, പൂരിത കൊഴുപ്പ് (saturated fat), ട്രാൻസ് ഫാറ്റ് എന്നിവയുടെ ഉപയോഗം കുറയ്ക്കുക.

പഴങ്ങൾ, പച്ചക്കറികൾ, ധാന്യങ്ങൾ, പയറുവർഗ്ഗങ്ങൾ, നട്‌സ് തുടങ്ങിയവ കഴിക്കുക

മെഡിറ്ററേനിയൻ ഭക്ഷണരീതി പിന്തുടരുന്നവരിൽ സ്തനാർബുദ സാധ്യത കുറവാണ്. പഴങ്ങൾ, പച്ചക്കറികൾ, ധാന്യങ്ങൾ, പയറുവർഗ്ഗങ്ങൾ, നട്‌സ് തുടങ്ങിയവ കഴിക്കുക. വെണ്ണയ്ക്ക് പകരം ഒലിവ് ഓയിൽ ആരോഗ്യകരമാണ്.; കൂടാതെ, ചുവന്ന ഇറച്ചിക്ക് (red meat) പകരം മത്സ്യം കഴിക്കുകയും ചെയ്യുക.

ആരോഗ്യകരമായ ശരീരഭാരം നിലനിർത്തുന്നത് ചിലതരം ക്യാൻസറുകൾ വരാനുള്ള സാധ്യത കുറച്ചേക്കാം

ആരോഗ്യകരമായ ശരീരഭാരം നിലനിർത്തുന്നത് ചിലതരം ക്യാൻസറുകൾ വരാനുള്ള സാധ്യത കുറച്ചേക്കാം. സ്തനം, പാൻക്രിയാസ്, കരൾ, വൻകുടൽ, വൃക്ക എന്നിവയെ ബാധിക്കുന്ന ക്യാൻസറുകൾ ഇതിൽ ഉൾപ്പെടുന്നു. ആഴ്ചയിൽ കുറഞ്ഞത് 150 മിനിറ്റ് മിതമായ തീവ്രതയുള്ള എയ്‌റോബിക് വ്യായാമമോ അല്ലെങ്കിൽ 75 മിനിറ്റ് കഠിനമായ എയ്‌റോബിക് വ്യായാമമോ ചെയ്യുക.

രാവിലെയും വെെകിട്ടുമുള്ള വെയിൽ കൊള്ളുന്നത് വിറ്റാമിൻ ഡി ലഭിക്കും

ഏറ്റവും സാധാരണമായ ക്യാൻസർ തരങ്ങളിൽ ഒന്നാണ് ത്വക്ക് ക്യാൻസർ; അതേസമയം, ഏറ്റവും എളുപ്പത്തിൽ തടയാൻ കഴിയുന്നവയിൽ ഒന്നും കൂടിയാണിത്. രാവിലെയും വെെകിട്ടുമുള്ള വെയിൽ കൊള്ളുന്നത് വിറ്റാമിൻ ഡി ലഭിക്കും. ഇത് ചർമ്മ ക്യാൻസർ തടയും. പുറത്ത് പോകുമ്പോൾ സൺസ്‌ക്രീൻ ഉപയോഗിക്കുക. കുറഞ്ഞത് 30 SPF ഉള്ള 'ബ്രോഡ്-സ്പെക്ട്രം' (broad-spectrum) സൺസ്‌ക്രീൻ ഉപയോഗിക്കുക. സൺസ്‌ക്രീൻ ധാരാളമായി പുരട്ടുക.

ഹെപ്പറ്റൈറ്റിസ് ബി കരൾ ക്യാൻസർ വരാനുള്ള സാധ്യത വർദ്ധിപ്പിക്കുന്നു.

ഹെപ്പറ്റൈറ്റിസ് ബി കരൾ ക്യാൻസർ വരാനുള്ള സാധ്യത വർദ്ധിപ്പിക്കുന്നു. ഒന്നിലധികം ലൈംഗിക പങ്കാളികളുള്ളവർ, ലൈംഗികമായി പകരുന്ന രോഗങ്ങളുള്ളവർ എന്നിവരാണ് ഇതിന്റെ ഉയർന്ന സാധ്യതയുള്ള വിഭാഗത്തിൽ പെടുന്നത്. പുരുഷന്മാരുമായി ലൈംഗിക ബന്ധത്തിലേർപ്പെടുന്ന പുരുഷന്മാർ, രോഗബാധിതമായ രക്തവുമായോ ശരീരസ്രവങ്ങളുമായോ സമ്പർക്കമുണ്ടാകുന്ന ആരോഗ്യപ്രവർത്തകർ എന്നിവരാണ് ഉയർന്ന അപകടസാധ്യതയുള്ള മറ്റ് വിഭാഗങ്ങൾ.

ഹ്യൂമൻ പാപ്പിലോമ വൈറസ് ഗർഭാശയമുഖ ക്യാൻസറിനും മറ്റ് ജനനേന്ദ്രിയ ക്യാൻസറുകൾക്കും കാരണമായേക്കാം

ലൈംഗിക ബന്ധത്തിലൂടെ പകരുന്ന ഒരു വൈറസായ ഹ്യൂമൻ പാപ്പിലോമ വൈറസ് ഗർഭാശയമുഖ ക്യാൻസറിനും (cervical cancer) മറ്റ് ജനനേന്ദ്രിയ ക്യാൻസറുകൾക്കും കാരണമായേക്കാം. തലയിലും കഴുത്തിലുമുള്ള സ്ക്വാമസ് സെൽ ക്യാൻസറുകൾക്കും (squamous cell cancers) ഇത് വഴിവച്ചേക്കാം.

സുരക്ഷിതമായ ലൈംഗികബന്ധം പാലിക്കുക. കോണ്ടം ഉപയോഗിക്കുക.

സുരക്ഷിതമായ ലൈംഗികബന്ധം പാലിക്കുക. കോണ്ടം ഉപയോഗിക്കുക. ലൈംഗിക പങ്കാളികൾ കൂടുന്തോറും എച്ച്.ഐ.വി (HIV), എച്ച്.പി.വി (HPV) തുടങ്ങിയവ ലൈംഗികമായി പകരുന്ന രോഗങ്ങൾ പിടിപെടാനുള്ള സാധ്യതയും വർദ്ധിക്കുന്നു. എച്ച്.ഐ.വി (HIV) അല്ലെങ്കിൽ എയ്ഡ്സ് (AIDS) ബാധിച്ചവരിൽ മലദ്വാരം, കരൾ, ശ്വാസകോശം എന്നിവിടങ്ങളിൽ ക്യാൻസർ വരാനുള്ള സാധ്യത കൂടുതലാണ്. എച്ച്.പി.വി (HPV) പ്രധാനമായും ഗർഭാശയമുഖ ക്യാൻസറുമായാണ് (cervical cancer) ബന്ധപ്പെട്ടിരിക്കുന്നത്. എന്നാൽ മലദ്വാരം, ലിംഗം, തൊണ്ട, യോനി (vagina) എന്നിവിടങ്ങളിൽ ക്യാൻസർ വരാനുള്ള സാധ്യതയും ഇത് വർദ്ധിപ്പിച്ചേക്കാം.

മറ്റ് ആളുകൾ ഉപയോഗിച്ച സൂചികൾ പങ്കിട്ട് ഉപയോഗിക്കരുത്.

മറ്റ് ആളുകൾ ഉപയോഗിച്ച സൂചികൾ പങ്കിട്ട് ഉപയോഗിക്കരുത്. ഇത്തരത്തിൽ സൂചികൾ പങ്കിട്ട് ലഹരിമരുന്ന് ഉപയോഗിക്കുന്നത് എച്ച്.ഐ.വി. (HIV) ബാധയ്ക്ക് കാരണമായേക്കാം. കൂടാതെ, കരൾ ക്യാൻസറിനുള്ള സാധ്യത വർദ്ധിപ്പിക്കുന്ന ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി എന്നിവയ്ക്കും ഇത് വഴിയൊരുക്കിയേക്കാം.

കൃത്യമായ പരിശോധനകളിലൂടെ ക്യാൻസർ നേരത്തേ കണ്ടെത്താനും ചികിത്സിക്കാനും സാധിക്കും

ക്യാൻസറിനെ ഫലപ്രദമായി നേരിടുന്നതിൽ രോഗം നേരത്തേ കണ്ടെത്തുന്നത് നിർണ്ണായകമാണ്. കൃത്യമായ പരിശോധനകളിലൂടെ ക്യാൻസർ നേരത്തേ കണ്ടെത്താനും ചികിത്സിക്കാനും സാധിക്കും. പതിവായി സ്വയം പരിശോധനകൾ നടത്തുക. ചർമ്മം, വൻകുടൽ, ഗർഭാശയമുഖം, സ്തനം എന്നിവയെ ബാധിക്കുന്ന ക്യാൻസറുകൾക്കുള്ള പരിശോധനകൾ (സ്ക്രീനിംഗ്) ചെയ്യുക. ഇവ ക്യാൻസർ നേരത്തേ കണ്ടെത്താനുള്ള സാധ്യത വർദ്ധിപ്പിക്കുന്നു; നേരത്തേ കണ്ടെത്തിയാൽ ചികിത്സ ഫലപ്രദമാകാനുള്ള സാധ്യതയും കൂടുതലാണ്.