സ്ട്രോക്ക് ; യുവാക്കൾ ഈ ലക്ഷണങ്ങൾ ഒരിക്കലും അവ​ഗണിക്കരുത്

പണ്ട് പക്ഷാഘാതം പ്രായമായവരെ മാത്രം ബാധിക്കുന്ന ഒരു രോഗമായാണ് കണക്കാക്കപ്പെട്ടിരുന്നതെങ്കിൽ ഇന്ന് അങ്ങനെയല്ല. പ്രായമായവരിലെന്നപോലെ തന്നെ യുവാക്കളിലും പക്ഷാഘാതം ഇന്ന് കൂടി വരുന്നതായി കാണുന്നു.

സ്ട്രോക്ക് ; യുവാക്കൾ ഈ ലക്ഷണങ്ങൾ ഒരിക്കലും അവ​ഗണിക്കരുത്

പണ്ട് പക്ഷാഘാതം പ്രായമായവരെ മാത്രം ബാധിക്കുന്ന ഒരു രോഗമായാണ് കണക്കാക്കപ്പെട്ടിരുന്നതെങ്കിൽ ഇന്ന് അങ്ങനെയല്ല. പ്രായമായവരിലെന്നപോലെ തന്നെ യുവാക്കളിലും പക്ഷാഘാതം ഇന്ന് കൂടി വരുന്നതായി കാണുന്നു. ഉടനെ തന്നെ ചികിത്സ ലഭിച്ചില്ലെങ്കില്‍ പൂര്‍ണ്ണമായും ഒരു ഭാഗം തളര്‍ച്ചയിലേയ്ക്ക് തള്ളിവിടാന്‍ മാത്രം ശേഷിയുള്ള അസുഖമാണ് പക്ഷാഘാതം.

പക്ഷാഘാതം വരും മുന്‍പ് ശരീരം കാണിക്കുന്ന കുറച്ച് ലക്ഷണങ്ങളുണ്ട്.

പക്ഷാഘാതം വരും മുന്‍പ് ശരീരം കാണിക്കുന്ന കുറച്ച് ലക്ഷണങ്ങളുണ്ട്. ഈ ലക്ഷണങ്ങള്‍ കണ്ടാല്‍ ഉടന്‍ തന്നെ രോഗിയെ അടുത്ത ആശുപത്രിയില്‍ എത്തിക്കണം. തലച്ചോറിന്റെ ഏതെങ്കിലും ഭാഗത്തേക്കുള്ള രക്തയോട്ടം തടസ്സപ്പെടുമ്പോഴോ തലച്ചോറിലെ രക്തക്കുഴൽ പൊട്ടി രക്തസ്രാവം ഉണ്ടാകുമ്പോഴോ ആണ് പക്ഷാഘാതം (സ്ട്രോക്ക്) സംഭവിക്കുന്നത്.

യുവാക്കളിൽ പക്ഷാഘാതം ഉണ്ടാകുന്നതിന് കാരണം അവർക്കിടയിൽ ജീവിതശൈലീ രോഗങ്ങൾ വർധിക്കുന്നതാണ്.

മിനിറ്റുകൾക്കുള്ളിൽ തന്നെ തലച്ചോറിലെ കോശങ്ങൾക്ക് കേടുപാടുകൾ സംഭവിക്കാൻ തുടങ്ങിയേക്കാം. അതുകൊണ്ടാണ് രോഗലക്ഷണങ്ങൾ നേരത്തെ തിരിച്ചറിയുന്നത് പ്രധാനമാകുന്നത്. യുവാക്കളിൽ പക്ഷാഘാതം (സ്ട്രോക്ക്) ഉണ്ടാകുന്നതിന് കാരണം അവർക്കിടയിൽ ജീവിതശൈലീ രോഗങ്ങൾ വർധിക്കുന്നതാണ്.

ഉയർന്ന രക്തസമ്മർദ്ദം, പ്രമേഹം, അമിതവണ്ണം പക്ഷാഘാതത്തിനുള്ള സാധ്യത വർദ്ധിപ്പിക്കും

ഉയർന്ന രക്തസമ്മർദ്ദം, പ്രമേഹം, അമിതവണ്ണം, പുകവലി, ഉയർന്ന കൊളസ്ട്രോൾ, ചില ഹൃദ്രോഗങ്ങൾ എന്നിവ പക്ഷാഘാതത്തിനുള്ള സാധ്യത വർദ്ധിപ്പിക്കും. ചില ചെറുപ്പക്കാരിൽ രക്തം കട്ടപിടിക്കുന്നതുമായി ബന്ധപ്പെട്ട തകരാറുകളോ തലച്ചോറിലേക്കുള്ള രക്തക്കുഴലുകളിലെ അസാധാരണത്വങ്ങളോ പോലുള്ള അത്ര സാധാരണമല്ലാത്ത കാരണങ്ങളും ഉണ്ടായേക്കാം.

തലവേദന, നടക്കാൻ ബുദ്ധിമുട്ട്, പെട്ടെന്നുണ്ടാകുന്ന കാഴ്ചാപ്രശ്നങ്ങൾ

വ്യക്തമായ കാരണമില്ലാതെയുണ്ടാകുന്ന പെട്ടെന്നുള്ളതും തീവ്രവുമായ തലവേദന, നടക്കാൻ ബുദ്ധിമുട്ട്, പെട്ടെന്നുണ്ടാകുന്ന കാഴ്ചാപ്രശ്നങ്ങൾ അല്ലെങ്കിൽ കാരണം വ്യക്തമല്ലാത്ത തലകറക്കം എന്നിവ പക്ഷാഘാതത്തിന്റെ (സ്ട്രോക്ക്) ലക്ഷണങ്ങളാകാം. ചെറുപ്പക്കാരായ ചില രോഗികളിൽ, ഈ ലക്ഷണങ്ങൾ മൈഗ്രേൻ, അമിതക്ഷീണം അല്ലെങ്കിൽ നിർജ്ജലീകരണം എന്നിവയാണെന്ന് തെറ്റിദ്ധരിക്കപ്പെടാൻ സാധ്യതയുണ്ട്.

മുഖത്തിന്റെ ഒരു വശം താഴേക്ക് തൂങ്ങുകയോ മരവിപ്പ് അനുഭവപ്പെടുകയോ ചെയ്തേക്കാം.

മുഖത്തിന്റെ ഒരു വശം താഴേക്ക് തൂങ്ങുകയോ മരവിപ്പ് അനുഭവപ്പെടുകയോ ചെയ്തേക്കാം. ഇതും സ്ട്രോക്കിന്റെ ലക്ഷണമാണെന്ന് വിദ​ഗ്ധർ പറയുന്നു. പെട്ടെന്നുണ്ടാകുന്ന ബലഹീനതയോ മരവിപ്പോ - പ്രത്യേകിച്ച് ശരീരത്തിന്റെ ഒരു വശത്ത് ഇതും സ്ട്രോക്കിന്റെ ലക്ഷണമാണ്.

പെട്ടെന്ന് ഉണ്ടാകുന്ന കാഴ്ച്ചമങ്ങല്‍ മറ്റൊരു ലക്ഷണമാണ്

പെട്ടെന്ന് ഉണ്ടാകുന്ന കാഴ്ച്ചമങ്ങല്‍ മറ്റൊരു ലക്ഷണമാണ്. ഇത്തരത്തില്‍ കാഴ്ച്ചയ്ക്ക് പെട്ടെന്ന് പ്രശ്‌നം തോന്നിയാല്‍ പലരും ഷുഗര്‍ കുറഞ്ഞത്, അല്ലെങ്കില്‍ പ്രഷര്‍ കൂടിയതാണ് എന്ന് തെറ്റിധരിക്കുന്നവര്‍ ഉണ്ട്. തെറ്റിധാരണകള്‍ വെച്ചിരിക്കാതെ, ഉടനെ ഡോക്ടറെ കാണുകയാണ് വേണ്ടത്. പെട്ടെന്ന് നടക്കാന്‍ ബുദ്ധിമുട്ട് അനുഭവപ്പെടുന്നത്, അതുപോലെ, നന്നായി വിയര്‍ക്കുക, ക്ഷീണം, ബാലന്‍സ് നഷ്ടമാകുന്നത്, ഒന്നും വിചാരിച്ചപോലെ ചെയ്യാന്‍ സാധിക്കാത്തതെല്ലാം തന്നെ പക്ഷാഘാതം വരുന്നതിന്റെ പ്രരംഭ ലക്ഷണങ്ങളാണ്.