ലോക്ക്ഡൗണില്‍ മൂന്നാം നാള്‍ ; അടിച്ചോടിച്ച് പൊലീസ്
First Published Mar 26, 2020, 11:12 AM ISTകൊറോണാ വൈറസിന്‍റെ വ്യാപനം തടയുന്നതിനായി രാജ്യം മുഴുവനും ലോക്ക്ഡൗണ്‍ പ്രഖ്യാപിച്ചിരിക്കുകയാണ്. പെട്ടെന്ന് പ്രഖ്യാപിച്ച ലോക്ക് ഡൗണിനെ തുടര്‍ന്ന് രാജ്യത്ത് പല സ്ഥലങ്ങളിലായി ജോലി ചെയ്യുന്ന തൊഴിലാളികള്‍ കിട്ടിയ വാഹനങ്ങളില്‍ സ്വന്തം ഗ്രാമങ്ങളിലേക്ക് മടങ്ങി. മറ്റുള്ളവര്‍ അതാതിടങ്ങളില്‍ സുരക്ഷിതരായി ഇരിക്കുന്നു. ഭക്ഷ്യസാധനങ്ങള്‍ വാങ്ങിക്കാനായി പുറങ്ങുന്നവര്‍ക്ക് പൊലീസിന്‍റെ മര്‍ദ്ദനമേല്‍ക്കുന്നുണ്ടെന്ന പരാതിയും ഇതിനിടെ ഉയരുന്നു. പകല്‍ 10 മുതല്‍ 5 വരെ അവശ്യസാധനങ്ങള്‍ കിട്ടുന്ന കടകള്‍ തുറക്കും. ഈ സമയത്ത് കൂട്ടംകൂടാതെ അവശ്യസാധനങ്ങള്‍ വാങ്ങാനായി ജനങ്ങള്‍ക്ക് പുറത്തിറങ്ങാം. എന്നാല്‍ അവശ്യസാധനങ്ങള്‍ വാങ്ങനാനെന്ന പേരില്‍ പുറത്തിറങ്ങുന്നവര്‍ കറങ്ങി നടക്കുന്നത് ലോക്ക് ഡൗണിന്‍റെ പ്രാധാന്യത്തെ ഇല്ലാതാക്കും. ഈ സാഹചര്യം ഒഴിവാക്കാനാണ് പൊലീസ് നടപടി. കൊറോണാ വൈറസിന്‍റെ വ്യാപനം തടയുകയെന്നതാണ് ഇന്ത്യയെ പോലൊരു രാജ്യത്ത് കൊറോണാ വൈറസിനെതിരെ എടുക്കാനുള്ള ഏറ്റവും ഫലപ്രദമായ നടപടി. ഇന്ത്യ ഇന്ന് ലോക്ക് ഡൗണിന്‍റെ മൂന്നാം ദിവസത്തിലാണ്. കരുതലോടെ ഇരുന്ന് കൊറോണാ വൈറസിനെ നമ്മുക്ക് പ്രതിരോധിക്കാം.