ഫ്രിഡ്ജിൽ വെച്ചാലും ചില സമയങ്ങളിൽ മുട്ട വേഗം കേടാകാറുണ്ട്. ഫ്രിഡ്ജിൽ മുട്ട വെക്കാൻ ശരിയായ ഒരു സ്ഥലമുണ്ട്. മുട്ട കൂടുതൽ കാലം ഫ്രഷായിരിക്കാൻ ഈ തെറ്റുകൾ ഒഴിവാക്കൂ. ശ്രദ്ധിക്കേണ്ട കാര്യങ്ങൾ ഇതാണ്.
മുട്ട ആരോഗ്യത്തിന് വളരെ നല്ലതാണെന്ന് നമുക്കറിയാം. അതുകൊണ്ടാണ് പലരും ഒരുമിച്ച് വാങ്ങി ഫ്രിഡ്ജിൽ സൂക്ഷിക്കുന്നത്. എന്നാൽ ഫ്രിഡ്ജിൽ വെറുതെ വെച്ചാൽ മാത്രം പോര, ശരിയായ സ്ഥലത്ത് വെച്ചില്ലെങ്കിൽ ഇത് വേഗം കേടായിപ്പോകും.
24
ഫ്രിഡ്ജ് ഡോറിൽ മുട്ട വെക്കരുത്
പലരും ഫ്രിഡ്ജിൻ്റെ ഡോറിലുള്ള ട്രേയിലാണ് മുട്ട വെക്കാറ്. എന്നാൽ ഇത് ശരിയല്ലെന്നാണ് വിദഗ്ദ്ധർ പറയുന്നത്. കാരണം ഫ്രിഡ്ജ് തുറക്കുമ്പോഴെല്ലാം പുറത്തുനിന്നുള്ള ചൂട് കാറ്റ് ആദ്യം തട്ടുന്നത് ഡോറിലാണ്. ഇത് മുട്ടയുടെ പുറന്തോടിൽ ഈർപ്പം ഉണ്ടാക്കുകയും, ബാക്ടീരിയകൾ വേഗത്തിൽ വളരാൻ കാരണമാകുകയും ചെയ്യും.
34
ഇങ്ങനെ വെച്ചാൽ എന്തൊക്കെയാണ് പ്രശ്നങ്ങൾ?
ഫ്രിഡ്ജ് ഡോറിലെ താപനിലയിലുണ്ടാകുന്ന വ്യത്യാസം സാൽമൊണെല്ല പോലുള്ള ബാക്ടീരിയകൾ വേഗത്തിൽ വളരാൻ ഇടയാക്കും. ഇത് മുട്ട വേഗത്തിൽ കേടാകാൻ കാരണമാകും. ഇങ്ങനെ കേടായ മുട്ട കഴിക്കുന്നത് ഫുഡ് പോയ്സണിംഗ്, ഛർദ്ദി, വയറിളക്കം, വയറുവേദന തുടങ്ങിയ ആരോഗ്യപ്രശ്നങ്ങൾക്ക് വഴിവയ്ക്കും.
മുട്ട കൂടുതൽ കാലം കേടാകാതെ ഫ്രഷായി ഇരിക്കണമെങ്കിൽ ഫ്രിഡ്ജിനുള്ളിലെ നടുവിലത്തെയോ താഴത്തെയോ ഷെൽഫുകളിൽ വെക്കുക. ഇവിടങ്ങളിലെ താപനില എപ്പോഴും ഒരുപോലെ തണുപ്പുള്ളതായിരിക്കും. ഇത് മുട്ട കേടാകാതെ സൂക്ഷിക്കാൻ സഹായിക്കും.
