അടുക്കളയിൽ ദീർഘകാലം ഉപയോഗിക്കാൻ പാടില്ലാത്ത 5 വസ്തുക്കൾ ഇതാണ്

ഇഷ്ടപ്പെട്ട സാധനങ്ങൾ എത്ര കാലംവരേയും നമ്മൾ ഉപയോഗിക്കാറുണ്ട്. അതെത്ര പഴകിയാലും ഉപയോഗിക്കാൻ നമുക്ക് ഒരു ബുദ്ധിമുട്ടും ഉണ്ടാവുകയില്ല. എന്നാൽ ഈ വസ്തുക്കൾ ദീർഘകാലം ഉപയോഗിക്കരുത്, കാരണം ഇതാണ്. 

കട്ടിങ് ബോർഡ്

തടി, പ്ലാസ്റ്റിക് കൊണ്ടുള്ള കട്ടിങ് ബോർഡുകൾ ദീർഘകാലം ഉപയോഗിക്കുന്നത് ഒഴിവാക്കാം. കാരണം ഇതിൽ അണുക്കൾ പറ്റിയിരിക്കാനുള്ള സാധ്യത വളരെ കൂടുതലാണ്.

പ്ലാസ്റ്റിക് പാത്രങ്ങൾ

കാലക്രമേണ പ്ലാസ്റ്റിക് പാത്രങ്ങളിൽ കേടുപാടുകൾ ഉണ്ടാവുകയും പ്ലാസ്റ്റിക്കിലുള്ള രാസവസ്തുക്കൾ ഭക്ഷണത്തിൽ അലിഞ്ഞുചേരുകയും ചെയ്യുന്നു.

അടുക്കള സ്പോഞ്ച്

സ്പോഞ്ചിൽ അണുക്കൾ പറ്റിയിരിക്കാനുള്ള സാധ്യത വളരെ കൂടുതലാണ്. മൂന്ന് ആഴ്ചയിൽ കൂടുതൽ ഒരു സ്പോഞ്ച് ഉപയോഗിക്കാൻ പാടില്ല.

നോൺ സ്റ്റിക് പാൻ

പഴക്കമുള്ള നോൺ സ്റ്റിക് പാൻ ഉപയോഗിക്കുന്നത് ഒഴിവാക്കണം. പോറലുള്ള നോൺ സ്റ്റിക് പാനിൽ നിന്നും വിഷാംശങ്ങൾ പുറന്തള്ളാൻ സാധ്യത കൂടുതലാണ്.

സുഗന്ധവ്യഞ്ജനങ്ങൾ

ദിവസങ്ങൾ കഴിയുംതോറും സുഗന്ധവ്യഞ്ജനങ്ങളുടെ രുചിയിലും ഘടനയിലും മാറ്റങ്ങൾ ഉണ്ടാകുന്നു. അതിനാൽ തന്നെ ഒരു വർഷത്തിൽ കൂടുതൽ ഇത് ഉപയോഗിക്കരുത്.