വായു മലിനീകരണം മാസം തികയാതെയുള്ള പ്രസവ സാധ്യത വർദ്ധിപ്പിക്കുമെന്ന് പഠനം

വായു മലിനീകരണം ചിലതരം ക്യാൻസറുകളുടെയും ശ്വാസകോശ സംബന്ധമായ രോ​​ഗങ്ങൾക്കും മാത്രമല്ല ​ഗർഭകാല ആരോ​ഗ്യത്തെും ബാധിക്കുന്നു. വായു മലിനീകരണം മാസം തികയാതെയുള്ള പ്രസവ സാധ്യത വർദ്ധിപ്പിക്കുമെന്ന് പുതിയ പഠനം.

വായു മലിനീകരണം ഗുരുതരമായ ആരോഗ്യ പ്രത്യാഘാതങ്ങൾ ഉണ്ടാക്കുന്ന ഒരു പാരിസ്ഥിതിക ആശങ്കയാണ്. വായു മലിനീകരണം ചിലതരം ക്യാൻസറുകളുടെയും ശ്വാസകോശ സംബന്ധമായ രോ​​ഗങ്ങൾക്കും മാത്രമല്ല ​ഗ​ർഭകാല ആരോ​ഗ്യത്തെും ബാധിക്കുന്നു. വായു മലിനീകരണം മാസം തികയാതെയുള്ള പ്രസവ സാധ്യത വർദ്ധിപ്പിക്കുമെന്ന് പുതിയ പഠനം.

വായു മലിനീകരണം ഗർഭിണികൾക്കും ​ഗർഭപിണ്ഡത്തിനും ദോഷകരമാകും. ഗർഭകാലത്ത് സൂക്ഷ്മ കണികകൾ, നൈട്രജൻ ഡൈ ഓക്സൈഡ്, സൾഫർ ഡൈ ഓക്സൈഡ് തുടങ്ങിയ മലിനീകരണ വസ്തുക്കളുമായി സമ്പർക്കം പുലർത്തുന്നത് നിരവധി പ്രതികൂല ഫലങ്ങൾക്ക് കാരണമാകും. അകാല പ്രസവവും വായു മലിനീകരണവും തമ്മിലുള്ള ബന്ധം അടുത്തിടെ നടത്തിയ ഒരു പഠനം വെളിപ്പെടുത്തി.

'കോർട്ടെക്സോളോൺ', 'ലൈസോപിഇ (20:3)' എന്നീ രണ്ട് പദാർത്ഥങ്ങൾ തിരിച്ചറിഞ്ഞിട്ടുള്ളതായി എൻവയോൺമെന്റൽ സയൻസ് ആൻഡ് ടെക്നോളജി ജേണലിൽ പ്രസിദ്ധീകരിച്ച പഠനത്തിൽ പറയുന്നു. ഇവ അകാല ജനന സാധ്യത വർദ്ധിപ്പിക്കും. വായു മലിനീകരണവും അകാല ജനനവും തമ്മിൽ ബന്ധമുള്ളതായി പഠനത്തിൽ പറയുന്നു.

ഗർഭിണികളായ സ്ത്രീകളെ സംബന്ധിച്ചിടത്തോളം വായു മലിനീകരണം മാസം തികയാതെയുള്ള പ്രസവം, കുഞ്ഞിന് ഭാരം കുറയുക, വളർച്ചാ പ്രശ്നങ്ങൾ തുടങ്ങിയ സങ്കീർണതകൾക്കുള്ള സാധ്യത വർദ്ധിപ്പിക്കുന്നതായും ​ഗവേഷകർ പറയുന്നു.

ഗർഭകാലത്ത് ഉയർന്ന അളവിലുള്ള വായു മലിനീകരണത്തിന് വിധേയമാകുന്നത് പിന്നീടുള്ള ജീവിതത്തിൽ കുട്ടികളിൽ വൈജ്ഞാനികവും പെരുമാറ്റപരവുമായ പ്രശ്നങ്ങൾക്ക് കാരണമാകുമെന്ന് പഠനങ്ങൾ തെളിയിച്ചിട്ടുണ്ട്. ഗർഭകാലത്ത് വായു മലിനീകരണത്തിന്റെ പ്രതികൂല ഫലങ്ങൾ കുറയ്ക്കുന്നതിന് ശ്രദ്ധിക്കേണ്ട കാര്യങ്ങൾ.

1. മലിനീകരണത്തിന്റെ അളവ് കൂടുതലായിരിക്കുമ്പോൾ സമ്പർക്കം ഒഴിവാക്കാൻ വീടിനുള്ളിൽ തന്നെ തുടരുക.

2. എയർ പ്യൂരിഫയറുകൾ സ്ഥാപിച്ചും വീട് ഇടയ്ക്കിടെ പതിവായി വൃത്തിയാക്കുകയും ചെയ്യുക.

3. വായു മലിനീകരണത്തിന്റെ ദോഷകരമായ ഫലങ്ങൾ ലഘൂകരിക്കാൻ സഹായിക്കുന്ന ആന്റിഓക്‌സിഡന്റുകൾ അടങ്ങിയ സമീകൃതാഹാരം കഴിക്കുക.