അസിഡിറ്റി നിങ്ങളെ അലട്ടുന്നുണ്ടോ? എങ്കിൽ പ്രധാനപ്പെട്ട കാരണം ഇതാണ്

പ്രാതൽ ഒഴിവാക്കുന്നത് ഉത്കണ്ഠയുടെയും വിഷാദത്തിൻ്റെയും സാധ്യത വർദ്ധിപ്പിക്കുന്നു. ഭക്ഷണം ഒഴിവാക്കുന്നത് പകൽ അമിതമായി ഭക്ഷണം കഴിക്കുന്നതിലേക്ക് നയിച്ചേക്കാം.

ആസിഡ് റിഫ്ലക്സ് അല്ലെങ്കിൽ ഗ്യാസ്ട്രോ ഈസോഫേഷ്യൽ റിഫ്ലക്സ് എന്നും അറിയപ്പെടുന്ന അസിഡിറ്റി വയറ്റിലെ ആസിഡുകൾ അന്നനാളത്തിലേക്ക് എത്തുന്ന അവസ്ഥയാണ്. ഇത് നെഞ്ചെരിച്ചിൽ, വയറു വീർക്കൽ, ഓക്കാനം തുടങ്ങിയ ലക്ഷണങ്ങൾക്ക് കാരണമാകുന്നു.

എരിവുള്ള ഭക്ഷണങ്ങൾ, കഫീൻ അടങ്ങിയ ഭക്ഷണങ്ങൾ, സമ്മർദ്ദം എന്നിവ സാധാരണ കാരണങ്ങളാണെങ്കിലും മറ്റൊരു കാരണം കൂടി അസിഡിറ്റിയ്ക്ക് ഇടയാക്കും. പ്രാതൽ ഒഴിവാക്കുന്നത് അസിഡിറ്റിയ്ക്ക് കാരണമാകുന്നതായി പഠനങ്ങൾ പറയുന്നു.

ഒരു മനുഷ്യൻ രാത്രിയിൽ 8-10 മണിക്കൂർ ഉപവസിക്കുമ്പോൾ രാവിലെ ഭക്ഷണം കഴിക്കാൻ പ്രതീക്ഷിച്ച് ആമാശയം ആസിഡുകൾ ഉത്പാദിപ്പിക്കാൻ തുടങ്ങുന്നു. ഒരാൾ പ്രഭാതഭക്ഷണം കഴിക്കാത്തപ്പോൾ ഈ ആസിഡുകൾക്ക് പ്രവർത്തിക്കാതെയാകുന്നു. ഇത് ആമാശയ പാളിയെ പ്രകോപിപ്പിക്കുകയും ആസിഡ് റിഫ്ലക്സ് അവസ്ഥയ്ക്ക് കാരണമാവുകയും ചെയ്യും. ആരോഗ്യകരമായ പ്രഭാതഭക്ഷണം കഴിക്കുന്നത് രാവിലെ ആമാശയത്തിലെ ആസിഡുകളെ നിർവീര്യമാക്കുകയും ഭക്ഷണം ദഹിപ്പിക്കാൻ സഹായിക്കുകയും ചെയ്യുന്നു.

പ്രഭാതഭക്ഷണം ഒഴിവാക്കുമ്പോൾ പോലുള്ള സാഹചര്യങ്ങളിൽ ഈ രീതി തടസ്സപ്പെട്ടാൽ, അത് ആമാശയത്തിൽ ആസിഡുകളുടെ അമിതഭാരത്തിന് കാരണമാകും. ഇത് അസ്വസ്ഥത ഉണ്ടാക്കും. പ്രാതൽ ഒഴിവാക്കുമ്പോൾ അമിതമായ ആസിഡ് അടിഞ്ഞുകൂടലിലേക്ക് എത്താം. ആമാശയം ഹൈഡ്രോക്ലോറിക് ആസിഡ് ഉത്പാദിപ്പിക്കുന്നത് തുടരും. ഇത് ആമാശയ പാളിയിൽ പ്രകോപനം ഉണ്ടാക്കും. അമിത വിശപ്പ് ആമാശയം ചുരുങ്ങാൻ ഇടയാക്കും ഇത് അധിക ആസിഡുകൾ അന്നനാളത്തിലേക്ക് തള്ളിവിടുന്നു. ഭക്ഷണം കഴിക്കുന്നതിലെ പ്രശ്നം ഉപാപചയ നിരക്ക് കുറയുന്നതിന് കാരണമായേക്കാം.

പ്രാതൽ ഒഴിവാക്കുന്നത് ഉത്കണ്ഠയുടെയും വിഷാദത്തിൻ്റെയും സാധ്യത വർദ്ധിപ്പിക്കുന്നു. ഭക്ഷണം ഒഴിവാക്കുന്നത് പകൽ അമിതമായി ഭക്ഷണം കഴിക്കുന്നതിലേക്ക് നയിച്ചേക്കാം. മാത്രമല്ല ഇത് സമ്മർദ്ദത്തിനും ഉത്കണ്ഠയ്ക്കും കൂടുതൽ സാധ്യതയുള്ളതാക്കുകയും ചെയ്യും. നിങ്ങൾ ശരിയായി ഭക്ഷണം കഴിക്കാത്തപ്പോൾ അത് ഒരു ദിവസത്തേക്കുള്ള ഊർജത്തിൻ്റെ അഭാവത്തിന് കാരണമാകും. ഊർജം കുറവ് ജോലിയെയും ബാധിക്കാം.