സ്തനാർബുദം: ലക്ഷണങ്ങൾ, കാരണങ്ങൾ, എങ്ങനെ രോഗം നേരത്തെ കണ്ടെത്താം

സ്തനാർബുദത്തെക്കുറിച്ചുള്ള അടിസ്ഥാന വിവരങ്ങളും, ഓരോ സ്ത്രീയും അറിഞ്ഞിരിക്കേണ്ട കാര്യങ്ങളും

സ്ത്രീകളിൽ ഏറ്റവും സാധാരണയായി കണ്ടുവരുന്ന അർബുദങ്ങളിൽ ഒന്നാണ് സ്തനാർബുദം (Breast Cancer). നേരത്തെ രോഗം കണ്ടെത്തുന്നത് ചികിത്സാ വിജയം ഉറപ്പാക്കുന്നതിൽ നിർണായകമാണ്. സ്തനാർബുദത്തെക്കുറിച്ചുള്ള അടിസ്ഥാന വിവരങ്ങളും, ഓരോ സ്ത്രീയും അറിഞ്ഞിരിക്കേണ്ട കാര്യങ്ങളും ചുവടെ.

1. സ്തനാർബുദത്തിന്റെ ലക്ഷണങ്ങൾ (Signs and Symptoms)

സ്തനാർബുദത്തിന്റെ ഏറ്റവും സാധാരണമായ ലക്ഷണങ്ങൾ ഇവയാണ്. ഇത്തരം മാറ്റങ്ങൾ കണ്ടാൽ ഉടൻ ഒരു ഡോക്ടറെ സമീപിക്കണം:

സ്തനത്തിലോ കക്ഷത്തിലോ (Axilla) ഉള്ള മുഴ: വേദനയില്ലാത്തതും കട്ടിയുള്ളതുമായ ഒരു മുഴയാണ് ഏറ്റവും പ്രധാന ലക്ഷണം.

സ്തനത്തിന്റെ ആകൃതിയിലോ വലുപ്പത്തിലോ ഉണ്ടാകുന്ന മാറ്റം: ഒരു സ്തനം മറ്റേതിനേക്കാൾ വലുതാകുകയോ രൂപം മാറികപോവുകയോ ചെയ്യുക.

ചർമ്മത്തിലെ മാറ്റങ്ങൾ: സ്തന ചർമ്മത്തിൽ കുഴിവുകൾ (Dimpling) ഉണ്ടാകുക, ഓറഞ്ച് തോൽ പോലെ കട്ടിയാവുക (Peau d'orange), ചുവപ്പ് നിറം, ചൊറിച്ചിൽ, അല്ലെങ്കിൽ മറ്റ് അസ്വസ്ഥതകൾ.

മുലഞെട്ടിലെ മാറ്റങ്ങൾ (Nipple Changes): മുലഞെട്ട് ഉള്ളിലേക്ക് വലിയുക (Inversion), മുലഞെട്ടിൽ നിന്ന് രക്തം കലർന്നതോ അല്ലാത്തതോ ആയ സ്രവം (Discharge) വരിക, മുലഞെട്ടിന് ചുറ്റുമുള്ള ചർമ്മത്തിൽ തടിപ്പ്, പുണ്ണ്, അല്ലെങ്കിൽ അടർന്നുപോകൽ.

തുടർച്ചയായ വേദന: സ്തനത്തിലോ കക്ഷത്തിലോ നീണ്ടുനിൽക്കുന്ന വേദനയോ കട്ടിയോ അനുഭവപ്പെടുക.

2. സ്തനാർബുദ സാധ്യത ഘടകങ്ങൾ (Risk Factors)

സ്തനാർബുദം ആർക്കുവേണമെങ്കിലും വരാമെങ്കിലും, ചില ഘടകങ്ങൾ രോഗസാധ്യത വർദ്ധിപ്പിക്കുന്നു:

വർഗ്ഗം സാധ്യത ഘടകങ്ങൾ (Factors)

മാറ്റാൻ കഴിയാത്തവ (Fixed/Non-Modifiable) പ്രായം: 50 വയസ്സിന് മുകളിലുള്ളവർക്ക് സാധ്യത കൂടുതൽ.

ലിംഗം: സ്ത്രീകളിൽ പുരുഷന്മാരേക്കാൾ സാധ്യത വളരെ കൂടുതൽ.

കുടുംബചരിത്രം: അടുത്ത ബന്ധുക്കൾക്ക് (അമ്മ, സഹോദരി, മകൾ) സ്തനാർബുദം ഉണ്ടായിട്ടുള്ളവർ.

ജനിതകമാറ്റങ്ങൾ: BRCA1, BRCA2 പോലുള്ള ജീനുകളിലെ തകരാറുകൾ.

ആദ്യ ആർത്തവം നേരത്തെ ആകുന്നത് (12 വയസ്സിന് മുൻപ്).

ആർത്തവവിരാമം വൈകി ആകുന്നത് (55 വയസ്സിന് ശേഷം).

മാറ്റാൻ കഴിയുന്നവ (Modifiable) അമിതഭാരം/പൊണ്ണത്തടി: പ്രത്യേകിച്ചും ആർത്തവവിരാമത്തിന് ശേഷം.

വ്യായാമക്കുറവ്: ശാരീരിക പ്രവർത്തനങ്ങൾ കുറയുന്നത്.

മദ്യപാനം, പുകവലി

കുഞ്ഞുങ്ങൾ ഇല്ലാത്ത അവസ്ഥ അല്ലെങ്കിൽ 30 വയസ്സിന് ശേഷം ആദ്യപ്രസവം.

ഹോർമോൺ മാറ്റിസ്ഥാപിക്കൽ ചികിത്സ (Hormone Replacement Therapy - HRT) ദീർഘകാലം ഉപയോഗിക്കുന്നത്.

3. നേരത്തെയുള്ള കണ്ടെത്തൽ (Early Detection)

സ്തനാർബുദം എത്രയും നേരത്തെ കണ്ടെത്തുന്നുവോ അത്രയും ചികിത്സിച്ചു മാറ്റാനുള്ള സാധ്യത കൂടുതലാണ്. അതിനായി ഈ കാര്യങ്ങൾ ശ്രദ്ധിക്കുക:

മാസമുറയ്ക്ക് ശേഷമുള്ള സ്വയം സ്തന പരിശോധന (Monthly Breast Self-Examination - BSE): എല്ലാ മാസവും ആർത്തവം കഴിഞ്ഞ് 7 മുതൽ 10 ദിവസങ്ങൾക്കുള്ളിൽ സ്വയം സ്തനങ്ങൾ പരിശോധിച്ച് എന്തെങ്കിലും മാറ്റങ്ങളുണ്ടോ എന്ന് വിലയിരുത്തുക.

ക്ലിനിക്കൽ സ്തന പരിശോധന (Clinical Breast Examination - CBE): 20 വയസ്സ് കഴിഞ്ഞ സ്ത്രീകൾ 2-3 വർഷം കൂടുമ്പോഴെങ്കിലും ഒരു ഡോക്ടറെക്കൊണ്ട് പരിശോധന നടത്തുക.

മാമോഗ്രാം (Mammogram): 40 വയസ്സിന് മുകളിലുള്ള സ്ത്രീകൾ വർഷാവർഷം മാമോഗ്രാം ചെയ്യണം. സ്തനത്തിലെ ചെറിയ മുഴകൾ ലക്ഷണങ്ങൾ പ്രകടമാകുന്നതിന് മുൻപ് തന്നെ കണ്ടെത്താൻ മാമോഗ്രാം സഹായിക്കും.

പതിവ് ആരോഗ്യ പരിശോധനകൾ: വർഷത്തിലൊരിക്കലെങ്കിലും ഡോക്ടറെ കണ്ട് സ്തനാരോഗ്യത്തെക്കുറിച്ച് സംസാരിക്കുക.

ഓർക്കുക: സ്തനത്തിൽ ഉണ്ടാകുന്ന എല്ലാ മുഴകളും കാൻസറാകണമെന്നില്ല. എന്നാൽ, ഏതെങ്കിലും പുതിയ മാറ്റങ്ങൾ ശ്രദ്ധയിൽപ്പെട്ടാൽ ഉടൻ ഒരു ഓങ്കോളജിസ്റ്റിന്റെ ഉപദേശം തേടേണ്ടത് അത്യാവശ്യമാണ്.

(എഴുതിയത്: ഡോ. മുഹമ്മദ് ഷാഫി കെ., സീനിയർ സ്പെഷ്യലിസ്റ്റ് - ഓങ്കോളജി, Aster MIMS Kottakal)

കൂടുതൽ വിവരങ്ങൾക്ക്:9645000696