ഗർഭകാല പ്രമേഹം ഉണ്ടായിരുന്ന അമ്മമാരിൽ കൊളസ്ട്രോൾ അളവ് കുറയ്ക്കാൻ മുലയൂട്ടൽ സഹായിക്കുമെന്ന് പഠനം

ഗർഭകാല പ്രമേഹം ഉണ്ടായിരുന്ന സ്ത്രീകൾക്ക് പിൽക്കാലത്ത് ടൈപ്പ് 2 പ്രമേഹം, അസാധാരണമായ കൊളസ്ട്രോൾ നില, ഹൃദ്രോഗം എന്നിവ വരാനുള്ള സാധ്യത കൂടുതലാണ്.

ഗർഭകാല പ്രമേഹം ഉണ്ടായിരുന്ന അമ്മമാരിൽ കൊളസ്ട്രോൾ, ട്രൈഗ്ലിസറൈഡ് എന്നിവയുടെ അളവ് കുറയ്ക്കാൻ മുലയൂട്ടൽ സഹായിക്കുമെന്ന് പഠനം. ഗർഭകാല പ്രമേഹം ബാധിക്കുന്ന സ്ത്രീകൾ, കുഞ്ഞ് ജനിക്കുകയും രക്തത്തിലെ പഞ്ചസാരയുടെ അളവ് സാധാരണ നിലയിലാകുകയും ചെയ്യുന്നതോടെ ആ അവസ്ഥ അവസാനിക്കുമെന്ന് കരുതുന്നു. എന്നാൽ, ഗർഭകാല പ്രമേഹത്തിന്റെ പ്രത്യാഘാതങ്ങൾ പ്രസവാനന്തരവും തുടരാമെന്ന് ​ഗവേഷകർ പറയുന്നു.

ഗർഭകാല പ്രമേഹം ഉണ്ടായിരുന്ന സ്ത്രീകൾക്ക് പിൽക്കാലത്ത് ടൈപ്പ് 2 പ്രമേഹം, അസാധാരണമായ കൊളസ്ട്രോൾ നില, ഹൃദ്രോഗം എന്നിവ വരാനുള്ള സാധ്യത കൂടുതലാണ്. കൂടാതെ, പ്രസവാനന്തരം ഏതാനും ആഴ്ചകൾക്കുള്ളിൽ തന്നെ രക്തത്തിലെ കൊഴുപ്പിന്റെ അളവിൽ മാറ്റങ്ങൾ ഉണ്ടാകാനും സാധ്യതയുണ്ടെന്ന് 'JAMA നെറ്റ്‌വർക്ക് ഓപ്പൺ' (JAMA Network Open) എന്ന ജേണലിൽ പ്രസിദ്ധീകരിച്ച പഠനത്തിൽ പറയുന്നു. ഇത്തരം സ്ത്രീകളിൽ മുലയൂട്ടൽ ആരോഗ്യകരമായ കൊളസ്ട്രോൾ, ട്രൈഗ്ലിസറൈഡ് നില എന്നിവയുടെ അളവ് കുറയ്ക്കാൻ സഹായിക്കുന്നതായി ​ഗവേഷകർ പറയുന്നു.

കൂടുതൽ തീവ്രമായി മുലയൂട്ടിയ സ്ത്രീകളിൽ ട്രൈഗ്ലിസറൈഡ് അളവ് കുറവാണെന്നും, 'നല്ല' കൊളസ്ട്രോൾ എന്ന് അളവ് കൂടുതലാണെന്നും, എൽ.ഡി.എൽ (LDL), എച്ച്.ഡി.എൽ (HDL) കൊളസ്ട്രോളുകൾ തമ്മിലുള്ള അനുപാതം കൂടുതൽ അനുകൂലമാണെന്നും പഠനം സൂചിപ്പിക്കുന്നു. ഗർഭകാല പ്രമേഹം ബാധിക്കുകയും പ്രസവശേഷം ആറ് മുതൽ ഒമ്പത് വരെ ആഴ്ചകൾക്കുള്ളിൽ മെറ്റബോളിക് പരിശോധനയ്ക്ക് വിധേയരാവുകയും ചെയ്ത ജപ്പാനിലെ 470 സ്ത്രീകളെയാണ് ഈ പഠനത്തിൽ ഉൾപ്പെടുത്തിയത്. കുഞ്ഞുങ്ങൾക്ക് നൽകുന്ന മുലപ്പാലിന്റെ അളവും അമ്മമാരുടെ രക്തത്തിലെ ലിപിഡ് (കൊഴുപ്പ്) അളവും തമ്മിലുള്ള ബന്ധം ഗവേഷകർ പരിശോധിച്ചു.

ഗർഭകാലത്ത് ഉണ്ടാകുന്ന പ്രമേഹമാണ് ഗർഭകാല പ്രമേഹം. പ്രസവശേഷം രക്തത്തിലെ പഞ്ചസാര സാധാരണ നിലയിലാകുമെങ്കിലും, ഗർഭകാല പ്രമേഹം സൂചിപ്പിക്കുന്നത് ശരീരത്തിന് ഇൻസുലിൻ സംവേദനക്ഷമത, ഗ്ലൂക്കോസ് മെറ്റബോളിസം എന്നിവയിൽ അടിസ്ഥാനപരമായ പ്രശ്നങ്ങൾ ഉണ്ടാകാമെന്നാണ്.

ഗർഭകാല പ്രമേഹം ഉണ്ടായിരുന്ന സ്ത്രീകൾക്ക് പിന്നീടുള്ള ജീവിതത്തിൽ ടൈപ്പ് 2 പ്രമേഹവും ഹൃദയ സംബന്ധമായ പ്രശ്നങ്ങളും ഉണ്ടാകാനുള്ള സാധ്യത കൂടുതലാണ്. ഗർഭകാല പ്രമേഹം ഉണ്ടായിരുന്ന അമ്മമാർക്ക് പ്രസവശേഷമുള്ള ആദ്യഘട്ടത്തിൽ മുലയൂട്ടൽ അധികമായ ഒരു മെറ്റബോളിക് ഗുണം നൽകിയേക്കാമെന്ന് പഠനഫലങ്ങൾ സൂചിപ്പിക്കുന്നു.