ഈ ചായ കുടിക്കാറുണ്ടോ? വൃക്കയിലെ കല്ലുകൾ, ഫാറ്റി ലിവർ എന്നിവയ്ക്ക് കാരണമാകുമെന്ന് പഠനം

ചെറിയ കുട്ടികൾക്ക് മുത്തുകൾ വിഴുങ്ങുന്നത് ശ്വാസംമുട്ടലിന് കാരണമാകുമെന്ന് പഠനം പറയുന്നു. സ്‌ട്രോകളിലൂടെ ബബിൾ ടീ കുടിച്ചമ്പോൾ ശ്വാസംമുട്ടൽ ഉണ്ടാകാനുള്ള സാധ്യത കൂടുതാണെന്ന് പഠനം പറയുന്നു.

ബബിൾ ടീ കുടിക്കുന്നത് വൃക്കയിലെ കല്ലുകൾ, ഫാറ്റി ലിവർ എന്നിവയ്ക്ക് കാരണമാകുമെന്ന് പുതിയ പഠനം. ബോബ ടീ അഥവാ ബബിൾ ടീയുടെ ഉത്ഭവം 1980-ൽ തായ് വാനിലാണ്. തായ് ഭാഷയിൽ നിന്നാണ് ബോബ എന്ന വാക്ക് വന്നത്. മരച്ചീനിയുടെ സ്റ്റാർച്ചിൽ നിന്നുണ്ടാക്കുന്ന ചെറിയ മുത്തുകൾ പോലെയുള്ള ബോളുകളാണ് ബോബ.

ബോബ ബോളുകൾ ദഹിക്കാനും ചവയ്ക്കാനും എളുപ്പമുള്ളതാണ്. ബബിൾ ടീ, പേൾ മിൽക്ക് ടീ എന്നീ പേരുകളിലും ബോബ ടീ അറിയപ്പെടുന്നു. സാധാരണ പാൽചായയിലും മറ്റു ഫ്‌ളേവറുകൾ ചേർത്തും ബോബ ടീ ഉണ്ടാക്കാം. ഇന്ന് ലോകം മുഴുവൻ പ്രസിദ്ധമായ ഒരു പാനീയമാണ് ബോബ ടീ.

മരച്ചീനി അടിസ്ഥാനമാക്കിയുള്ള ഭക്ഷണങ്ങൾ വളരെ പരിമിതമായ പോഷകമൂല്യം മാത്രമേ നൽകുന്നുള്ളൂ എന്ന് ഫുഡ് സയൻസ് ആൻഡ് ന്യൂട്രീഷനിൽ പ്രസിദ്ധീകരിച്ച പഠനത്തിൽ പറയുന്നു. മരച്ചീനി ചെടിയിൽ നിന്ന് ഉരുത്തിരിഞ്ഞ മരച്ചീനി മുത്തുകളും ഇതിൽ ഉൾപ്പെടുന്നു. 

ഒരു കപ്പ് ഉണങ്ങിയ മരച്ചീനി മുത്തുകളിൽ 544 കലോറി അടങ്ങിയിട്ടുണ്ടെന്ന് യുഎസ്ഡിഎ ഡാറ്റ വ്യക്തമാക്കുന്നു. ബബിൾ ടീ പതിവായി കഴിക്കുമ്പോൾ മലബന്ധം കൂടുതൽ വഷളാക്കും.

ചെറിയ കുട്ടികൾക്ക് മുത്തുകൾ വിഴുങ്ങുന്നത് ശ്വാസംമുട്ടലിന് കാരണമാകുമെന്ന് പഠനം പറയുന്നു. സ്‌ട്രോകളിലൂടെ ബബിൾ ടീ കുടിച്ചമ്പോൾ ശ്വാസംമുട്ടൽ ഉണ്ടാകാനുള്ള സാധ്യത കൂടുതാണെന്ന് പഠനം പറയുന്നു. അമിതമായ പഞ്ചസാര കഴിക്കുന്നത് പല്ല് ക്ഷയം പോലുള്ള ദന്ത പ്രശ്നങ്ങൾക്ക് കാരണമാകുമെന്ന് തായ്‌വാനിൽ നടത്തിയ പഠനങ്ങൾ തെളിയിച്ചിട്ടുണ്ട്.

യുവാക്കൾക്കിടയിൽ പൊണ്ണത്തടി നിരക്ക് വർദ്ധിക്കുന്നതിന് കാരണമാകുന്ന ഒരു ഘടകമായി ബബിൾ ടീയെ പോലും ചൂണ്ടിക്കാണിച്ചിട്ടുണ്ട്. കാലക്രമേണ, ഉയർന്ന പഞ്ചസാര ഉപഭോഗം ടൈപ്പ് 2 പ്രമേഹത്തിനും ഫാറ്റി ലിവർ രോഗത്തിനും സാധ്യത വർദ്ധിപ്പിക്കുന്നു. ഇവ രക്തത്തിലെ ഗ്ലൂക്കോസിന്റെ പതിവ് വർദ്ധനവും കരളിൽ കൊഴുപ്പ് സംഭരണവും മൂലമാണ് ഉണ്ടാകുന്നത്. ബബിൾ ടീ പലർക്കും ഇടയിൽ ഒരു പഞ്ചസാര പാനീയം മാത്രമാണെങ്കിലും, കുട്ടികൾക്കും കൗമാരക്കാർക്കും ഇടയിൽ ഇതിന്റെ ജനപ്രീതി ശ്രദ്ധ അർഹിക്കുന്നു എന്നാണ് അർത്ഥമാക്കുന്നത്.

ബബിൾ ടീയിലെ ഉയർന്ന അളവിലുള്ള ഓക്സലേറ്റ്, ഫോസ്ഫേറ്റ് എന്നിവയുൾപ്പെടെയുള്ള ചില ചേരുവകൾ വൃക്കയിലെ കല്ലുകൾ രൂപപ്പെടുന്നതിന് കാരണമാകുമെന്ന് ​ഗവേഷകർ പറയുന്നു. കുട്ടികളിലും മുതിർന്നവരിലും, പതിവായി ബബിൾ ടീ കഴിക്കുന്നത് ഉയർന്ന ഉത്കണ്ഠ, വിഷാദം, ക്ഷീണം എന്നിവയുമായി ബന്ധപ്പെട്ടിരിക്കുന്നു.