ഈ പാനീയങ്ങൾ പതിവാക്കൂ, തിളക്കമുള്ള ചര്‍മ്മം സ്വന്തമാക്കാം

പ്രകൃതിദത്തവും കൊളാജൻ വർദ്ധിപ്പിക്കുന്നതുമായ പാനീയങ്ങൾ ഉള്ളിൽ നിന്ന് ചർമ്മത്തിന്റെ ആരോഗ്യത്തെ പിന്തുണയ്ക്കുന്നതിനുള്ള എളുപ്പവും ഫലപ്രദവുമായ മാർഗമാണ്. 

തിളക്കമുള്ളതും യുവത്വമുള്ളതുമായ ചർമ്മം ലഭിക്കാൻ ഭക്ഷണക്രമം പ്രധാന പങ്കാണ് വഹിക്കുന്നത്. കൊളാജൻ അളവ് വർദ്ധിപ്പിക്കുന്നത് നേർത്ത വരകൾ, ചുളിവുകൾ എന്നിവ കുറയ്ക്കാൻ സഹായിക്കും. ക്രീമുകളും സെറമുകളും ഉപരിതലത്തിൽ സഹായിക്കുമെങ്കിലും, പോഷകാഹാരം പിന്നിൽ വളരെ വലിയ പങ്ക് വഹിക്കുന്നു.

പ്രകൃതിദത്തവും കൊളാജൻ വർദ്ധിപ്പിക്കുന്നതുമായ പാനീയങ്ങൾ ഉള്ളിൽ നിന്ന് ചർമ്മത്തിന്റെ ആരോഗ്യത്തെ പിന്തുണയ്ക്കുന്നതിനുള്ള എളുപ്പവും ഫലപ്രദവുമായ മാർഗമാണ്. അവ ചർമ്മത്തിന്റെ ഇലാസ്തികത നിലനിർത്താൻ സഹായിക്കുകയും ശരീരത്തിന് ആവശ്യമായ പോഷകങ്ങൾ നൽകുകയും ചെയ്യുന്നു.

ഓറൽ കൊളാജൻ കഴിക്കുന്നത് ചർമ്മത്തിന്റെ ഘടനയെയും ജലാംശത്തെയും പിന്തുണയ്ക്കുന്നതിലൂടെ ചർമ്മത്തിന്റെ വാർദ്ധക്യത്തിന്റെ ദൃശ്യമായ ലക്ഷണങ്ങൾ വൈകിപ്പിക്കാൻ സഹായിക്കുമെന്ന് 2022-ൽ ഡെർമറ്റോളജി പ്രാക്ടിക്കൽ ആൻഡ് കൺസെപ്ച്വലിൽ പ്രസിദ്ധീകരിച്ച പഠനത്തിൽ പറയുന്നു. തിളക്കമുള്ള ചർമ്മം ലഭിക്കുന്നതിവായി കുടിക്കേണ്ട കൊളാൻ അടങ്ങിയ പാനീങ്ങളെ കുറിച്ചാണ് ഇനി പറയുന്നത്...

മാതള നാരങ്ങ ജ്യൂസ്

ചർമ്മകോശങ്ങളെ സംരക്ഷിക്കുകയും കൊളാജൻ പ്രവർത്തനത്തെ പിന്തുണയ്ക്കുകയും ചെയ്യുന്ന ആന്റിഓക്‌സിഡന്റുകളാൽ സമ്പുഷ്ടമാണ് മാതളനാരങ്ങ.

ക്യാരറ്റ് ജ്യൂസ്

ക്യാരറ്റ് ജ്യൂസ് വെറും വയറ്റിൽ കുടിക്കുന്നത് ചർമ്മത്തിന്റെ വെളുപ്പ് വർദ്ധിപ്പിക്കാനും, ടാനിംഗ് കുറയ്ക്കാനും, 3–4 ആഴ്ചകൾക്കുള്ളിൽ നിറം മെച്ചപ്പെടുത്താനും സഹായിക്കും. ബീറ്റാ കരോട്ടിൻ, വിറ്റാമിൻ എ, പൊട്ടാസ്യം എന്നിവയാൽ സമ്പുഷ്ടമായ ഈ പോഷകസമൃദ്ധമായ പാനീയം പിഗ്മെന്റേഷൻ കുറയ്ക്കുകയും, യുവി കേടുപാടുകളിൽ നിന്ന് സംരക്ഷിക്കുകയും ചെയ്യുന്നു.

ബെറി സിട്രസ് കൊളാജൻ സ്മൂത്തി

വിവിധ ബെറിപ്പഴങ്ങൾ പതിവായി കുടിക്കുന്നത് ചർമ്മത്തെ സംരക്ഷിക്കും.ബെറി ജ്യൂസിൽ അൽപം കരിക്കിൻ വെള്ളം കുടി ചേർത്ത് കഴിക്കുന്നത് ചർമ്മത്തെ സംരക്ഷിക്കും.

തണ്ണിമത്തൻ - നാരങ്ങ ജ്യൂസ്

തണ്ണിമത്തനും നാരങ്ങ നീര് ചേർത്ത ജ്യൂസ് കഴിക്കുന്നത് ചർമ്മത്തിന്റെ ആരോ​ഗ്യത്തിന് സഹായിക്കും. മെലാനിനെ തടയുന്ന വിറ്റാമിൻ സി, മൃതകോശങ്ങളെ സൌമ്യമായി പുറംതള്ളുന്ന പ്രകൃതിദത്ത ആസിഡുകൾ (മാലിക്/സിട്രിക്) എന്നിവയിലൂടെ തണ്ണിമത്തൻ ചർമ്മത്തിന് തിളക്കവും മങ്ങൽ പാടുകളും നൽകി ചർമ്മത്തെ വെളുപ്പിക്കുന്നു.