ബ്രെസ്റ്റ് ക്യാന്സര്; സ്ത്രീകള് അവഗണിക്കാന് പാടില്ലാത്ത മൂന്ന് ലക്ഷണങ്ങള്
Synopsis
പല കാരണങ്ങള് കൊണ്ടും സ്തനാര്ബുദം ഉണ്ടാകാം. സ്ത്രീകള് അവഗണിക്കാന് പാടില്ലാത്ത സ്തനാര്ബുദത്തിന്റെ ചില ലക്ഷണങ്ങള് എന്തൊക്കെയാണെന്ന് നോക്കാം.
സ്ത്രീകളിലെ അര്ബുദങ്ങളില് ഏറ്റവും വ്യാപകമായ ക്യാന്സറാണ് സ്തനാര്ബുദം. പല കാരണങ്ങള് കൊണ്ടും സ്തനാര്ബുദം ഉണ്ടാകാം. സ്ത്രീകള് അവഗണിക്കാന് പാടില്ലാത്ത സ്തനാര്ബുദത്തിന്റെ ചില ലക്ഷണങ്ങള് എന്തൊക്കെയാണെന്ന് നോക്കാം.
1. സ്തനങ്ങളിലെ മുഴ
സ്തനങ്ങളിൽ മുഴ, സ്തനങ്ങളില് വേദന, സ്തനങ്ങളില് ചുറ്റും ചൊറിച്ചില് അനുഭവപ്പെടുക തുടങ്ങിയവ ചിലപ്പോള് സ്തനാര്ബുദത്തിന്റെ സൂചനയാകാം.
2. സ്തനങ്ങളിലെ വലിപ്പം മാറ്റം
സ്തനങ്ങളിലെ ആകൃതിയിൽ മാറ്റം വരുക, ഒരു സ്തനത്തിന് മാത്രമായി വലിപ്പം വയ്ക്കുകയും, ഞരമ്പുകള് തെളിഞ്ഞു കാണുകയും, സ്തന ചര്മ്മത്തിന് മാറ്റമുണ്ടാവുകയും ചെയ്യുന്നത് ചിലപ്പോഴൊക്കെ സ്തനാര്ബുദവുമായി ബന്ധപ്പെട്ടിരിക്കുന്നു.
3. മുലക്കണ്ണില് നിന്ന് രക്തം വരുക
മുലക്കണ്ണിനു ചുറ്റുമുള്ള ചർമ്മങ്ങൾ ഇളകിപ്പോകുക, മുലക്കണ്ണില് നിന്ന് രക്തം വരുക, മുലക്കണ്ണ് അകത്തേക്ക് വലിഞ്ഞ് പോകുന്ന അവസ്ഥ, മുലക്കണ്ണില് വേദന തുടങ്ങിയവയെല്ലാം ചിലപ്പോള് രോഗത്തിന്റെ ലക്ഷണങ്ങളാകാം.
ശരീരത്തില് പ്രകടമാകുന്ന ഇത്തരത്തിലുള്ള സ്തനാര്ബുദ സൂചനകള് ആരംഭത്തിലെ കണ്ടെത്താന് സ്വയം പരിശോധന നടത്താം എന്നാണ് ഡോക്ടര്മാര് പറയുന്നത്. ഇതിനായി കണ്ണാടിക്ക് മുമ്പില് നിന്നു കൊണ്ട് ഇരു മാറുകളും പരിശോധിക്കാം. തടിപ്പുകളോ കല്ലിപ്പോ മുഴകളോ ഉണ്ടോ എന്നാണ് പരിശോധിക്കേണ്ടത്. സ്ത്രീകള് ആറ് മാസത്തിലൊരിക്കലോ, വര്ഷത്തിലൊരിക്കലെങ്കിലും സ്തനാര്ബുദമില്ലെന്ന് മെഡിക്കല് പരിശോധനയിലൂടെ ഉറപ്പ് വരുത്തുന്നതും നല്ലതാണ്.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam