മഴക്കാലത്ത് നേത്രരോഗങ്ങൾ പിടിപെടാതിരിക്കാൻ ശ്രദ്ധിക്കേണ്ട ആറ് കാര്യങ്ങൾ

മഴക്കാലത്ത് ഏറ്റവും സാധാരണമായി കണ്ടുവരുന്ന പകർച്ചവ്യാധിയാണ് കൺജങ്ക്റ്റിവിറ്റിസ്. കണ്ണ് ചുവക്കുക, ചൊറിച്ചിൽ, കൺപോളകൾ ഒട്ടിപ്പിടിക്കുക എന്നിവയാണ് പ്രധാന ലക്ഷണങ്ങൾ.

മഴക്കാലത്ത് അന്തരീക്ഷത്തിലെ ഈർപ്പം വർദ്ധിക്കുന്നതും, അഴുക്കുവെള്ളം കെട്ടിക്കിടക്കുന്നതും മൂലം ബാക്ടീരിയ, വൈറസ്, ഫംഗസ് എന്നിവ എളുപ്പത്തിൽ പടരുന്നു. ഇത് കണ്ണുകളിൽ അണുബാധയുണ്ടാകാൻ പ്രധാന കാരണമാകുന്നു. മഴക്കാലത്ത് ഏറ്റവും സാധാരണമായി കണ്ടുവരുന്ന പകർച്ചവ്യാധിയാണ് കൺജങ്ക്റ്റിവിറ്റിസ്. കണ്ണ് ചുവക്കുക, ചൊറിച്ചിൽ, കൺപോളകൾ ഒട്ടിപ്പിടിക്കുക എന്നിവയാണ് പ്രധാന ലക്ഷണങ്ങൾ.

മഴക്കാലത്ത് നേത്രരോഗങ്ങൾ പിടിപെടാതിരിക്കാൻ ശ്രദ്ധിക്കേണ്ട ചില കാര്യങ്ങൾ

ഒന്ന്

സോപ്പും വെള്ളവും ഉപയോഗിച്ച് പതിവായി കൈ കഴുകുന്നത് പ്രതിരോധത്തിന്റെ ആദ്യ മാർഗമാണ്. മുഖത്ത് അറിയാതെ തൊടുമ്പോൾ അണുക്കൾ കണ്ണുകളിൽ പ്രവേശിക്കുന്നത് തടയാൻ ഇത് സഹായിക്കുന്നു. അണുബാധയുള്ള കൈകൾ കൊണ്ട് കണ്ണിൽ തൊടുന്നത് രോഗം കൂടുതൽ വഷളാക്കും.

രണ്ട്

കണ്ണുകൾ തൊടുകയോ തിരുമ്മുകയോ ചെയ്യുന്നത് ഒഴിവാക്കുക. കണ്ണുകൾ തിരുമ്മുന്നത് ബാക്ടീരിയകളെയും വൈറസുകളെയും നേരിട്ട് കൈമാറും, ഇത് അണുബാധയ്ക്കുള്ള സാധ്യത വർദ്ധിപ്പിക്കും.

മൂന്ന്

വൃത്തിയുള്ള തൂവാലകൾ ഉപയോഗിക്കുക. ടവലുകൾ, തൂവാലകൾ, മേക്കപ്പ് ഐറ്റംസ് എന്നിവ ഒരിക്കലും പങ്കിടരുത്. വ്യക്തിഗത ശുചിത്വ ഇനങ്ങൾ വേർതിരിച്ച് സൂക്ഷിക്കുന്നത് ഇൻഫെക്ഷൻ സാധ്യത കുറയ്ക്കുന്നു. ‍

നാല്

സൺഗ്ലാസുകളോ കണ്ണടകളോ ഉപയോഗിക്കുന്നത് മഴക്കാലത്ത് പൊടി, മലിനമായ വെള്ളം തെറിക്കുന്നത്, വായുവിലൂടെയുള്ള അണുബാധ എന്നിവയിൽ നിന്ന് കണ്ണുകളെ സംരക്ഷിക്കും.

അഞ്ച്

ശുദ്ധജലം ഉപയോഗിച്ച് കണ്ണുകൾ സൗമ്യമായി കഴുകുക. ഡോക്ടറുടെ നിർദേശമില്ലാതെ ഏതെങ്കിലും തുള്ളി മരുന്നുകൾ ഉപയോഗിക്കുന്നത് ഒഴിവാക്കുക.

ആറ്

മലിനമായ വെള്ളത്തിൽ നീന്തുന്നത് ഒഴിവാക്കുക. കെട്ടിക്കിടക്കുന്നതോ മഴവെള്ളക്കുഴികളിലോ ബാക്ടീരിയകളും വൈറസുകളും ഉണ്ടാകാം, ഇത് കൺജങ്ക്റ്റിവിറ്റിസ് ഉൾപ്പെടെയുള്ള ഗുരുതരമായ നേത്ര അണുബാധകൾക്ക് കാരണമാകും.