കീറ്റോ ഡയറ്റ് എടുക്കുന്നവരാണോ? സൂക്ഷിച്ചോളൂ, പണി കിട്ടും

എലികളിൽ നടത്തിയ ഒരു ദീർഘകാല പരീക്ഷണത്തിൽ കീറ്റോ ശരീരഭാരം വർദ്ധിക്കുന്നത് തടയുന്നുണ്ടെങ്കിലും കരളിൽ ഗണ്യമായ കൊഴുപ്പ് അടിഞ്ഞുകൂടാൻ ഇത് കാരണമാകുമെന്ന് ശാസ്ത്രജ്ഞർ നിരീക്ഷിച്ചു.  

ഉയർന്ന അളവിൽ കൊഴുപ്പ് അടങ്ങിയതും വളരെ കുറച്ച് കാർബോഹൈഡ്രേറ്റ് അടങ്ങിയതുമായ കീറ്റോജെനിക് (കീറ്റോ) ഡയറ്റ് വേഗത്തിലുള്ള ശരീരഭാരം കുറയ്ക്കൽ ഫലങ്ങൾക്കും ജനപ്രീതി നേടിയ ഡയറ്റാണ്. 1920 കളിൽ അപസ്മാരത്തിനുള്ള ചികിത്സയായി ആദ്യം വികസിപ്പിച്ചെടുത്ത ഇത് പിന്നീട് ശരീരഭാരം നിയന്ത്രിക്കുന്നതിനും പ്രമേഹ പരിചരണത്തിനും പൊതുവായ ഫിറ്റ്നസിനും വ്യാപകമായി സ്വീകരിക്കപ്പെട്ടു.

എന്നാൽ, കീറ്റോ ഡയറ്റിന് ആരോ​ഗ്യ​ഗുണങ്ങൾ മാത്രമല്ല ചില ദോഷവശങ്ങൾ കൂടിയുണ്ട്. കീറ്റോ ഡയറ്റ് ഫാറ്റി ലിവറിന് കാരണമെന്ന് പുതിയ പഠനത്തിൽ പറയുന്നു. യൂണിവേഴ്സിറ്റി ഓഫ് യൂട്ടാ ഹെൽത്തിലെ ഗവേഷകർ സയൻസ് അഡ്വാൻസസിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്.

എലികളിൽ നടത്തിയ ഒരു ദീർഘകാല പരീക്ഷണത്തിൽ കീറ്റോ ശരീരഭാരം വർദ്ധിക്കുന്നത് തടയുന്നുണ്ടെങ്കിലും കരളിൽ ഗണ്യമായ കൊഴുപ്പ് അടിഞ്ഞുകൂടാൻ ഇത് കാരണമാകുമെന്ന് ശാസ്ത്രജ്ഞർ നിരീക്ഷിച്ചു. ഫാറ്റി ലിവർ ഡിസീസ് (ഹെപ്പാറ്റിക് സ്റ്റീറ്റോസിസ്) രോ​ഗത്തിനുള്ള സാധ്യത കൂട്ടുന്നു.

പാശ്ചാത്യ ഭക്ഷണക്രമവുമായി താരതമ്യപ്പെടുത്തുമ്പോൾ കീറ്റോ ഡയറ്റ് ശരീരഭാരം വർദ്ധിക്കുന്നത് ഗണ്യമായി തടയുന്നു. ശരീരഭാരം കുറവായിരുന്നിട്ടും, കീറ്റോജെനിക് ഡയറ്റിലെ എലികൾക്ക് ഫാറ്റി ലിവർ രോഗം വികസിക്കുന്നത് കാണാനായി. കരൾ കോശങ്ങളിൽ അമിതമായ കൊഴുപ്പ് അടിഞ്ഞുകൂടുന്നത് കണ്ടെത്താനായി. ആൺ എലികളിൽ കരൾ പ്രവർത്തനം പ്രത്യേകിച്ച് തകരാറിലായിരുന്നു. സ്ത്രീകളേക്കാൾ കൂടുതൽ കഠിനമായ കൊഴുപ്പ് അടിഞ്ഞുകൂടൽ കാണിച്ചു.

ശരീരഭാരം നിയന്ത്രിക്കുന്നുണ്ടെങ്കിലും, വളരെ ഉയർന്ന കൊഴുപ്പ് അടങ്ങിയ കീറ്റോജെനിക് ഡയറ്റ്, വിട്ടുമാറാത്ത അവസ്ഥകളിൽ ഫാറ്റി ലിവർ രോഗത്തിനും രക്തത്തിലെ പഞ്ചസാരയുടെ നിയന്ത്രണം തകരാറിലാകുന്നതിനും കാരണമാകുമെന്നാണ് ​പഠനത്തിൽ പറയുന്നു.

കീറ്റോ ഡയറ്റു പോലുളള ഭക്ഷണക്രമം ഹൃദയ സംബന്ധമായ അസുഖങ്ങള്‍ക്ക് കാരണമാകുമെന്നും മറ്റൊരു പഠനത്തിൽ പറയുന്നു. അമേരിക്കന്‍ കോളേജ് ഓഫ് കാര്‍ഡിയോളജിസ്റ്റിന്റെ വാര്‍ഷിക ശാസ്ത്ര സെഷനില്‍ അവതരിപ്പിച്ച പഠനപ്രകാരം, കീറ്റോ പോലുള്ള ഭക്ഷണക്രമം ചീത്ത കൊളസ്‌ട്രോളിന്റെ അളവ് വര്‍ദ്ധിപ്പിക്കുമെന്നാണ് കണ്ടെത്തിയിരിക്കുന്നത്.