കുട്ടികൾക്ക് ആവശ്യത്തിന് വിറ്റാമിൻ ഡി ലഭിക്കുന്നുണ്ടോ? ഈ ഭക്ഷണങ്ങൾ നൽകൂ

ചെറുപ്പത്തിൽ തന്നെ ആരോഗ്യകരമായ ഭക്ഷണശീലം അവരിൽ വളർത്തിയെടുക്കേണ്ടത് പ്രധാനമാണ്. കുട്ടികൾക്ക് ഏതൊക്കെ പോഷകങ്ങളാണ് വേണ്ടതെന്ന് മാതാപിതാക്കൾക്ക് വ്യക്തമായ ധാരണയുണ്ടായിരിക്കണം.

കുട്ടികളുടെ ആരോഗ്യത്തിനും വളർച്ചയ്ക്കും ആവശ്യമായ, എല്ലാ പോഷകങ്ങളും അടങ്ങിയ സമീകൃതാഹാരം നൽകാൻ ശ്രദ്ധിക്കേണ്ടതുണ്ട്. ചെറുപ്പത്തിൽ തന്നെ ആരോഗ്യകരമായ ഭക്ഷണശീലം അവരിൽ വളർത്തിയെടുക്കേണ്ടത് പ്രധാനമാണ്. കുട്ടികൾക്ക് ഏതൊക്കെ പോഷകങ്ങളാണ് വേണ്ടതെന്ന് മാതാപിതാക്കൾക്ക് വ്യക്തമായ ധാരണയുണ്ടായിരിക്കണം. വിറ്റാമിൻ ഡി അത്തരത്തിലുള്ള ഒരു പോഷകമാണ്. എന്നാൽ

മറ്റ് പോഷകങ്ങളെപ്പോലെ, വിറ്റാമിൻ ഡിയുടെ ഉറവിടം ഭക്ഷണം മാത്രമല്ല. സൂര്യപ്രകാശം ഏൽക്കുമ്പോൾ മനുഷ്യശരീരം ഇത് ഉത്പാദിപ്പിക്കുന്നു. രോഗങ്ങളെ തടയാനും, പ്രായമാകുമ്പോൾ എല്ലുകളെ ബലപ്പെടുത്താനും, ശരീരഭാരം നിയന്ത്രിക്കാനും കുട്ടികൾക്കും മുതിർന്നവർക്കും ഈ വിറ്റാമിൻ ആവശ്യമാണ്. വിറ്റാമിൻ ഡിയുടെ കുറവ് ഇന്ന് ഒരു സാധാരണ പ്രശ്നമാണ്. പേശികളുടെ ബലക്കുറവ്, സന്ധിവേദന തുടങ്ങിയ ആരോഗ്യപ്രശ്നങ്ങളെക്കുറിച്ച് പലരും പരാതിപ്പെടുന്നു. ജീവിതശൈലിയിലെ ചില മാറ്റങ്ങളിലൂടെയും സമീകൃതാഹാരത്തിലൂടെയും നമുക്ക് ഈ പ്രശ്നം പരിഹരിക്കാനാകും.

വിറ്റാമിൻ ഡിയുടെ അളവ് കൂട്ടാൻ ഈ ഭക്ഷണങ്ങൾ കഴിക്കൂ

കുട്ടികൾക്ക് മുട്ട, ചീര, കൂൺ, സാൽമൺ മത്സ്യം, പാൽ, മറ്റ് ക്ഷീര ഉത്പന്നങ്ങൾ, ഓറഞ്ച് എന്നിവ നൽകുന്നുണ്ടെന്ന് ഉറപ്പാക്കുക. ഈ ഭക്ഷണങ്ങൾ കഴിക്കുന്നത് ശരീരത്തിൽ വിറ്റാമിൻ ഡിയുടെ അളവ് കൂട്ടാൻ സഹായിക്കുന്നു. കൂടാതെ കുട്ടികളുടെ മൊത്തത്തിലുള്ള ആരോഗ്യത്തിനും വളർച്ചയ്ക്കും ഇത് സഹായിക്കും. അതേസമയം പുറത്ത് കളിക്കാനും സൂര്യപ്രകാശം കൊള്ളാനും അവരെ പ്രോത്സാഹിപ്പിക്കുക. ഇത് അവരുടെ ശരീരത്തിലെ വിറ്റാമിൻ ഡി അളവ് മെച്ചപ്പെടുത്താൻ സഹായിക്കുന്നു.