വൃക്കകളെ കാക്കാൻ കഴിക്കേണ്ട അഞ്ച് ഭക്ഷണങ്ങൾ

തണ്ണിമത്തന്റെ സ്വാഭാവിക ഡൈയൂററ്റിക് ഗുണങ്ങൾ വൃക്കകളെ വിഷവിമുക്തമാക്കുകയും മൂത്രോത്പാദനം വർദ്ധിപ്പിക്കുകയും ചെയ്യുന്നു, ഇത് മൂത്രവ്യവസ്ഥയെ ശുദ്ധീകരിക്കാൻ സഹായിക്കുന്നു, വൃക്കയിലെ കല്ലുകൾ ഉണ്ടാകാനുള്ള സാധ്യത കുറയ്ക്കുന്നു.  

ശരീരത്തിലെ ഏറ്റവും പ്രധാനപ്പെട്ട അവയവങ്ങളിലൊന്നാണ് വൃക്കകൾ. രക്തം ഫിൽട്ടർ ചെയ്യുക, ശരീരത്തിൽ നിന്ന് എല്ലാ മാലിന്യങ്ങളും വിഷവസ്തുക്കളും നീക്കം ചെയ്യുക, ദ്രാവകത്തിന്റെയും ധാതുക്കളുടെയും സന്തുലിതാവസ്ഥ നിലനിർത്തുക എന്നിവയ്ക്ക് വൃക്കകൾ സഹായിക്കുന്നു. മദ്യം, മോശം ജീനുകൾ, മറ്റ് ജീവിതശൈലി ഘടകങ്ങൾ എന്നിവ വൃക്കകളുടെ പ്രവർത്തനം കാലക്രമേണ തകരാറിലായേക്കാം. ഇത് വിട്ടുമാറാത്ത വൃക്ക രോഗത്തിലേക്ക് (CKD) നയിച്ചേക്കാം. വൃക്കകളെ കാക്കാൻ കഴിക്കേണ്ട അഞ്ച് ഭക്ഷണങ്ങളെ കുറിച്ചാണ് ഇനി പറയുന്നത്...

തണ്ണിമത്തൻ

തണ്ണിമത്തന്റെ സ്വാഭാവിക ഡൈയൂററ്റിക് ഗുണങ്ങൾ വൃക്കകളെ വിഷവിമുക്തമാക്കുകയും മൂത്രോത്പാദനം വർദ്ധിപ്പിക്കുകയും ചെയ്യുന്നു, ഇത് മൂത്രവ്യവസ്ഥയെ ശുദ്ധീകരിക്കാൻ സഹായിക്കുന്നു, വൃക്കയിലെ കല്ലുകൾ ഉണ്ടാകാനുള്ള സാധ്യത കുറയ്ക്കുന്നു. തണ്ണിമത്തനിലെ ആന്റിഓക്‌സിഡന്റുകളും വിറ്റാമിൻ സിയും വൃക്ക കോശങ്ങളെ കേടുപാടുകളിൽ നിന്ന് സംരക്ഷിക്കുന്നു. തണ്ണിമത്തൻ വൃക്കയിലെ കല്ലുകൾ ഉണ്ടാകാനുള്ള സാധ്യത കുറയ്ക്കുന്നു. ത

നാരങ്ങ

നാരങ്ങയിലെ സിട്രിക് ആസിഡ് കല്ല് തടയുന്ന ഒരു ഏജന്റായി പ്രവർത്തിക്കുന്നു. കാരണം ഇത് മൂത്രത്തിന്റെ ഉത്പാദനത്തെ പ്രോത്സാഹിപ്പിക്കുകയും ശരീരത്തിലെ അസിഡിറ്റി അളവ് കുറയ്ക്കുകയും ചെയ്യുന്നു. ദിവസവും നാരങ്ങാവെള്ളം കുടിക്കുന്നത് ചെറിയ കല്ലുകൾ ഇല്ലാതാക്കാൻ സഹായിക്കുകയും പുതിയ കല്ലുകൾ ഉണ്ടാകുന്നത് തടയുകയും ചെയ്യുന്നു.

വെളുത്തുള്ളി

വെളുത്തുള്ളിയിൽ ആന്റിഓക്‌സിഡന്റും ആന്റി-ഇൻഫ്ലമേറ്ററി സംയുക്തങ്ങളും അടങ്ങിയിരിക്കുന്നു. ഇത് വൃക്ക കോശങ്ങളെ ഓക്‌സിഡേറ്റീവ് സമ്മർദ്ദത്തിൽ നിന്നും വീക്കത്തിൽ നിന്നും സംരക്ഷിക്കുന്നു. വെളുത്തുള്ളിയിലെ ആന്റി-ഇൻഫ്ലമേറ്ററി സംയുക്തങ്ങൾ അവയവങ്ങളുടെ കേടുപാടുകൾ തടയുകയും ലക്ഷണങ്ങൾ മെച്ചപ്പെടുത്താൻ സഹായിക്കുകയും ചെയ്യുന്നു. ഭക്ഷണത്തിൽ പതിവായി വെളുത്തുള്ളി ഉൾപ്പെടുത്തുന്നത് വൃക്കകളെ രോഗങ്ങളിൽ നിന്ന് സംരക്ഷിക്കുക ചെയ്യും.

വെള്ളരിക്ക

വെള്ളരിക്കയുടെ സ്വാഭാവിക ഡൈയൂററ്റിക് ഗുണങ്ങൾ ശരീരത്തിൽ നിന്ന് മാലിന്യങ്ങൾ നീക്കം ചെയ്യാൻ സഹായിക്കുന്നു. അതേസമയം വൃക്കകൾക്ക് സമീപം ഉണ്ടാകുന്ന വീക്കം കുറയ്ക്കുന്നു. വൃക്ക സംബന്ധമായ പ്രശ്നങ്ങൾ ഉള്ളവർക്ക് സുരക്ഷിതമായി വെള്ളരിക്ക കഴിക്കാം, കാരണം അതിൽ കുറഞ്ഞ അളവിൽ പൊട്ടാസ്യം അടങ്ങിയിട്ടുണ്ട്. ‌

മഞ്ഞൾ

മഞ്ഞളിൽ കുർക്കുമിൻ എന്ന സംയുക്തം അടങ്ങിയിട്ടുണ്ട്. ഇത് ശക്തമായ ആന്റിഓക്‌സിഡന്റും ആന്റി-ഇൻഫ്ലമേറ്ററി സംയുക്തവുമാണ്. ഇത് വിഷവസ്തുക്കൾ, അണുബാധകൾ, വിട്ടുമാറാത്ത രോഗങ്ങൾ എന്നിവ മൂലമുണ്ടാകുന്ന നാശത്തിൽ നിന്ന് വൃക്കകളെ സംരക്ഷിക്കുന്നു. ദൈനംദിന ഭക്ഷണത്തിൽ മഞ്ഞളിന്റെ പതിവ് ഉപയോഗം വൃക്കകളുടെ പ്രവർത്തനം സംരക്ഷിക്കാൻ സഹായിക്കുന്നു.