ഈ നാല് ഡ്രൈ ഫ്രൂട്ട്‌സ് കഴിക്കുന്നത് ശീലമാക്കൂ, വയറിലെ കൊഴുപ്പ് എളുപ്പം കുറയ്ക്കാം

ചില ഭക്ഷണങ്ങൾ ശരീരത്തിലെ അമിത കൊഴുപ്പ് ഇല്ലാതാക്കാൻ സഹായിക്കുന്നു. അതിലൊന്നാണ് ഡ്രൈ ഫ്രൂട്ട്‌സ്. വിറ്റാമിനുകൾ, ധാതുക്കൾ, നാരുകൾ, പ്രോട്ടീൻ എന്നിവയാൽ സമ്പന്നമായ ഡ്രൈ ഫ്രൂട്ട്‌സ് അധിക കിലോ കുറയ്ക്കുന്നതിൽ നിർണായക പങ്ക് വഹിക്കുന്നു. 

വയറിലെ കൊഴുപ്പ് വിവിധ ആരോ​ഗ്യപ്രശ്നങ്ങൾക്ക് കാരണമാകുമെന്ന് നമ്മുക്കറിയാം. ചില ഭക്ഷണങ്ങൾ ശരീരത്തിലെ അമിത കൊഴുപ്പ് ഇല്ലാതാക്കാൻ സഹായിക്കുന്നു. അതിലൊന്നാണ് ഡ്രൈ ഫ്രൂട്ട്‌സ്. വിറ്റാമിനുകൾ, ധാതുക്കൾ, നാരുകൾ, പ്രോട്ടീൻ എന്നിവയാൽ സമ്പന്നമായ ഡ്രൈ ഫ്രൂട്ട്‌സ് അധിക കിലോ കുറയ്ക്കുന്നതിൽ നിർണായക പങ്ക് വഹിക്കുന്നു. പല തരത്തിലുള്ള ഡ്രൈ ഫ്രൂട്ട്‌സ് വിപണിയിൽ ലഭ്യമാണ്. അവയെല്ലാം രുചികരവും ആരോഗ്യകരവുമാണ്. 

ഭാരം കുറയ്ക്കാൻ ഡ്രെെ ഫ്രൂട്സ് സഹായകമാണ്. ‍ഡ്രെെ ഫ്രൂട്ട്സ് കുതിർത്ത് കഴിക്കുന്ന ചിലരെ നിങ്ങൾ കണ്ടിട്ടുണ്ടാകും. ഡ്രെെ ഫ്രൂട്ട്‌സ് കുതിർക്കുന്നത് അവയിൽ അടങ്ങിയിരിക്കുന്ന ഫൈറ്റേറ്റുകളുടെയും ഓക്സലേറ്റുകളുടെയും ഫലങ്ങൾ കുറയ്ക്കാൻ കാരണമാകും. 

നട്ട്‌സ്, ഡ്രൈ ഫ്രൂട്ട്‌സ് എന്നിവയിൽ ഫൈറ്റിക് ആസിഡ്, ടാന്നിൻസ് തുടങ്ങിയ സംയുക്തങ്ങൾ അടങ്ങിയിട്ടുണ്ട്. ഇത് പോഷകങ്ങളുടെ ആഗിരണത്തെ തടയും. കുതിർക്കുന്നത് ഈ ആന്റി ന്യൂട്രിയന്റുകളുടെ അളവ് കുറയ്ക്കാൻ സഹായിക്കുന്നു. ശരീരഭാരം കുറയ്ക്കാൻ സഹായിക്കുന്ന അഞ്ച് ഡ്രെെ ഫ്രൂട്സുകൾ ഏതൊക്കെ എന്നറിയാം. 

ബദാം...

ആരോഗ്യകരമായ കൊഴുപ്പുകളും നാരുകളും പ്രോട്ടീനും അടങ്ങിയ ബദാം ശരീരഭാരം കുറയ്ക്കാൻ സഹായകമാണ്. ബദാമിലെ മോണോസാച്ചുറേറ്റഡ് കൊഴുപ്പുകൾ ഹൃദയാരോഗ്യം മെച്ചപ്പെടുത്തുന്നതിനൊപ്പം വയറിലെ കൊഴുപ്പ് അകറ്റുന്നതിനും ഫലപ്രദമാണ്. അവയുടെ ഉയർന്ന മഗ്നീഷ്യം ഉള്ളടക്കം രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും പഞ്ചസാരയുടെ ആസക്തി കുറയ്ക്കുന്നതിനും സഹായിക്കുന്നു.

വാൾനട്ട്...

ഒമേഗ-3 ഫാറ്റി ആസിഡുകളുടെ ഏറ്റവും മികച്ച ഉറവിടമാണ് വാൾനട്ട്. ഇത് വീക്കം കുറയ്ക്കുന്നതിനും കൊഴുപ്പ് ഓക്‌സിഡേഷൻ വർദ്ധിപ്പിക്കുന്നതിനുമായി ബന്ധപ്പെട്ടിരിക്കുന്നു. ഒമേഗ -3 മെറ്റബോളിസത്തെ വർധിപ്പിക്കുക മാത്രമല്ല, വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് തടയാനും ശരീരഭാരം കുറയ്ക്കാനും സഹായിക്കുന്നു. 

പ്ളം...

ആരോഗ്യത്തിന്‌ ഗുണംചെയ്യുന്ന ഏറെ ഘടകങ്ങൾ പ്ലമ്മിൽ അടങ്ങിയിട്ടുണ്ടെന്നാണ്‌ ഗവേഷണ ഫലങ്ങൾ പറയുന്നത്.
വൃക്കരോഗം, സന്ധിവാതം, രക്തപ്രവാഹത്തിന് ചികിത്സിക്കാൻ പ്ലം ഡ്രിങ്കുകൾ ഉപയോഗിക്കാറുണ്ട്. വിളർച്ച, ഹൃദയ രോഗങ്ങൾ എന്നിവയ്ക്ക് പ്ലംസ് ഉപയോഗിക്കാൻ ഡോക്ടർമാർ ശുപാർശ ചെയ്യാറുണ്ട്.

ഉണക്കമുന്തിരി...

ഉണക്കമുന്തിരിയിൽ ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഉപാപചയ ആരോഗ്യത്തെ പിന്തുണയ്ക്കുകയും വിഷാംശം ഇല്ലാതാക്കാൻ സഹായിക്കുകയും ചെയ്യുന്നു. ഉണക്കമുന്തിരി വെള്ളം കുടിക്കുന്നത് ശരീരത്തിലെ ദോഷകരമായ എല്ലാ വിഷവസ്തുക്കളെയും പുറന്തള്ളാൻ സഹായിക്കും. ഈ പാനീയം കരളിന്റെ ബയോകെമിക്കൽ പ്രക്രിയ മെച്ചപ്പെടുത്തുകയും രക്തം ശുദ്ധീകരിക്കാൻ സഹായിക്കുകയും ചെയ്യുന്നു. ഇത്  കരളിനെ എളുപ്പത്തിൽ ശുദ്ധീകരിക്കുന്നു.

ആപ്രിക്കോട്ട്...

ഡ്രൈ ഫ്രൂട്ട്സിൻറെ കൂട്ടത്തിൽ എല്ലാവരും ഇഷ്ടപ്പെടുന്ന ഒന്നാണ് ആപ്രിക്കോട്ട്. നിരവധി പോഷകങ്ങൾ അടങ്ങിയതാണ് ആപ്രിക്കോട്ട്. അയേണിനാൽ സമ്പുഷ്ടമായ ഇവ ഗർഭിണികൾക്ക് കഴിക്കാവുന്ന മികച്ച ഡ്രൈ ഫ്രൂട്ടാണ്. പൊട്ടാസ്യം ധാരാളം അടങ്ങിയ ഇവ രക്തസമ്മർദ്ദത്തെ നിയന്ത്രിക്കാനും സഹായിക്കും. കൂടാതെ രക്തത്തിലെ പഞ്ചസാരയുടെ തോത് നിയന്ത്രിച്ചുനിർത്താനും ഇതിന് പ്രത്യേക കഴിവുണ്ട്. 

Read more മുരിങ്ങയില ഇഷ്ടപ്പെടുന്നവരാണോ നിങ്ങൾ ? എങ്കിൽ ഇതറിഞ്ഞോളൂ