മോശം കൊളസ്ട്രോൾ ഹൃദ്രോഗം വികസിപ്പിക്കാനുള്ള സാധ്യത വർദ്ധിപ്പിക്കും. ജങ്ക് ഫുഡ്, ഓയിൽ ഫുഡ് എന്നിവ ചീത്ത കൊളസ്ട്രോൾ ഉണ്ടാകാനുള്ള സാധ്യത വർദ്ധിപ്പിക്കുന്നു. വ്യായാമമില്ലായ്മ, പുകവലി എന്നിവയും കൊളസ്ട്രോൾ അപകട ഘടകങ്ങൾക്ക് കാരണമാകുന്നു.
ഇന്ന് പലരേയും അലട്ടുന്ന ജീവിതശെെലി രോഗങ്ങളിലൊന്നാണ് കൊളസ്ട്രോൾ. രണ്ട് തരത്തിലുള്ള കൊളസ്ട്രോളാണുള്ളത്. ലോ ഡെൻസിറ്റി ലിപ്പോപ്രോട്ടീൻ കൊളസ്ട്രോൾ (എൽഡിഎൽ), എച്ച്‌ഡിഎൽ (ഉയർന്ന സാന്ദ്രതയുള്ള ലിപ്പോപ്രോട്ടീൻ) എന്നിങ്ങനെ രണ്ട് തരത്തിലുള്ള കൊളസ്ട്രോളാണുള്ളത്.
മോശം ഹൃദ്രോഗം വികസിപ്പിക്കാനുള്ള സാധ്യത വർദ്ധിപ്പിക്കും. ജങ്ക് ഫുഡ്, ഓയിൽ ഫുഡ് എന്നിവ ചീത്ത കൊളസ്ട്രോൾ ഉണ്ടാകാനുള്ള സാധ്യത വർദ്ധിപ്പിക്കുന്നു. വ്യായാമമില്ലായ്മ, പുകവലി എന്നിവയും കൊളസ്ട്രോൾ അപകട ഘടകങ്ങൾക്ക് കാരണമാകുന്നു.
നിങ്ങൾക്ക് ഉയർന്ന കൊളസ്ട്രോൾ ഉണ്ടെങ്കിൽ രക്തക്കുഴലുകളിൽ ഫാറ്റി ഡിപ്പോസിറ്റ് ഉണ്ടാക്കാം. കാലക്രമേണ ഇത് കൂടുകയും ധമനികളിലൂടെ കടന്നുപോകുന്ന രക്തത്തിന്റെ അളവ് നിയന്ത്രിക്കുകയും ചെയ്യുന്നു. ചിലപ്പോൾ ഇത് ഹൃദയാഘാതം അല്ലെങ്കിൽ സ്ട്രോക്ക് എന്നിവയ്ക്കുള്ള സാധ്യതയും വർദ്ധിപ്പിക്കുന്നു. അതിനാൽ, കൊളസ്ട്രോളിന്റെ ചില സൂചനകൾ നിങ്ങൾ നേരത്തെ തന്നെ തിരിച്ചറിയേണ്ടത് അത്യാവശ്യമാണ്.
ഉയർന്ന കൊളസ്ട്രോളിന്റെ പ്രധാനപ്പെട്ട നാല് ലക്ഷണങ്ങൾ...
ചർമ്മ തിണർപ്പ്...
രക്തത്തിൽ കൊളസ്ട്രോൾ കൂടുതലായാൽ ചർമ്മത്തിൽ കൊഴുപ്പ് അടിഞ്ഞുകൂടാൻ കാരണമാകും. ഇത് കൊഴുപ്പ് നിറഞ്ഞ ഓറഞ്ച് അല്ലെങ്കിൽ മഞ്ഞകലർന്ന കുമിളകളാൽ സാധാരണ ചർമ്മ തിണർപ്പ് പോലെ പ്രത്യക്ഷപ്പെടുന്നു. ഈ ചർമ്മ പ്രശ്നങ്ങൾ വ കാലുകളുടെ കൈപ്പത്തിയിലും കണ്ണുകളുടെ കോണുകളിലും ഉണ്ടാകാമെന്ന് അമേരിക്കൻ അക്കാദമി ഓഫ് ഡെർമറ്റോളജി അസോസിയേഷൻ ചൂണ്ടിക്കാട്ടുന്നു.
കൈകളിലും കാലുകളിലും വീക്കവും മരവിപ്പും...
പെരിഫറൽ ആർട്ടറി ഡിസീസ് അല്ലെങ്കിൽ പിഎഡി എന്ന മറ്റൊരു ഗുരുതരമായ ആരോഗ്യ അവസ്ഥയിലേക്കും കൊളസ്ട്രോൾ നയിച്ചേക്കാം. ഇത് ശരീരത്തിലേക്ക് പ്രത്യേകിച്ച് കാലുകളിലേക്കുള്ള രക്തയോട്ടം കുറയ്ക്കുന്നതിന് വഴിയൊരുക്കുന്നു. നടക്കുമ്പോൾ, കൈകളിലേക്കോ കാലുകളിലേക്കോ മതിയായ രക്തപ്രവാഹം പരിമിതമായതിനാൽ PAD ഉള്ള ഒരു വ്യക്തിക്ക് കാലിൽ കടുത്ത വേദന അനുഭവപ്പെടുന്നു. ചികിത്സിച്ചില്ലെങ്കിൽ, കാലുകൾ മരവിപ്പ്, വീക്കം, ബലഹീനത എന്നിവ ഉണ്ടാകുന്നു.
നഖങ്ങളിൽ ഫംഗസ്...
അമിതമായ കൊഴുപ്പ് അടിഞ്ഞുകൂടുന്നത് മൂലം ധമനികൾ ഇടുങ്ങിയേക്കാം. ഇത് നഖങ്ങളിലേക്കും ശരീരത്തിന്റെ മറ്റ് ഭാഗങ്ങളിലേക്കും രക്ത വിതരണം തടസ്സപ്പെടുത്തും. ചിലപ്പോൾ സ്പ്ലിന്റർ ഹെമറേജുകൾ എന്നറിയപ്പെടുന്ന വരകൾ നഖങ്ങളിൽ പ്രത്യക്ഷപ്പെടാം.
കണ്ണുകൾക്ക് ചുറ്റും മഞ്ഞ നിറത്തിലുള്ള പാടുകൾ...
സാന്തെലാസ്മ അല്ലെങ്കിൽ സാന്തേലാസ്മ പാൽപെബ്രറം (എക്സ്പി) എന്ന് വിളിക്കപ്പെടുന്ന ഒരു നല്ല മഞ്ഞ വളർച്ച, മൂക്കിനോട് ചേർന്ന് കണ്പോളകളുടെ കോർണറിൽ വികസിക്കാം. ചർമ്മത്തിന് താഴെയുള്ള കൊളസ്ട്രോൾ നിക്ഷേപം മൂലമാണ് സാന്തലാസ്മ ഉണ്ടാകുന്നതെന്ന് ക്ലീവ്‌ലാൻഡ് ക്ലിനിക്ക് അവകാശപ്പെടുന്നു. പ്രമേഹം, ഹൈപ്പർലിപിഡെമിയ (ഉയർന്ന കൊളസ്ട്രോൾ), തൈറോയ്ഡ് പ്രശ്നങ്ങൾ തുടങ്ങിയ മറ്റ് രോഗങ്ങളാലും സാന്തെലാസ്മസ് ഉണ്ടാകാമെന്ന് വിദഗ്ധർ പറയുന്നു.
രോഗപ്രതിരോധ സംവിധാനത്തെ ആരോഗ്യകരമായി നിലനിർത്താൻ വേണ്ട ആറ് പോഷകങ്ങൾ
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.