ശരീരത്തിൽ ഇരുമ്പിന്‍റെ കുറവുണ്ടോ? തിരിച്ചറിയേണ്ട ഏഴ് ലക്ഷണങ്ങള്‍

ശരീരത്തിൽ ആവശ്യത്തിന് ചുവന്ന രക്താണുക്കൾ ഇല്ലാത്ത അവസ്ഥയാണിത്. ഇരുമ്പിന്‍റെ കുറവുള്ളവരില്‍ കാണുന്ന പ്രധാനപ്പെട്ട ലക്ഷണങ്ങൾ എന്തൊക്കെയാണെന്ന് നോക്കാം.

ശരീരത്തിൽ ഇരുമ്പിന്‍റെ അംശം കുറഞ്ഞു കാണുന്ന അവസ്ഥയാണ് അനീമിയ അഥവാ വിളർച്ച. ശരീരത്തിൽ ആവശ്യത്തിന് ചുവന്ന രക്താണുക്കൾ ഇല്ലാത്ത അവസ്ഥയാണിത്. ഇരുമ്പിന്‍റെ കുറവുള്ളവരില്‍ കാണുന്ന പ്രധാനപ്പെട്ട ലക്ഷണങ്ങൾ എന്തൊക്കെയാണെന്ന് നോക്കാം.

1. ശ്വസിക്കാനുള്ള ബുദ്ധിമുട്ട്

ചെറിയ കായികാധ്വാനം ചെയ്യുമ്പോള്‍ പോലും അനുഭവപ്പെടുന്ന ശ്വസിക്കാനുള്ള ബുദ്ധിമുട്ട് ഇരുമ്പിന്‍റെ കുറവുള്ളവരില്‍ കാണുന്ന ലക്ഷണമാകാം. 

2. അമിത ക്ഷീണം

ഒരു കാരണവുമില്ലാതെ അനുഭവപ്പെടുന്ന അമിത ക്ഷീണം, തളര്‍ച്ച, ഉന്മേഷക്കുറവ്, ഒന്നും ചെയ്യാന്‍ തോന്നാത്ത അവസ്ഥ തുടങ്ങിയവയും ചിലപ്പോള്‍ ഇരുമ്പിന്‍റെ കുറവു മൂലമാകാം. 

3. വിളറിയ ചര്‍മ്മം

വിളറിയ ചര്‍മ്മവും ഇരുമ്പിന്‍റെ കുറവിനെ സൂചിപ്പിക്കുന്ന ഒരു പ്രധാന ലക്ഷണമാകാം. 

4. നഖങ്ങൾ പെട്ടെന്ന് പൊട്ടുക

പെട്ടെന്ന് പൊട്ടുന്നതോ ആകൃതി തെറ്റിയതോ ആയ നഖങ്ങളും ചിലപ്പോള്‍ അയേണിന്‍റെ കുറവിന്‍റെ സൂചനയാകാം. 

5. ഇടയ്ക്കിടെയുള്ള തലവേദന

ഇടയ്ക്കിടെയുള്ള തലവേദന, തലക്കറക്കം എന്നിവയും ചിലപ്പോള്‍ ഇരുമ്പിന്‍റെ കുറവിനെ സൂചിപ്പിക്കുന്ന ലക്ഷണമാകാം. 

6. വിചിത്രമായ ഭക്ഷണങ്ങളോടുള്ള കൊതി 

വിചിത്രമായ ഭക്ഷണങ്ങളോടുള്ള കൊതിയും ചിലപ്പോള്‍ അയേണിന്‍റെ കുറവുമായി ബന്ധപ്പെട്ടതാകാം. 

7. തണുത്ത കൈകള്‍

എപ്പോഴും കൈ-കാലുകള്‍ തണുത്തിരിക്കുന്നതും ഇരുമ്പിന്‍റെ കുറവിനെ സൂചിപ്പിക്കുന്ന ലക്ഷണമാകാം. 

ഇരുമ്പ് അടങ്ങിയ ചില ഭക്ഷണങ്ങളെ പരിചയപ്പെടാം: 

ഇലക്കറികൾ, ബീറ്റ്റൂട്ട്, മാതളം, ഈന്തപ്പഴം, ചിയ സീഡ്സ് തുടങ്ങിയവയില്‍ നിന്നും ശരീരത്തിന് വേണ്ട ഇരുമ്പ് ലഭിക്കും. 

ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക.