ഈ ലക്ഷണങ്ങള്‍ ശ്രദ്ധിക്കുക, ഫൈബ്രോമയാള്‍ജിയ ആകാം...

ഫൈബ്രോമയാൾജിയയുടെ കൃത്യമായ കാരണം അജ്ഞാതമാണ്. എന്നിരുന്നാലും ചില മെഡിക്കൽ അവസ്ഥകൾ, സമ്മർദ്ദം, ജീവിതശൈലിയിലെ മാറ്റങ്ങൾ എന്നിവ രോഗസാധ്യതയെ വര്‍ധിപ്പിക്കുമെന്ന് പഠനങ്ങള്‍ പറയുന്നു. 

ഏറെ വ്യത്യസ്തവും സങ്കീര്‍ണവുമായ ലക്ഷണങ്ങളോടു കൂടി കാണപ്പെടുന്ന ഒരു അവസ്ഥയാണ് ഫൈബ്രോമയാള്‍ജിയ അഥവാ  പേശിവാതം. അകാരണവും വിട്ടുമാറാത്തതുമായ പേശികളുടെയും സന്ധികളുടെയും വേദനയും ക്ഷീണവുമാണ് ഇതിന്റെ പ്രധാന ലക്ഷണം. പൊതുവേ ശരിയായ രോഗനിര്‍ണയം നടത്താന്‍ വളരെയധികം കാലതാമസം കണ്ടുവരാറുണ്ട്. ആയതുകൊണ്ടുതന്നെ ഈ രോഗികള്‍ വളരെയധികം കാലം വേദന സഹിക്കേണ്ട സാഹചര്യം ഉണ്ടാകാറുണ്ട്.

ഫൈബ്രോമയാൾജിയയുടെ കൃത്യമായ കാരണം അജ്ഞാതമാണ്. എന്നിരുന്നാലും ചില മെഡിക്കൽ അവസ്ഥകൾ, സമ്മർദ്ദം, ജീവിതശൈലിയിലെ മാറ്റങ്ങൾ എന്നിവ രോഗസാധ്യതയെ വര്‍ധിപ്പിക്കുമെന്ന് പഠനങ്ങള്‍ പറയുന്നു. പേശികളിൽ ഉണ്ടാകുന്ന അസ്വസ്ഥത തന്നെയാണ് രോഗത്തിന്‍റെ പ്രാഥമിക ലക്ഷണം. 

ഫൈബ്രോമയാള്‍ജിയയുടെ ലക്ഷണങ്ങള്‍ എന്തൊക്കെയാണെന്ന് നോക്കാം... 

1. പേശികളിലും സന്ധികളിലും വേദന, കാഠിന്യം
2. ശരീരത്തിന്റെ ഒരു വശത്തോ ഒരു ഭാഗത്തോ തുടങ്ങി പിന്നീട് ദേഹമാസകലമുള്ള വേദനയായി കാലങ്ങളോളം നില്‍ക്കുന്നു.
3. അകാരണമായ ക്ഷീണം
4. തലവേദന 
5. ഉറക്കക്കുറവ്
6. കാലുകളിലും കൈകളിലും മരവിപ്പ്
7.  ഓര്‍മക്കുറവ്, ഏകാഗ്രതക്കുറവ്
8. അകാരണമായ വ്യാകുലത, വിഷാദം
9. ഓക്കാനം
10.  പെൽവിക് പ്രശ്‌നങ്ങള്‍
11.  പനിയും ജലദോഷവും 
12. ശ്വാസതടസ്സം 
13. ചർമ്മാരോഗ്യ പ്രശ്നങ്ങൾ 

ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം